Barcha fanlardan online testlar

Ona tili va adabiyot olimpiada Tuman 2022-2023 o'quv yili

11-sinf Ona tili va adabiyot olimpiada №3

InfoMaster

Avgust 19, 2024

107 Ko'rishlar 4 izohlar

SaqlashSaqlanganOlib tashlandi 0

11-sinf Ona tili va adabiyot olimpiada №3

2022-yil 12-oktabr:

2022-2023 o'quv yili tuman bosqichida tushgan savollar!

1 / 25

Buyruq-xitob undovi qatnashgan gapni aniqlang.

A) Ey Luqmoni Hakim, sening dong‘ing tutdi olamni.

B) Iya, sen mehmonga kelasan-u, ovoragarchiligi bormi?

C) Voy, sen hali yalpiz nimaligini bilmaysanmi?

D) Oh, qanday go‘zal bu olam!

2 / 25

Adabiy nutqning sofligiga putur yetkazuvchi unsurlarni aniqlang. 1. shevaga xos so`zlar 2. Varvarizmlar 3. Vulgarizmlar 4. Kanselyarizmlar 5. Parazit so`zlar 6. Ibora va grammatik shakllar 7. Urg`u va talaffuz

A) 1,2,4,7

B) 2,3,4,6,7

C) 1,3,5,6,7

D) 1,2,3,4,5,6,7

3 / 25

Imloviy jihatdan to‘g‘ri yozilgan so‘zlar qatorini aniqlang.

A) muolija, mobodo, tamoman

B) mutaxasis, qutulmoq, tomosha

C) asqotmoq, o‘g‘irlamoq, ta’ma qilmoq

D) taqiqlamoq, xayol, qat’i nazar

4 / 25

G‘irot oti qaysi doston qahramonining doimiy yo‘ldoshi hisoblanadi?

A) Ravshan

B) Go‘ro‘g‘li

C) Kuntug‘mish

D) Alpomish

5 / 25

Har bir pok axloqli, ilohsevar shaxs komillikka intilishi va bu yo‘lda nasiba olishi mumkin. Yuqoridagi gapda qaysi gap bo‘lak(lar)i uyushgan?

A) ega, kesim

B) aniqlovchi

C) ega, aniqlovchi

D) aniqlovchi, kesim

6 / 25

Qaysi gapda barcha zamon shakllari o‘z ma’nosida ishlatilgan?

A) Shunda sizni azob emas, rohat kutadi.

B) – Yur, ketdik. Qorning to‘qmi? – dedi Habibulla.

C) Men ertaga ketyapman, Farhod.

D) Shu, Boboqul bilan Mamat polvon juda lanj ekan, nima dedingiz, Bo‘ri polvon?

7 / 25

Qaysi gapda hol vazifasida kelgan qaralmish ishtirok etgan?

A) Mustaqil O‘zbekiston davlati erkinlikning dastlabki yillaridanoq o‘zbek tilining muhofazasi uchun barcha qonuniy asoslarni yaratdi.

B) Til tufayli bilim avloddan avlodga og‘zaki va yozma tarzda qoldiriladi, natijada yangi avlod o‘tgan avlodning ishini yangidan boshlamasdan, uni davom ettiradi.

C) Tilning birinchi ahamiyati shundan iboratki, til tufayli jamiyat a’zolarining har birida hosil bo‘lgan bilim ommalashadi.

D) Meni katta hayotga olib chiqib qo‘ygan ustozlarimning zahmatini oqlay oldimmikin?

8 / 25

Navoiyning qaysi asarida insonni ulug‘laydigan imon, karam, adab, qanoat, vafo, rostlik, ilm kabi fazilatlar haqida alohida fikrlar bayon qilingan?

A) “Hayrat ul-abror”

B) “Lison ut-tayr”

C) “Saddi Iskandariy”

D) “Muhokamat ul-lug‘atayn”

9 / 25

Bizning qarorimiz shu // hasharda barchamiz faol ishtirok etamiz. Ushbu qo‘shma gap qismlari orasiga qaysi tinish belgisi qo‘yiladi?

A) tire

B) ikki nuqta

C) nuqtali vergul

D) vergul

10 / 25

Vatanning kun sayin obod bo‘layotgani, yangi yo‘llar, muhtasham inshootlar barpo etilayotgani yurtdoshlarimiz qalbiga faxr-iftixor baxsh etmoqda. Ushbu gap haqidagi to‘g‘ri hukmni toping.

A) Ega va qaratqich aniqlovchining uyushib kelishi kuzatiladi.

B) Qaratqich aniqlovchilarning barchasi to‘ldiruvchiga tobelangan.

C) Barcha uyushiq bo‘laklarning sifatlovchi aniqlovchisi mavjud.

D) Sodda va qo‘shma kesimlar mavjud.

11 / 25

Ham qaratqich aniqlovchini, ham sifatlovchi aniqlovchini bevosita tobelantirgan hol ishtirok etgan gapni aniqlang.

A) Bir yo‘l chekkasida yotibman nolon, Chorasiz bo‘lsam-da, men ham tirik jon.

B) Bir kishi umrining so‘ngiga qadar, Yig‘di mol-u dunyo, yig‘di siym-u zar.

C) Yolg‘izlikning rutubatli ko‘chalarida, Ne-ne oltin fasllarim o‘tdi junjikib.

D) Shuni esingdan chiqarma: aql dilning oltin kalitidir.

12 / 25

Qaysi gapda ergash gap bosh gapdan oldin kelgan?

A) Bobolardan qolgan noyob bu tortiq, Toki avlodlarga yetolsin omon.

B) Kitob mening do‘stim, chunki u – bilim manbayi.

C) Saxiylikni odat qilgan bo‘lsa kim, Qo‘lidan davlati ketmasin uning.

D) Shuni doimo yodda tutish kerakki, nodon kishining gapi ko‘p bo‘ladi.

13 / 25

Bahor vasfiga bag‘ishlangan birinchi o‘zbek g‘azali muallifini aniqlang.

A) Yusuf Xos Hojib

B) Mahmud Qoshg‘ariy

C) Alisher Navoiy

D) Nosiruddin Rabg‘uziy

14 / 25

Bo‘yung sarv-u sanubartek, beling qil, Vafo qilg‘on kishilarga vafo qil. (Xorazmiy) Ushbu baytda qanday she’riy san’atlar qo‘llangan?

A) tazod, tajnis, tanosub

B) tajnis, tashbeh, tanosub

C) tazod, talmeh, tanosub

D) talmeh, tashbeh, tajnis

15 / 25

Ko‘ngli tilagan murodig‘a yetsa kishi,
Yo barcha murodlarni tark etsa kishi.
Bu ikki ish muyassar bo‘lmasa olamda,
Boshini olib bir sorig‘a ketsa kishi.

Ushbu ruboiydagi raviyni aniqlang.

A) i harfi

B) a harfi

C) t harfi

D) s harfi

16 / 25

Qaysi gapda nisbat qo‘shimchasini olgan fe’l yasama otga tobelangan?

A) O‘g‘lining muvaffaqiyatidan faxrlangan otaning shodligi cheksiz edi.

B) Uzoqdan ko‘ringan qumloqlar sahro bag‘rida yastanib yotar edi.

C) Kechaga taklif etilgan shoirlar orasidan uni qidirdi, ammo topolmadi.

D) Bu kishi o‘sha tunda o‘zi bilan suhbatlashgan odam ekan.

17 / 25

Quyida berilgan so‘zlarni ma’nolari bilan birlashtiring.

A) 1-i, 2-a, 3-g, 4-b, 5-h

B) 1-g, 2-d, 3-e, 4-b, 5-f

C) 1-e, 2-d, 3-g, 4-f, 5-d

D) 1-i, 2-a, 3-e, 4-f, 5-b

18 / 25

Berilgan gaplar va ularda ishtirok etgan fe’l shakllari to‘g‘ri moslashtirilgan javobni aniqlang.

A) 1-a, d, e, g; 2-a, f, g

B) 1-a, d, e, f, g; 2-a, b, f, g

C) 1-a, b, d, e, f, g; 2-a, b, f

D) 1-b, d, e, f, g; 2-b, g, f

19 / 25

oshig‘i olchi iborasiga antonim iborani toping.

A) kosasi oqarmagan

B) dili pora

C) do‘ppisi yarimta

D) suv tekin

20 / 25

Berilgan birliklarning qaysi birida ko‘chma ma’noli so‘z mavjud emas?

A) daryo yoqasi

B) tog‘ cho‘qqisi

C) g‘orning og‘zi

D) varrakning dumi

21 / 25

Qaysi gapda ko‘makchi fe’l ish-harakatning davomiyligini bildirib kelgan?

A) Qo‘qonga nonushta mahalida kirib keldik.

B) Yodgor o‘z yonimda. Ba’zan Mehrixonlar oilasiga ham borib-kelib turadi.

C) Mo‘ysafid gullarni shiyponga qo‘yib, mehmonlar bilan ko‘risha ketdi.

D) Indamay g‘ishtlarni ustma-ust taxlay boshladi.

22 / 25

Mahmud Qoshg‘ariy tomonidan yozib qoldirilgan qaysi maqol turkiy xalqlar og‘zaki ijodida juda qadim davrlardan boshlab faol iste’molda bo‘lib, har qanday fazilatning boshlanishi bilimdir degan ma’noni anglatadi?

A) Kim kur bo‘lsa, kuvaz bo‘lur.

B) Qut belgusi – bilig.

C) Erdam boshi – til.

D) Uma kelsa, qut kelur.

23 / 25

“Go‘ro‘g‘lining tug‘ilishi” dostoni haqidagi noto‘g‘ri ma’lumotni aniqlang.

A) Shohdorxon boshqalarning maslahatiga quloq solmay, o‘ylamay qaror qabul qiladigan, uzoqni ko‘ra olmasligi natijasida ko‘plab insonlarning bevaqt o‘limiga sabab bo‘lgan shoh.

B) Parokanda bo‘layozgan Taka Yovmit elida Ravshanbekning kelishi bilan tub burilishlar sodir bo‘ladi. U el-yurt sha’nini, shavkatini, or-nomusini tiklaydi.

C) Go‘ro‘g‘lining tug‘ilishi va xalq manfaati yo‘lida qahramonlik ko‘rsatishida chiltanlar va Xizr alayhissalom katta o‘rin tutadi.

D) Go‘ro‘g‘lining ota-onasi – Ravshan va Bibi Hilol bolaligida Zargar eliga borib qolib, musofirchilikda voyaga yetishadi.

24 / 25

Qaysi javobdagi gaplarda tire tinish belgisi o‘zaro bir xil punktuatsion qoida asosida qo‘yilgan?

A) Mehnati halol baholansa, yerning sohibi – dehqonning hech kimdan kami bo‘lmaydi. Xalqaro savdo yo‘li – Buyuk ipak yo‘li Temur va Temuriylar davrida juda serqatnov bo‘lgan.

B) Yaxshi o‘g‘il – el obro‘si, yaxshi qiz – uy obro‘si. Qor yog‘di – don yog‘di.

C) Nabiram – Sayyora shu yerda tarbiyalanyapti. Gullar, daraxtlar, bog‘lar – barchasi bahor nafasini his qilmoqda.

D) Yurting tinch – sen tinch. Turnalar arg‘imchog‘i g‘ira-shira osmon ortiga – bulutlar bag‘riga singiydi.

25 / 25

Quyidagi gaplardan qaysi birida yordamchi so‘z turkumining barcha turi ishtirok etgan?

A) Ma’naviyat insonga ona suti va ota namunasi, ajdodlar o‘giti bilan singadi.

B) Polvonning qo‘li kuch bilan o‘ziga tortar, ammo bir qarich ham oldinga siljitolmasdi.

C) Mehmonlar osh-suv taraddudiga yo‘l qo‘ymasdan, sut-qatiq bilan quruq choy ichib, darhol o‘tirgan joylariga uzandilar va aravada urinib kelganlari uchun uzanar-uzanmas uyquga ketdilar.

D) Ey farzand, aqlli, farosatli va ilm-u hunarli kishilar bilan do‘st bo‘l.