Barcha fanlardan online testlar

Ona tili va adabiyot olimpiada Tuman 2022-2023 o'quv yili

11-sinf Ona tili va adabiyot olimpiada №3

InfoMaster

Avgust 19, 2024

123 Ko'rishlar 4 izohlar

SaqlashSaqlanganOlib tashlandi 0

11-sinf Ona tili va adabiyot olimpiada №3

2022-yil 12-oktabr:

2022-2023 o'quv yili tuman bosqichida tushgan savollar!

1 / 25

Behbudiy Arab tili grammatikasini qaysi tog‘asidan o‘rgangan?

A) Muhammad Solih

B) Mulla Odil

C) Muhammad Sodiq

D) Muhammad Siddiq

2 / 25

Sifatdosh va harakat nomi tarkibidagi egalik qo`shimchalari harakat bajaruvchisining shaxsi va sonini bildiradi. Shuning uchun qaratqich kelishigini olgan shaxs bildiruvchi so`zning qo`llanishiga ko`pincha ehtiyoj bo`lmaydi. Ushbu qoida talabiga mos bo`lmaydigan gap qaysi qatorda berilgan?

A) Bilganingni eldan ayama.

B) Buzoqning yugurgani - bizning kutganimiz.

C) Boqqaning ikki echki, o`shqirganing yer tebratar.

D) Bo`zchi bilganin to`qir, Baxshi bilganin o`qir.

3 / 25

Qaysi asarda jaholat, ilmsizlik, tarbiyasizlikka qarshi ma’rifat ulug‘lanadi?

A) “Qorako‘z Majnun”

B) “O‘tkan kunlar”

C) “Hayotga muhabbat”

D) “Padarkush”

4 / 25

G‘irot oti qaysi doston qahramonining doimiy yo‘ldoshi hisoblanadi?

A) Kuntug‘mish

B) Alpomish

C) Go‘ro‘g‘li

D) Ravshan

5 / 25

Navoiyning qaysi asarida insonni ulug‘laydigan imon, karam, adab, qanoat, vafo, rostlik, ilm kabi fazilatlar haqida alohida fikrlar bayon qilingan?

A) “Muhokamat ul-lug‘atayn”

B) “Hayrat ul-abror”

C) “Saddi Iskandariy”

D) “Lison ut-tayr”

6 / 25

oshig‘i olchi iborasiga antonim iborani toping.

A) kosasi oqarmagan

B) do‘ppisi yarimta

C) dili pora

D) suv tekin

7 / 25

Bo‘yung sarv-u sanubartek, beling qil, Vafo qilg‘on kishilarga vafo qil. (Xorazmiy) Ushbu baytda qanday she’riy san’atlar qo‘llangan?

A) talmeh, tashbeh, tajnis

B) tajnis, tashbeh, tanosub

C) tazod, talmeh, tanosub

D) tazod, tajnis, tanosub

8 / 25

Har bir pok axloqli, ilohsevar shaxs komillikka intilishi va bu yo‘lda nasiba olishi mumkin. Yuqoridagi gapda qaysi gap bo‘lak(lar)i uyushgan?

A) aniqlovchi

B) ega, kesim

C) ega, aniqlovchi

D) aniqlovchi, kesim

9 / 25

Bahor vasfiga bag‘ishlangan birinchi o‘zbek g‘azali muallifini aniqlang.

A) Nosiruddin Rabg‘uziy

B) Yusuf Xos Hojib

C) Alisher Navoiy

D) Mahmud Qoshg‘ariy

10 / 25

Qaysi gapda hol vazifasida kelgan qaralmish ishtirok etgan?

A) Mustaqil O‘zbekiston davlati erkinlikning dastlabki yillaridanoq o‘zbek tilining muhofazasi uchun barcha qonuniy asoslarni yaratdi.

B) Meni katta hayotga olib chiqib qo‘ygan ustozlarimning zahmatini oqlay oldimmikin?

C) Til tufayli bilim avloddan avlodga og‘zaki va yozma tarzda qoldiriladi, natijada yangi avlod o‘tgan avlodning ishini yangidan boshlamasdan, uni davom ettiradi.

D) Tilning birinchi ahamiyati shundan iboratki, til tufayli jamiyat a’zolarining har birida hosil bo‘lgan bilim ommalashadi.

11 / 25

Ey Navoiy, eldan bir chaqa ham tama qilma, aksincha, o‘zing elga bersang, buni “karam” deydilar. Ushbu gapda ishtirok etgan gap bo‘laklari bilan aloqaga kirishmaydigan so‘zlarni aniqlang.

A) tama qilma, deydilar

B) ey Navoiy, karam

C) ey, aksincha, karam

D) ey Navoiy, aksincha

12 / 25

Berilgan gaplar va ularda ishtirok etgan fe’l shakllari to‘g‘ri moslashtirilgan javobni aniqlang.

A) 1-a, d, e, f, g; 2-a, b, f, g

B) 1-b, d, e, f, g; 2-b, g, f

C) 1-a, d, e, g; 2-a, f, g

D) 1-a, b, d, e, f, g; 2-a, b, f

13 / 25

“Alp Er To‘nga” marsiyasi qaysi asar orqali bizgacha yetib kelgan?

A) “Qutadg‘u bilik”

B) “Devonu lug‘ot it-turk”

C) “Qissasi Rabg‘uziy”

D) “Hayrat ul-abror”

14 / 25

Ham qaratqich aniqlovchini, ham sifatlovchi aniqlovchini bevosita tobelantirgan hol ishtirok etgan gapni aniqlang.

A) Yolg‘izlikning rutubatli ko‘chalarida, Ne-ne oltin fasllarim o‘tdi junjikib.

B) Bir yo‘l chekkasida yotibman nolon, Chorasiz bo‘lsam-da, men ham tirik jon.

C) Shuni esingdan chiqarma: aql dilning oltin kalitidir.

D) Bir kishi umrining so‘ngiga qadar, Yig‘di mol-u dunyo, yig‘di siym-u zar.

15 / 25

Qaysi gapda ko‘makchi fe’l ish-harakatning davomiyligini bildirib kelgan?

A) Mo‘ysafid gullarni shiyponga qo‘yib, mehmonlar bilan ko‘risha ketdi.

B) Indamay g‘ishtlarni ustma-ust taxlay boshladi.

C) Qo‘qonga nonushta mahalida kirib keldik.

D) Yodgor o‘z yonimda. Ba’zan Mehrixonlar oilasiga ham borib-kelib turadi.

16 / 25

Bu yo‘llardan borurman, qadim
Bitiktoshlar chiqar qoshimga.
Ular so‘zin ko‘chiraman jim
Yuragimning bujur toshiga,
Ey, dardimga darmonim, Vatan!
Ushbu she’riy parchada ajratib ko‘rsatilgan so‘zning sintaktik vazifasini aniqlang.

A) sifatlovchi aniqlovchi

B) o`rin holi

C) vositali to‘ldiruvchi

D) payt holi

17 / 25

Berilgan birliklarning qaysi birida ko‘chma ma’noli so‘z mavjud emas?

A) g‘orning og‘zi

B) varrakning dumi

C) daryo yoqasi

D) tog‘ cho‘qqisi

18 / 25

Bizning qarorimiz shu // hasharda barchamiz faol ishtirok etamiz. Ushbu qo‘shma gap qismlari orasiga qaysi tinish belgisi qo‘yiladi?

A) nuqtali vergul

B) vergul

C) ikki nuqta

D) tire

19 / 25

“Go‘ro‘g‘lining tug‘ilishi” dostoni haqidagi noto‘g‘ri ma’lumotni aniqlang.

A) Go‘ro‘g‘lining ota-onasi – Ravshan va Bibi Hilol bolaligida Zargar eliga borib qolib, musofirchilikda voyaga yetishadi.

B) Go‘ro‘g‘lining tug‘ilishi va xalq manfaati yo‘lida qahramonlik ko‘rsatishida chiltanlar va Xizr alayhissalom katta o‘rin tutadi.

C) Shohdorxon boshqalarning maslahatiga quloq solmay, o‘ylamay qaror qabul qiladigan, uzoqni ko‘ra olmasligi natijasida ko‘plab insonlarning bevaqt o‘limiga sabab bo‘lgan shoh.

D) Parokanda bo‘layozgan Taka Yovmit elida Ravshanbekning kelishi bilan tub burilishlar sodir bo‘ladi. U el-yurt sha’nini, shavkatini, or-nomusini tiklaydi.

20 / 25

Imloviy jihatdan to‘g‘ri yozilgan so‘zlar qatorini aniqlang.

A) asqotmoq, o‘g‘irlamoq, ta’ma qilmoq

B) taqiqlamoq, xayol, qat’i nazar

C) mutaxasis, qutulmoq, tomosha

D) muolija, mobodo, tamoman

21 / 25

Qaysi gapda nisbat qo‘shimchasini olgan fe’l yasama otga tobelangan?

A) Uzoqdan ko‘ringan qumloqlar sahro bag‘rida yastanib yotar edi.

B) O‘g‘lining muvaffaqiyatidan faxrlangan otaning shodligi cheksiz edi.

C) Bu kishi o‘sha tunda o‘zi bilan suhbatlashgan odam ekan.

D) Kechaga taklif etilgan shoirlar orasidan uni qidirdi, ammo topolmadi.

22 / 25

Quyida berilgan so‘zlarni ma’nolari bilan birlashtiring.

A) 1-i, 2-a, 3-e, 4-f, 5-b

B) 1-g, 2-d, 3-e, 4-b, 5-f

C) 1-e, 2-d, 3-g, 4-f, 5-d

D) 1-i, 2-a, 3-g, 4-b, 5-h

23 / 25

Vatanning kun sayin obod bo‘layotgani, yangi yo‘llar, muhtasham inshootlar barpo etilayotgani yurtdoshlarimiz qalbiga faxr-iftixor baxsh etmoqda. Ushbu gap haqidagi to‘g‘ri hukmni toping.

A) Barcha uyushiq bo‘laklarning sifatlovchi aniqlovchisi mavjud.

B) Sodda va qo‘shma kesimlar mavjud.

C) Qaratqich aniqlovchilarning barchasi to‘ldiruvchiga tobelangan.

D) Ega va qaratqich aniqlovchining uyushib kelishi kuzatiladi.

24 / 25

Qaysi gapda barcha zamon shakllari o‘z ma’nosida ishlatilgan?

A) Men ertaga ketyapman, Farhod.

B) Shunda sizni azob emas, rohat kutadi.

C) – Yur, ketdik. Qorning to‘qmi? – dedi Habibulla.

D) Shu, Boboqul bilan Mamat polvon juda lanj ekan, nima dedingiz, Bo‘ri polvon?

25 / 25

Qaysi javobdagi gaplarda tire tinish belgisi o‘zaro bir xil punktuatsion qoida asosida qo‘yilgan?

A) Yurting tinch – sen tinch. Turnalar arg‘imchog‘i g‘ira-shira osmon ortiga – bulutlar bag‘riga singiydi.

B) Mehnati halol baholansa, yerning sohibi – dehqonning hech kimdan kami bo‘lmaydi. Xalqaro savdo yo‘li – Buyuk ipak yo‘li Temur va Temuriylar davrida juda serqatnov bo‘lgan.

C) Nabiram – Sayyora shu yerda tarbiyalanyapti. Gullar, daraxtlar, bog‘lar – barchasi bahor nafasini his qilmoqda.

D) Yaxshi o‘g‘il – el obro‘si, yaxshi qiz – uy obro‘si. Qor yog‘di – don yog‘di.