10-sinf Ona tili olimpiada №5 Yanvar 13, 2024Avgust 19, 2024 da chop etilgan InfoMaster tomonidan 10-sinf Ona tili olimpiada №5 ga 1 fikr bildirilgan 0 123456789101112131415161718192021222324252627282930 Tomonidan yaratilgan InfoMaster 10-sinf Ona tili olimpiada №5 2023-yil 21-oktyabr: 2023-2024 o'quv yilida tuman bosqichida tushgan savollar! 1 / 30 1. Ilmiy uslubga xos birliklarni aniqlang. 1)sohaga doir terminlar faol qo‘llanadi; 2)ta’rif-qoidalar keltiriladi; 3)bo‘yoqdor birliklar, ibora va maqollardan foydalaniladi; 4)murakkab jumlalar, kirish va kiritmali qurilmalar ko‘p uchraydi. A) 2, 3, 4. B) 3, 4; C) 1, 2, 4; D) 1, 2, 3; 2 / 30 2. “Padarkush” dramasidagi domla obraziga to‘g‘ri ta’rif berilgan javobni aniqlang. A) Millat bolalarini faqat shariat ilmini va zarurati diniyani o‘rgatishga chaqirgan shaxs. B) Boylarga nasihat qilish orqali kata boylik va obro‘ga ega bo‘lgan din ulamosi. C) Faqat boylarga nasihat qiladigan, kambag‘allarga e’tibor bermaydigan inson. D) Millat taqdiriga befarq bo‘lmagan, uning kelajagini faqat ilm olishda deb bilgan obraz. 3 / 30 3. Imloviy jihatdan to‘g‘ri yozilgan so‘zlar qatorini aniqlang. A) dimog‘, dovruq, intervyu B) suxandon, manfaat, sovutkich C) koordinata, islohot, mikrorganizm D) jangovar, mutola, shafqat 4 / 30 4. Ko‘makchi qaysi qatorda holat ma’nosida qo‘llangan? A) Bobur jilmaygancha do‘sti bilan kirib keldi. B) U go‘yo yaqin kishisini ko‘rgandek quvonib ketdi. C) Adham ustoziga mehr bilan qarab turar edi. D) Yoqub xonaga singlisini chaqirish uchun kirgan edi. 5 / 30 5. Bosh gapda ifodalangan mazmunning maqsadini bildirgan ergashgan qo‘shma gap berilgan qatorni toping. A) Qaysi yerda ilm-u ma’rifat kuchli bo‘lsa, o‘sha yer baxt maskanidir. B) Chin do‘st yurakdan so‘zlar, chunki u sening yomon bo‘lishingni aslo xohlamaydi. C) Zokirjon bo‘lib o‘tgan ishlardan otasini xabardor qilgani poytaxtga jo‘nab ketdi. D) Shu mo‘jaz uyimda yonsin deb chiroq, Ne aziz zotlarga yondashdim gohi. 6 / 30 6. ”Alpomish” dostonida “O‘zbak sen bunday bo‘yni yo‘g‘onlik qilma, g‘aribi go‘riston bo‘lib o‘lma, hali ham qo‘ygin…” deb Apomishga kim aytadi? A) Qultoy bobo B) Yartiboy C) Ko‘kaldosh D) Qorajon 7 / 30 7. Gap haqida berilgan XATO hukmni toping. Qahraton qish kularidan biri edi. Birdan qor yog‘a boshladi. Ob-havoning sovug‘idan, izg‘irinligidan qaltiray boshladim. Shu payt uning – do‘stim Sanjarning ovozi eshitildi. A) Egasi ma’lum gap ishtirok etgan. B) Egalar bir xil so‘z turkumi bilan ifodalangan. C) Qaratqich aniqlovchi ajratilgan. D) Vositali to‘ldiruvchi uyushib kelgan. 8 / 30 8. Qaysi gapda nuqtalar o‘rniga tushum kelishigini ham, chiqish kelishigini ham qo‘llash mumkin? A) Baxtim… deymi, yo buning aksimi, Munisxon kiyim-kechakni yaxshi ko‘radigan ayol ekan. B) Chollar… biri unga emas, jo‘mragidan hovur chiqayotgan choynakka qarab gap boshladi. C) Shunda u o‘zining hozirgina dala… kelganini esladi. D) Juvon qo‘lidagi olma… ustma-ust bir necha martaba tishladi va chala chaynab yutdi. 9 / 30 9. Ushbu qit’ada haqidagi to‘g‘ri hukmni toping. Tengri xonin ochuq aqida qilib, Xalqdin ro‘zi istagan gumroh Uyladurkim tengiz qirog‘inda Ro‘za ochmoqqa qozg‘oy choh. A) Yaratgandan emas, boshqalardan umidvor bo‘lish noshukurlik ekanligi aytilgan. B) Inson har qanday holatda ham shoshmasdan ish tutishi kerakligi ta’kidlangan. C) Xalqning roziligini topmagan odam gunohkor bo‘lishi bayon etilgan. D) Ro‘za tutilganda dengiz suvidan emas, choh qazib ichilgan suv afzalligi aytilgan. 10 / 30 10. Ushbu she’rdagi NOTO‘G‘RI mulohazani toping Menga qulluq qilma, Yurt tuprog‘in o‘p, Unga qullar emas, fidolar kerak. Uning sen-u mendek shoirlari ko‘p, Buyuk elga endi daholar kerak. Qaddingni baland tut, Bo‘lma serta’zim, Cho‘qqi bo‘lolmasang, mahkam qoya bo‘l. Pillapoya bo‘ldim senga, azizim, Sen ham gal kelganda pillapoya bo‘l... A) Shoir yurtga chinakam daholar kerakligini ta’kidlaydi. B) Shoir she’r orqali inson oldiga aniq maqsad qo‘yishi va dadil bo‘lishi kerakligini aytadi. C) Shoir pillapoya so‘zi orqali o‘zining oyoqosti bo‘lganligini aytadi. D) Shoir fidolar so‘zi orqali yurtini sevuvchi u uchun borini beruvchi insonlarni nazarda tutadi. 11 / 30 11. Qaysi gapda o‘tgan zamon qo‘shimchasi uslubiy ma’no ifodalamagan? A) Shuncha narsani bilding, o‘rganding. Endi unga amal qil. B) Saidxon aka, bu qanday ko‘rgilik-a? Endi men nima qildim. C) Xo‘p, mayli, hozir boshingizni qotirmay, men ketdim. D) Yur, ketdik. Qorning to‘qmi? 12 / 30 12. Ko‘chirma gap qismi ergashgan qo‘shma gap bo‘lgan gapni toping. A) Alisher Navoiy shunday demish: «Oz-oz o‘rganib, dono bo‘lur, Qatra-qatra yig‘ilib daryo bo‘lur». B) «Hunari va odobi bo‘lmagan kishidan, – deydi Mahmud Koshg‘ariy, – baxt va davlat ketadi». C) Alisher Navoiy shunday degan: “Befoyda so‘zni ko‘p aytma va foydalig‘ so‘zni ko‘p eshiturdan qaytma”. D) «Temur tuzuklari»da shunday deb bitilmish: «Tajribamdan ko‘rilgankim, azmi qat’iy, tadbirkor, hushyor, mard va shijoatli kishi mingta tadbirsiz, loqayd kishidan yaxshiroqdur». 13 / 30 13. Dushmanning hiylasiga aldanma va maddohning maqtovini bir pulga olma, chunki biri makr tuzog‘ini qo‘ygan va ikkinchisi tamagirlik qilgan bo‘ladi. Ushbu gapda haqidagi to‘g‘ri hukmni toping. A) egalar har xil so‘z turkumi bilan ifodalangan. B) holning faqat bir ma’no turi qo‘llangan C) otlashgan so‘zlar bir xil gap bo‘lagi bo‘lib kelgan D) aniqlovchilar ham vositali, ham vositasiz to‘ldiruvchilarga tobelangan. 14 / 30 14. Ariza, rezyume, tilxat, dalolatnoma kabilar, shuningdek, qonun, qaror, nizom, xalqaro hujjatlar qaysi uslubda yoziladi? A) publitsistik B) ilmiy C) badiiy D) rasmiy 15 / 30 15. Imloviy jihatdan to‘g‘ri yozilgan so‘zlar berilgan qatorni belgilang. A) tim-qora, galma-gal, saranjom-sarishta B) sap-sariq, yengil-yelpi, qadamba-qadam C) dam-badam, yaxshi-yomon, tip-tiniq D) ko‘pdan-ko‘p, baland-baland, oz-moz 16 / 30 16. Gapda mazmun va grammatik jihatdan to‘g‘ri bog‘langan tobe bog‘lanishlar berilgan javobni aniqlang. Jaloliddin Manguberdi mo‘g‘ul bosqinchilariga qarshi kurashda jasorati tufayli buyuk vatanparvar va milliy qahramon sifatida Sharqda va G‘arbda dong taratdi. A) Sharqda va G‘arbda, qahramon sifatida dong taratdi B) Vatanparvar va qahramon, qahramon sifatida dong taratdi C) Kurashda dong taratdi, jasorati tufayli D) Kurashda dong taratdi, Jaloliddin Manguberdi dong taratdi 17 / 30 17. Berilgan gaplar va ularda ishtirok etgan fe’l shakllari to‘g‘ri moslashtirilgan javobni aniqlang. 1)Inson tabassumi bilan tarbiyasini ko‘rsatganidek, nimaga kulgani bilan saviyasini namoyon qiladi. 2)Odamlar seni bilmasligini qo‘y, o‘zing ko‘pni bila olmasligingdan kuy. a)harakat nomi b)otlashgan sifatdosh c)qo‘shma fe’l d)ko‘makchi fe’lli so‘z qo‘shilmasi e)buyruq mayli f)nisbat shaklini olgan fe’l A) 1-a, c, e; 2-b, d, f B) 1-b, d, f; 2-a, c, e C) 1-b, c, f; 2-a, d, e D) 1-a, d, e; 2-b, c, f 18 / 30 18. Berilgan qaysi gapda qo‘shimcha qo‘llash bilan bog‘liq uslubiy xatolik yuz bergan? A) Kitobning bitta varag‘i yo‘q ekan; B) Yaxshisi, sen ustozning topshiriqlarini bajar; C) Bozordan o‘nta kitoblar sotib oldim. D) Birgalashib maktab hovlisini supurdik; 19 / 30 19. Ushbu baytda ostiga chizilgan so‘zlar orqali qanday she’riy san’at qo‘llangan? Mushkin qoshining hay’ati ul chashmi jallod ustina, Qatlim uchun nas keltirur “nun” eltibon “sod” ustina. A) iyhom B) kitobat C) ta’did D) tazod 20 / 30 20. Ul sanamkim suva yaqosinda paritek o‘lturur, G‘oyati nozukligidin suv bila yutsa bo‘lur. Ushbu parcha muallifini toping. A) Yassaviy B) Lutfiy C) Atoyi D) D)Navoiy 21 / 30 21. El qochsa birovdin, el yomoni bil oni, Ahvolida idbor nishoni bil oni, Fe’l ichra ulus baloyi joni bil oni Olam elining yamon yamoni bil oni Ushbu ruboiy haqidagi XATO ma’lumotni toping. A) undosh tovush raviy bo‘lib kelgan; B) radif qo‘llangan; C) a, a, b, a tarzda qofiyalangan. D) mutlaq qofiya qo‘llangan; 22 / 30 22. Qaysi qatorda vergul o‘zaro bir xil punktuatsion qoida asosida yozilgan? 1)Ehtimol, sizda ham shunday hollar bo‘lgandir: tun yarmidan og‘ganda birdan uyg‘onib ketasiz. 2)Yigitlar daraxtlarning ostini yumshatdilar, qizlar maktab hovlisini supurdilar. 3)Haqiqiy olimning so‘zi, o‘yi, fikri va ishi bir xil bo‘ladi. 4)Nimalar haqida surasan xayol, ey majnuntol? 5)Soy bo‘yidagi choyxonada, gavjum joyda, Azimjon uchradi. 6)Men uzoq yillardan buyon shu shaharda yashab, o‘qib, ishlab kelyapman. A) 2 va 6 B) 1 va 2 C) 3 va 6 D) 4 va 5 23 / 30 23. Qaysi qatorda iboraning izohi NOTO‘G‘RI ? A) Almisoqdan qolgan – juda eski; B) Qo‘y og‘zidan cho‘p olmagan – yuvosh; C) O‘g‘zining tanobi qochdi – kayfiyati tushmoq; D) Ishning beliga tepmoq – xalal bermoq. 24 / 30 24. Gapdagi ko‘p nuqta o‘rniga mazmun va grammatik jihatdan mos keluvchi yordamchi so‘zni qo‘ying. Alisher Navoiy asarlari o‘zining badiiyligi, mazmundorligi va go‘zalligi bilan Nizomiy Ganjaviy, Sa’diy, Hofiz Sheroziy, Abdurahmon Jomiy asarlaridan ustun turar edi. Shuning uchun uning ustozi Abdurahmon Jomiy Alisher Navoiy ijodi xususida shunday deb yozgan: «Shukrlar bo‘lsinki, u she’rlarini turkiy, … o‘zbek tilida ijod qilgan. Agar u forsiy tilda ijod qilganda, bizning asarlarimizni hech kim o‘qimas edi». A) yoki B) hamda C) balki D) ya’ni 25 / 30 25. Fitratning “Abulfayzxon” dramasidagi ushbu parcha kimning tilidan aytilgan? Men juda yaxshi bilaman: siz shu kun erta Abdumo‘minni ham otasining orqasiga yuborib, taxtini olarsiz. Jiyanim, men Abulfayzxon bilan urushdim, chunki ul haqsizlik qilg‘an edi. Siz bu kun undan ortiq haqsizlik qila turibsiz. Ko‘zim bo‘lsa edi, ertadan boshlab, siz bilan ham urushar edim. Nima qilaykim, ko‘zim yo‘q. A) Hakimbiy B) Qozi Nizom C) Farhod otaliq D) Ibrohimbiy 26 / 30 26. Qaysi qatorda ergashgan qo‘shma gap berilgan? A) Donolar deydiki: «Vaqting ketdi – baxting ketdi». B) Gapning qisqasi yaxshi, Qisqasidan hissasi yaxshi. C) Shunday yaxshi odatlarimiz borki, ularga hurmat bilan qarash lozim. D) Bu daraxtning bo‘yi baland, lekin mevasi kam. 27 / 30 27. Qaysi gapda sintaktik shakl yasovchi qo‘shimchani qo‘llash bilan bog‘liq uslubiy xatolik mavjud? A) Vatan istiqboli, yurt farovonliligi uchun jonini qurbon qilgan bobolarimiz ruhi hamisha shod bo‘lsin. B) Ba’zilar tananing og‘irligiga bo‘yning mutanosibligini sog‘lomlik va go‘zallik belgisi deb hisoblashadi. C) Hozirgi kunda o‘zim yoqtirmagan joyda ishlaganman. D) O‘qiladigan qiz butun jamiyatni o‘zgartirishi mumkin, chunki u farzandini ham o‘qitishga harakat qiladi. 28 / 30 28. Ushbu gapda imloviy xato yozilgan so‘z qaysi gap bo‘lagi bo‘lib kelgan. Barchamiz kulishni yaxshi ko‘ramiz! Hayotda buning uchun sabablar talaygina: latifalar o‘qish, komediya janridagi film tomosha qilish yoki do‘stlar bilan maza qilib hangomalashish mumkin. Kulgu immunitetni oshirib, asab tizimini bir maromga olib keladi, umrni uzaytirib, kayfiyat yaxshilanishiga sabab bo‘ladi A) kesim B) hol C) ega D) to‘ldiruvchi 29 / 30 29. O‘zaro ma’nodoshlik hosil qila oladigan so‘zlarni belgilang. A) tur, nav, tasnif B) band, mashg‘ul, mas’ul C) himoya, mudofaa, muhofaza D) vafo, sadoqat, sodiq 30 / 30 30. Quyidagi gapda tushirib qoldirilgan tinish belgilarining o‘g‘ri ketma-ketligini aniqlang. Donishmandlar bunday deganlar Qaroqchi sultondan qo‘rqadi o‘g‘ri posbondan qallob chaqimchidan A) : “ , , . “ B) : “ , , “ . C) − “ , − , “ . D) : “ , − , − “ . 0% Testni qayta ishga tushiring tomonidan Wordpress Quiz plugin Ona tili va adabiyot olimpiada, Tuman 2023-2024 o'quv yili
