Uy » Online olimpiada » Ona tili va adabiyot olimpiada » 9-sinf Ona tili va adabiyot olimpiada №3 Ona tili va adabiyot olimpiadaTuman 2022-2023 o'quv yili 9-sinf Ona tili va adabiyot olimpiada №3 InfoMaster Avgust 19, 2024 502 Ko'rishlar 1 izoh SaqlashSaqlanganOlib tashlandi 1 1 12345678910111213141516171819202122232425 Vaqtingiz tugadi! 9-sinf Ona tili va adabiyot olimpiada №3 2022-yil 12-oktabr: 2022-2023 o'quv yili tuman bosqichida tushgan savollar! 1 / 25 Qaysi gapda kelishik qo‘shimchalari uslubiy jihatdan to‘g‘ri qo‘llangan? A) Har yerni qilma orzu, har yerga bor tosh-u tarozi. B) Ayrilganning ayiq yer, Bo‘linganning bo‘ri yer. C) Tilda e’tiborsiz – elga e’tiborsiz. D) Buncha bino qo‘yma zarrin choponlarga, Saratonda yaproq bo‘lgin dehqonlarga. 2 / 25 Boychiborning oyog’idagi gulmixlarni kim tishi bilan sug’urib oladi? A) Qaldirg’och B) Barchin C) Alpomish D) Qorajon 3 / 25 Ayniqsa, har bir odam o‘zining oqil, obro‘- e’tiborli. iste’dodli, sadoqatli do‘stlari – safdoshlari bilan faxrlanadi, ammo do‘stlik mezoni faqat shular bilan o‘lchanmaydi. Ushbu gap haqidagi to‘g‘ri hukmni toping. A) Biriktiruv munosabatli bog‘langan qo‘shma gap hisoblanadi. B) Ham uyushiq bo‘lak, ham ajratilgan bo‘lak ishtirok etgan. C) Egalar har xil so‘z turkumi bilan ifodalangan. D) Ham ot kesim, ham fe’l kesim mavjud. 4 / 25 To‘rt narsani berdi menga oqillarcha o‘ylamoq: Tansihatlik, yaxshi odat, yaxshi nom, yaxshi fikr. Ushbu she’riy parchada so‘z yasovchi qo‘shimchalar vositasida qaysi turkumlarga oid so‘zlar yasalgan? A) sifat, fe’l B) ot, sifat C) ot, ravish, fe’l D) ot, sifat, fe’l 5 / 25 Qaysi gapda otlashgan sifat bilan ifodalangan uyushiq ega mavjud? A) Nodon aytur: g‘olib chiqdim, dono aytur: yo‘l berdim. B) Dono olg‘a boraturib, orqaga qarab qo‘yadi. C) Dangasa va yalqovlar hech qachon sanoqda bo‘lmaydi. D) Hayotda yaxshi ta’lim olgan va uni amalda qo‘llay bilganlar hech qachon qoqilmaydilar. 6 / 25 Imloviy jihatdan to‘g‘ri yozilgan so‘zlar qatorini aniqlang. A) tatqiqot, mabodo, tavsiya B) hasharot, yutinmoq, fojia C) hayriyat, burilmoq, mas’ud D) poyafzal, tomosha, tomoman 7 / 25 Quyidagi gapda tushirib qoldirilgan tinish belgilarining to‘g‘ri ketma-ketligini aniqlang. Insonni butun borliq odamlar buyum va narsalar voqea-hodisalar ammo eng avvalo va aksar hollarda odamlar tarbiyalaydi A) – , , , , . B) , , , , , . C) – – , , , . D) : , , , , , . 8 / 25 Sifatning ma’nosiga ko‘ra ikki turi ishtirok etgan gapni aniqlang. A) O‘ziyam juda g‘alati odam, sergapmi, kamgapmi, bilib bo‘lmaydi. B) Yo‘lning ikki betidagi qoramtir, oq, qizil daraxtlarning barglari iliq quyosh nurida marvariddek tovlanadi. C) Bu bog‘lar ichida oq, havorang marmardan qurilgan chiroyli binolar, ko‘shklar, kichik-kichik saroylar ko‘zga tashlanadi. D) Baqqol amaki yuzi katta, peshonasi keng, iyagi kalta odam. 9 / 25 Ushbu qolipga mos keladigan ergashgan qo‘shma gapni aniqlang. A) Ikkinchi masala ancha jiddiy, shuning uchun u ancha o‘rganishni talab qiladi. B) Darrov suhbatimizga jon kirdi, chunki oramizda bilag‘on Salim ham bor edi. C) Dalalarga chiqing, bahri dilingiz ochilsa, quvvatga kirib ketasiz. D) Hayotimda kim uchundir foydali inson bo‘lsam, bu mening eng katta yutug‘imdir. 10 / 25 “Alpomish” dostonida Barchin qachon “Saman otli, sarjig‘ali bek yigit”ga murojaat qiladi? A) tush ko‘rganda B) shartlarini qo‘yayotganda C) olti oyga muhlat so‘rayotganda D) kurash paytida 11 / 25 Shabistonida tug‘di bir yangi oy, Yangi oy yo‘qki, mehri olamoroy. Ushbu she’riy parchada ajratib ko‘rsatilgan so‘z qaysi badiiy san’atni yuzaga keltirmoqda. A) tajnis B) istiora C) talmeh D) iyhom 12 / 25 Qaysi javobda berilgan so‘zlar o‘zaro ma’nodosh emas? A) g‘urur, shuur B) saxiylik, tantilik C) malomat, gina D) iroda, qat’iyat 13 / 25 Bemorning oldidan jilmaslik va shu bilan birga tirikchilik uchun xonaki bir kasb qilishga majbur bo‘ldi. Ushbu gapning tuzilishiga ko‘ra turini aniqlang. A) sodda gap B) qo‘shma gap C) darak gap D) egasiz gap 14 / 25 Yod etmas emish kishini g‘urbatda kishi, Shod etmas emish ko‘ngulni mehnatda kishi. Ko‘nglum bu g‘ariblikda shod o‘lmadi, oh, G‘urbatda sevinmas emish, albatta, kishi. Ushbu ruboiydagi radifni aniqlang. A) yod, shod B) kishi C) kishini, ko‘ngulni D) g‘urbatda, mehnatda, albatta 15 / 25 Xojaning hikoyalaridan birida sultonning bir soat adolat qilganining savobini zohid qanchaga baholaydi? A) o‘nta payg‘ambarning ibodatidan ortiq B) o‘nta avliyoning ibodatidan ortiq C) odamlar, farishtalar va hurlarning ibodatidan ortiq D) yigirmata zohid ibodatidan ortiq 16 / 25 Nizomiy Ganjaviyning “Xamsa”si qanday nom bilan mashhur bo‘lgan? A) “Panj ganj” (“Besh xazina”) B) “Haft paykar” (“Yetti go'zal”) C) “Xamsa” (“Beshlik”) D) “Maxzan ul-asror” (“Sirlar xazinasi”) 17 / 25 Qaysi qatorda bog‘langan qo‘shma gap berilgan? A) Jahl kelsa, aql ketadi. B) G‘ayratlining yuragi qaynar, G‘ayratsizning yuragi o‘ynar. C) Dono aybni o‘zidan axtaradi, ahmoq bo‘lsa do‘stini ayblaydi. D) Bilagi zo‘r birni yiqar, bilimi zo‘r – mingni. 18 / 25 Qaysi gapda orttirma nisbatdagi fe’l qo‘llangan? A) O‘zingdan o‘zgadan marhamat kutma, o‘zbek o‘g‘li, o‘zligingni unutma. B) Yaxshi so‘z bilan ilon inidan chiqar. C) Bu cholni butun yurt izzat qilardi. D) Nazir ota yuzlarida tabassum bilan qutini bezata boshladi. 19 / 25 Navoiyning “Farhod va Shirin” dosoni haqidagi qaysi fikr noto‘g‘ri? A) Farhod Shirinni topish uchun uch manzildan o‘tadi va Yunonistonga boradi. B) Farhod Qorandan tosh yo‘nish sirlarini o‘rganadi. C) Farhod tug‘ilganida xoqon xalqning uch yillik xirojidan kechadi. D) Farhod onadan ishq bilan tug‘iladi. 20 / 25 Mehmondo‘st, mehnatsevar xalqimizga mos bo‘lgan sofdil, mard va vatanparvar yoshlar ertamiz egalaridir. Ushbu gapda qatnashgan yasama so‘zlar haqida berilgan to‘g‘ri fikrni toping. A) Yasama so‘zlar tuzilishiga ko‘ra bir turga mansub. B) Yasama so‘zlar bir xil gap bo‘lagiga tobelangan. C) Yasama so‘zlar o‘zi bog‘langan so‘zlarga ohang va kelishik yordamida tobelangan. D) Yasama so‘zlar bir xil gap bo‘lagi vazifasini bajargan. 21 / 25 Gar nuktalari jahonni tutti, G‘avg‘olari ins-u jonni tutti. Chun forsiy erdi nukta shavqi, Ozroq edi anda turk zavqi. Navoiy “Layli va Majnun” dostonining xotimasidan olingan ushbu parchada kimlarni ta’riflamoqda? A) Husayn Boyqaro va temuriylar B) Jomiy va Lutfiy C) Sa’diy va Farididdin Attor D) Nizomiy va Dehlaviy 22 / 25 Ajratib yoziladigan qo‘shma so‘zlar qatorini toping. A) xush/bo‘y, tog‘ma/tog‘ B) tog‘/olcha, beda/poya C) to‘g‘ridan/to‘g‘ri, jiqqa/ho‘l D) sotib/oldi, borib/keldi 23 / 25 Ona qishloq, Vatan deb faxrlanganimizda, biz, avvalo, poyonsiz dalalaringni, yam-yashil bog‘- rog‘laringni, anhorlaringda sharaqlab oqqan suvlaringni, subhidamdan bo‘stonlaringda muhabbatdan roz aytib, navo bazmini boshlagan bulbullaringni o‘ylaymiz. Ushbu gap…? 1)undalmali gap; 2)kiritmali gap; 3)uyushiq bo‘lakli gap; 4)ajratilgan bo‘lakli gap; 5)qo‘shma gap. A) 1, 2, 3, 4, 5 B) 1, 2, 3 C) 1, 2, 3, 4 D) 1, 2, 3, 5 24 / 25 Qaysi so‘zda bo‘g‘iz undoshi ishlatiladi? A) …arita B) …ayol C) …alq D) …abash 25 / 25 Jomiyning “Xamsa”si yettilik bo‘lgandan so‘ng qanday nomlangan? A) “Haft paykar” B) “Silsilat uz-zahab” C) “Hasht behisht” D) “Haft avrang” 0% Fikr-mulohaza yuboring Author: InfoMaster Foydali bo'lsa mamnunmiz
