Ona tili va adabiyot attestatsiya №2

Ona tili va adabiyot fanidan attestatsiya savollari №2

1 / 40

Qaysi qatordagi gapda 2 ta tovush tushishi va 1 ta tovush ortishi kuzatiladi?

A) Bir vaqt qarasam, yig’layapman. Keyin asta uyga kiraman degan edim, haligi itlar yana uvlab yubordi.

B) Ko’z oldimdan ichakuzdi qiliqlar qilayotgan qiziqchilar, toshlarni osmonga irg’itib o’ynayotgan polvonlar ketmasdi.

C) Ayriliq ham sinovdir, bolam. Sabr qiling, xalq orasida o’z obro’yingizga egasiz, shunday ekan hozircha faqat kutganingiz ma’qul.

D) Otaxon, singlimning ko’ngli juda nozik. Qaytgunimcha unga qo’ldan kelgancha qarab, yordam berib turing.

2 / 40

Qaysi javobda olmosh ega vazifasini bajarmagan?

A) Boyning tashqarisida Yo'lchidan boshqa hech kim yo‘q.

B) Bu – siz uchun katta sinov.

C) Seni odobli bo'lganing uchun hamma hurmat qiladi.

D) Mayli-da kimgadir yoqsa, yoqmasa, ularga qo`shilib yig`lasharmidik.

3 / 40

Eldor akaning uyi o`n yetti tomdan keyin joylashgan, zo`rg`a topib bordik-da.
Ushbu gapda ajratib ko`rsatilgan so`zda qanday ma’no ko'chishi kuzatiladi?

A) metonimiya

B) vazifadoshlik

C) metafora

D) sinekdoxa

4 / 40

Qaysi qatorda Mirtemir ijodiga mansub tarjimalar berilgan?

Pushkinning"Yevgeniy Onegin" she'riy romani;
Lermontovning "Maskarad" asarini
"Manas" qirg'iz xalq eposini;
"Qirq qiz" qoraqalpoq xalq dostoni;
"Sosunli Dovud" arman xalqeposi.

A) 3, 4

B) l, 2, 3

C) l, 2

D) 4, 5

5 / 40

Quyida berilgan gap turini aniqlang. Bunday saltanat yalong’och odamga o’xsharki, uni ko’rgan kimsa nazarini olib qochadi.

A) ergashgan qo’shma gap

B) shaxsi umumlashgan sodda yoyiq gap

C) sodda yoyiq gap

D) egasi yashiringan sodda yoyiq gap

6 / 40

T.To’laning ”Yetti zog’ora qissasi” asarida Navoiyni mahliyo qilgan donishmand deya kim tilga olinadi?

A) Ahmad Yassaviy

B) Lutfiy

C) Otoyi

D) Amir Temur

7 / 40

Ishlab chiqarilayotgan mahsulot turlarini ko‘paytirish, kengaytirish ma`nosinida qo`llanadigan so`z qaysi qatorda berilgan?

A) modernizatsiya

B) strategiya

C) diversifikatsiya

D) brifing

8 / 40

Qaysi javobda imloviy xato yozilgan so’zlar soni ikkita?

A) Yaxshilik qilsang, ohirigacha yaxshilik qilgin, zinxor minnat qilma.

B) Zebi yuragida tugulib yotgan zo’r tugunni yechib yuborgan edi.

C) Qor urib turgan bir kun edi. Birdan ko’chada dod-faryod ko’tarilib qoldi.

D) O’rtadagi xontaxtada sovub qolgan kabob va meva-cheva bor edi.

9 / 40

Iboralarni o`z muqobili bilan moslashtiring.
1) xafa; 2) xursand; 3) hovliqmoq; 4) yuvosh; 5) lallaygan; 6)sho‘x.
a)ichiga chiroq yoqsa yorimaydigan; b)og‘zi qulog'ida; c)o‘pkasini qo`ltiqlamoq; d)qo‘y og'zidan cho‘p olmagan;e) og‘zing qani desa qulogini ko‘rsatadigan; f) yerga ursang ko‘kka sapchiydigan;

A) 1-a, 2-b, 3-c, 4-e, 5-d, 6-f

B) 1-a, 2-b, 3-c, 4-d, 5-e, 6-f

C) 1-a, 2-b, 3-e, 4-d, 5-c, 6-f

D) 1-a, 2-b, 3-f, 4-e, 5-d, 6-c

10 / 40

Quyida berilgan qaysi so`zlar imloviy jihatdan noto`g`ri yozilgan?
1) xasrat; 2) mudofaa; 3) muddoa; 4) tobeylanmoq; 5) tamir

A) 1, 2, 3, 4

B) 1, 2, 3, 5

C) 1, 3, 4, 5

D) 2, 3, 4, 5

11 / 40

Qaysi qatorda berilgan so‘zlarning ma’nolarini farqlovchi undoshlar jarangli yoki jarangsizligiga ko‘ra ham, til qismlarining harakatiga ko‘ra ham o‘zaro farqlanadi?

A) chiroq – yiroq

B) sanoq – sadoq

C) xilof – g‘ilof

D) boshlamoq – boplamoq

12 / 40

Olmoshlar asosida yasalgan sifatlar berilgan javobni aniqlang.

A) o‘zboshimcha, o'zbilarmon

B) manmanlik, o‘zboshimcha

C) o‘shanday, shunaqa

D) har xil, shunchaki

13 / 40

Quyidagi gapda ochiq bo`g`inlarning nechtasi keng unli bilan tugagan? Ilmdan bir shu’la dilga tushgan on, Aniq bilursankim, ilm bepoyon.

A) 6ta

B) 3ta

C) 4ta

D) 2ta

14 / 40

Avaylaylik so'zi qaysi qatorda ma'noli qism(morfema)larga to'g'ri ajratilgan?

A) avayla+ylik

B) ava+y+la+y+lik

C) avay+la+y+lik

D) avayla+y+lik

15 / 40

Qaysi qatordagi so'zlarda tutuq belgisi unlini undoshdan ajratib talaffuz etilishini ifodalaydi?

A) mo'jiza, mo'tadil

B) qat'iy, jur'at

C) shu'la, ba'zan

D) Is'hoq, as'hob

16 / 40

"Bu dunyoga kelib nima karomat ko'rsatdik? Ko'prik qurdikmi, machit soldikmi?" Ushbu gapda nechta boshqaruvli so'z birikmasi mavjud?

A) 2ta

B) 4ta

C) 3ta

D) 1ta

17 / 40

Qaysi gapda imloviy xatolik mavjud emas?

A) Vaholanki, til davlat miqyosida keng qo'llansagina, milliy til bo'lib qoladi va ravnaq topadi

B) Ular bilan xozir, o'smirlik chog'idayoq, qudratli qanot paydo qilayotibdi

C) Manzilga yetkach, sen bilan alohida gaplashaman

D) Orada qancha zamonlar o'tdi, uning nomini faxr bilan tilga olayapmiz

18 / 40

Baland bolaxonali uy. Ushbu jumlada qanday holatda uyning balandligi anglashiladi?

A) Ma’noli gap bo’laklarining kengayishidan

B) Bolaxona so’zidan so’ng to’xtalish bo’lsa

C) Baland so’zidan so’ng to’xtalish bo’lsa

D) So’zlar orasida to’xtalish bo’lsa

19 / 40

Qaysi qo‘shma gap tarkibidagi ikkala sodda gapda ham hol ishtirok etgan?

A) Katta gapirmagin, chunki sendan zo‘rlar ham topilishi shubhasiz.

B) Shunday kuldiki, zal zirillab ketdi.

C) Agar shaharga yolg‘iz borsang, sendan qattiq xavotirlanamiz.

D) Kimki yaqiniga yaxshilik qilsa, dunyoda kam bo‘lmaydi.

20 / 40

-(a)r qo’shimchasi bilan fe’lning xoslangan shakllaridan qaysi biri hosil qilinadi?

A) harakat nomi

B) sof fe’l

C) sifatdosh

D) ravishdosh

21 / 40

Quyidagi gapda nechta yasama so'z mavjud? O‘zni dono bilgan u uch-to‘rt nodon Eshak tabiatin qilur namoyon. Bular suhbatida sen ham eshak bo‘l, Bo‘lmasa "kofir" deb qilishar e’lon

A) 4ta

B) 2ta

C) 3ta

D) 5ta

22 / 40

Qaysi gapda ikki o‘rinda vazifadosh bog‘lovchi ishtirok etgan?

A) Kumushbibi endi o‘n yettini qo‘yib, o‘n sakkizga qadam bosganida, bo‘yi ham onasiga yetayozgan edi.

B) Siz bilan bunday natijaga erishishimiz uchun tun-u kun mehnat qilishimiz lozim.

C) Mol ham davlatingiz bilan emas, balki ilm-hunaringiz, go‘zal xulq-atvoringiz bilan faxrlaning.

D) Aql va farosat quyoshga o‘xshaydi,beparvolik tufayli tushish mumkin bo‘lgan dog‘larga o‘rin qolmaydi

23 / 40

Qaysi gapdagi modal so‘z fikrga ishonch munosabatini bildiradi?

A) Sizni ham tinch qo‘yishmayapti, chog‘i.

B) Aytishlaricha, uchta davlatda biznesi bor ekan.

C) Darhaqiqat, to‘y to‘ydek bo‘lsin.

D) Siz, shubhasiz, bu testni yecha olasiz.

24 / 40

–choq, -cha, -jon, -xon, -loq qo’shimchalari qanday qo’shimchalar sanaladi?

A) Tovush o’zgarturuv-chi qo’shimchalar

B) O’zak-negiz qo’shimchalari

C) Predmetning sanog’ini bildiruv-chi qo’shimchalar

D) Erkalash va kichrayti-rish qo’shimchalari

25 / 40

Vatanning baxti, porloq istiqloli, yorqin kelajagi uchun yashash, kerak bo'lganda jon fido etish shu zaminda yashayotgan har bir inson uchun ham farz, ham qarzdir. Parchada qanday fonetik o'zgarishlar ro'y bergan?

A) tovush almashishi

B) tovush tushishi

C) tovush tushishi va tovush almashishi

D) tovush almashishi va orttirilishi

26 / 40

Qaysi birliklar so‘z birikmasi deb ham, frazeologik ibora deb ham qaralishi mumkin? 1) ustidan chiqmoq; 2) kalishini to‘g‘rilamoq; 3) ko‘ngliga o‘tirmoq; 4) dumini bosmoq.

A) 2,3,4

B) 1,2,3

C) 1,2,4

D) 3.4

27 / 40

Bog’lovchisiz qo’shma gaplarni tashkil etgan sodda gaplar orasida tire qanday mazmun ifodalash uchun qo’yilmaydi?

A) Zidlash mazmuni

B) Payt mazmuni

C) Qiyoslash mazmuni

D) Izohlash mazmuni

28 / 40

Gumon olmoshlarini hosil qiluvchi so’zlar qatorini toping.

A) Hech kim, hech narsa

B) Ba’zi bir, qaysi bir, bir narsa

C) Go'yo, hatto, ba’zan

D) Ammo, lekin, biroq, va

29 / 40

“Odina qanday o‘qiyapti?” – deb so‘radi onasi. Berilgan gapni o‘zlashtirma gapga aylantirganda onasi so‘zi qanday o‘zgarishga uchraydi?

A) Qaratqich aniqlovchi tusini oladi.

B) Egaligicha qoladi.

C) Chiqish kelishigidagi to‘ldiruvchiga aylanadi.

D) Vositasiz to‘ldiruvchi bo‘lib qoladi.

30 / 40

"Bu ko'ylak sal qizilroq ekan." Ushbu gapda sifatning qaysi darajasi qatnashgan? Qaysi yo'l bilan hosil qilingan?

A) ozaytirma daraja; leksik-morfologik yo'l bilan.

B) orttirma daraja; leksik-morfologik yo'l bilan.

C) ozaytirma daraja; morfologik yo'l bilan.

D) orttirma daraja; morfologik yo'l bilan.

31 / 40

Qaysi gapda // belgisi o‘rnida ikki nuqta bo‘lishi kerak?

A) Ruboiyni ichida o‘qidi // yuzini tabassum qopladi.

B) G‘animlar duch kelar // jang bo‘lar puxta.

C) Endi bildimki // unga tushuntirishning foydasi yo‘q ekan.

D) Qamchibek boshqacharoq edi // ichidan o‘tayotganini yuzaga bilintirmasdi.

32 / 40

Imloviy jihatdan xato yozilgan so'zni toping

A) Hasad, hasharot, hilqat

B) Xijolat, hijjalamoq, exson

C) Hayol, hayot, harbiy

D) Taxsin, tanbex, extirom

33 / 40

Qaysi gapda to‘ldiruvchi vazifasidagi so‘zda paronim bilan bog‘liq xatolik bor?

A) Ishning suratini oshirishimiz, kuniga yuz tup olma ko‘chatini o‘tkazishimiz kerak.

B) Yomon yo‘ldosh yov bo‘lar, ravon yo‘lda g‘ov bo‘lar.

C) Uzuk va zirak, tillaqosh va zebigardonlardan quti-quti yig‘gan edi.

D) Kimki birovga choh qazisa, unga o‘zi yiqiladi.

34 / 40

Ergash gap qismida qo‘shimcha qo‘shilishi ta’sirida tovush tushishi yuz bergan va shunday yozilgan so‘z qatnashgan to‘ldiruvchi ergash gapli qo‘shma gapni toping.

A) Shunisi ma’lumki, mening kasb tanlashimga otam sababchi bo‘lgan.

B) Shuni bilki, qiynalib erishgan narsalaringning qadri baland bo‘ladi.

C) Hayotingda kim uchundir foydali inson bo‘lsang, mana shu sening eng katta yutug‘ingdir.

D) Hulkar ularni tanirdi, shuning uchun ularga yordamlashdi.

35 / 40

Qaysi qatorda olmosh gap o‘rnida kelgan?

A) Maftuna guruhimizdagi eng a’lochi qiz,

B) Homid toshni o'n marta ko’tardi, men ham shuncha ko'tarishni orzu qilaman.

C) Shuni bilingki, urush qurbonsiz bo‘lmaydi

D) Toshkent qadimiy va navqiron shahar, u yerda hashamatli binolar qad rostlamoqda.

36 / 40

Qaysi javobda // belgisi o'rnida tireni qo'yib bo'lmaydi?

A) A'lo o'qish // bizning va sizning asosiy hamda sharafli vazifamiz

B) Uylar, devorlar, daraxtlar// hammasi qorong'ilikka jimgina cho'kdi

C) Aziz kitobxon // hali katta oilaning qissalari tugamadi

D) O'rinsiz g'azab// o'zingga azob

37 / 40

"O'quvchilar sanoq sistemasini o'rganishardi, gohida sanog'idan adashgan bolalar jahl bila ruchkani partaga urardilar." Ushbu gapda nechta fonetik o'zgarish mavjud?

A) 7ta

B) 6ta

C) 8ta

D) 5ta

38 / 40

Kesimi faqat til undoshlaridan tashkil topgan yasama so‘z bilan ifodalangan gapni aniqlang.

A) A)Hasad va baxillik nafratdan ham murosasizroqdir.

B) B)Oshkora yomonlikka nisbatan yasama ezgulikdan inson ko‘proq nafratlanadi.

C) C)Tarixni anglash orqali insonda hayotni anglash qobiliyati shakllanadi.

D) D)Do‘stlikka yaramaydigan shaxsning eng yaramasi − chaqimchi.

39 / 40

Bazm uyushtirilibdi. Fe’l nisbatini aniqlang.

A) majhul nisbat

B) o‘zlik nisbat

C) orttirma nisbat

D) birgalik nisbat

40 / 40

–tir, -dir, qo’shimchalari orqali fe’lning qaysi nisbati yasaladi?

A) Fe’lning kichraytirma nisbati

B) Fe’lning o’zlik nisbati

C) Noaniq fe’l

D) Fe’lning orttirma nisbati

O'rtacha ball 0%

0%

Ona tili va adabiyot attestatsiya №2

Author: InfoMaster

Ona tili va adabiyot attestatsiya №1

Ingliz tili attestatsiya №1

Ona tili va adaviyot fanidan attestatsiya savollari №14

Ona tili va adabiyot attestatsiya №13

On tili va adabiyot attestatsiya №12

On tili va adabiyot attestatsiya №11

Javob qoldiring

Elementlarni Solishtiring