On tili va adabiyot attestatsiya №12

InfoMaster

Iyul 22, 2022

200 Ko'rishlar 1 izoh

SaqlashSaqlanganOlib tashlandi 1

OMAD YOR BO'LSIN!

On tili va adabiyot fanidan attestatsiya savollari №12

DIQQAT! Endi siz o'z bilmingizni sinab ko'rish bilan birga sertifikatga ham ega bo'lishingiz mumkin.

Sertifikat olish uchun barcha ma'lumotlarni to'g'ri kiriting!

Testda 76% va undan yuqori natija oling va sertifikatni yuklab oling.

1 / 40

1. "O'quvchilar sanoq sistemasini o'rganishardi, gohida sanog'idan adashgan bolalar jahl bila ruchkani partaga urardilar." Ushbu gapda nechta fonetik o'zgarish mavjud?

A) 8ta

B) 6ta

C) 5ta

D) 7ta

2 / 40

2. Muqimiy “Sayohatnoma”sidagi qaysi misralar orqali zamondoshlarini achchiq haqiqatdan ogoh etadi?

A) Chаrchаshni bilmаs yursаlаr, Purzo‘r kеtmоn ursаlаr, Vаqti nаmоzgа kеlsаlаr, Mаsjid sоrigа lаng ekаn.

B) Mа’yus bоrdim “Zоhidоn”, Bir ko‘chа kеtgunchа do‘kоn, Sho‘х оdаmi, ichmаy piyon, Mаst, оtаsi bеzоr ekаn.

C) Undа bo‘lus G‘оzi dеdi, Hаm mufti, hаm qоzi dеdi. Yurt bаrchа nоrоzi dеdi, Qilg‘оn ishi оzоr ekаn.arga yo'l qo'ymang.

D) Hаr yеrdа yotgаn хоr-u хаs, Ko‘zgа tikаn yakrаng ekаn.

3 / 40

3. Qaysi so`zning asosi quyi keng unlilar va jarangli undoshlardan tashkil topgan?

A) qo`nim

B) noo`rin

C) ma`nodosh

D) qanotli

4 / 40

4. Qaysi javobdagi gaplar juftligida ajratib ko’rsatilgan so’zlarning asoslari o’zaro shakldosh bo’la oladi?

U eshikning chiroyli shisha tutqichini avaylabgina ushlab ko’rardi. Oradan biroz vaqt o’tgach xonaga tutqunni olib kirishdi.
Uning tushkun kayfiyati atrofdagilarga ham ta’sir qilayotgan edi. Bog’da ishlayotganlar allaqachon tushlikka chiqishgan.
Anor butasimon mevali daraxtlar sirasiga kiradi. Bolakay mevazor bog’da aylanib yurdi.
Otlar kelishik qo’shimchalari bilan turlanadi. Anjumanda turli millat vakillari ishtirok etayotgan edi.

A) 4

B) 1

C) 2

D) 3

5 / 40

5. Cheksiz dasht, yassi tepaliklar…Me`morning mag`rib tomonda, tepaliklar ustida yarqirab turgan yarim oy o`rog`iga ko`zi tushdi. Ushbu gapda ochiq bo`g`in qatnashgan so`zlar miqdori nechta?

A) 12 ta

B) 11 ta

C) 19 ta

D) 5 ta

6 / 40

6. “Yulduzlar mangu yonadi” qissasida kim men raisman, deb o’tirmay olishib keta beradi?

A) Normurod polvon

B) Bo’ri polvon

C) Sanaqul polvon

D) Xidir polvon

7 / 40

7. Kitob Xalqaro kenglik Stansiyasi dunyodagi 5 ta yirik rasadxonalardan biridir. AQSHda ikkita, Yaponiya va Italiyada bittadan ana shunday obyekt allaqachon muzeyga aylantirilgan. Kitobdagi bu maskanda esa asteroidlar himoyasi dasturi hamda kosmik ekologiya doirasida izlanishlar olib borilmoqda. Stansiyaga kuniga yuzdan ortiq mahalliy va xorijiy say yohlar tashrif buyuradilar. Astronomik tadqiqotlarni o‘rganishga qiziqqan yoshlar uchun hududda koinotga sayohat qilish va yulduzlarni kuzatishga moslash tirilgan pavilyon ham qurilgan. („kitobsayyoh.uz“ dan) Berilgan matnda ajratib ko`rsatilgan so`zlarning nechtasining oxirgi bo`g`ini urg`uli bo`g`in hisoblanadi?

A) 7 tasi

B) 4 tasi

C) 6 tasi

D) 5 tasi

8 / 40

8. Qaysi qatordagi misollarda aldoqchi unli tovushlar berilgan?

A) munchoq, mashg`ulot

B) muomala, muallim

C) matbaa, doira

D) o`tov, alanga

9 / 40

9. Bir odam tovusning tumshug‘i bilan qanotlaridagi go‘zal, yaltiroq patlarni yulayotganini ko‘rib qoldi. Chidolmay so‘radi: – Ey go‘zal qush! Gunoh emasmi, shunday chiroyli, rang-barang patlaringni yulib tashlayapsan. Holbuki, sening go‘zalliging shu patlaringdir. Hamma shu patlaringdan yelpig‘ich qilish, ularni kitob sahifalari orasiga qo‘yishni o‘ylaydi, sen esa nima qilyapsan? Tovus javob berdi: – To‘g‘ri, lekin bu patlar mening jonimdan aziz emas. Chunki bu patlar tufayli meni ovlashadi, jonimga qasd qilishadi. Jon omon qolishi uchun xunuk bo‘lishim kerak. Ushbu matn haqidagi noto’g’ri mulohazani aniqlang.

A) Odamlar tovuslarni yeyish uchun ovlamaydi.

B) Odamlar jonzotlarga nisbatan shafqatsiz.

C) Tovus go’zallik uchun o’zini qurbon qilmoqchi.

D) Tovusning go’zalligi o’ziga dushman.

10 / 40

10. “…jurnalist do`stim bor. Juda dilkash yigit. Faqat doim shoshib yuradi ” ushbu tarif “Dunyoning ishlari” qissasidan qaysi hikoyadan olingan?

A) “Pistachi”

B) “Havas”

C) “Oy quyoshdan nur oladi”

D) “Kaltakesakning dumi”

11 / 40

11. Quyidagi gapda qanday otlar ishtirok etgan? O‘lmasning onasi uyda o‘tiradi, do‘ppi tikadi. 1) shaxs nomi; 2) shaxs oti; 3) o‘rin-joy nomi; 4) o‘rin-joy oti; 5)narsa oti; 6) faoliyat-jarayon oti;

A) 1,3,4,6

B) 1,2,3,5

C) 1,2,3

D) 1,2,4,5

12 / 40

12. Egalik qo‘shimchalari asosga qo‘shilsa, qanday fonetik hodisalar yuz berishi mumkin?

A) tovush almashinishi va tovush tushishi

B) tovush tushishi

C) tovush almashinishi

D) tovush almashinishi, tovush ortishi va tovush tushishi

13 / 40

13. Uy eshigini ochsam, o‘g‘lim bilan o‘rtog‘i sovuqdan qizarib kirib keldi. Ushbu gapda ismlar guruhiga mansub nechta so‘z fonetik o‘zgarish asosida yo‘zilgan?

A) 5 ta

B) 3 ta

C) 2 ta

D) 4 ta

14 / 40

14. Quyidagi ismlar ma’no ko‘chishning qaysi turi asosida vujudga kelgan? Yo‘lbars, Bo‘riboy, Qoplonbek, Feruza, Yoqutoy, Asalxon

A) vazifadoshlik

B) metonimiya

C) sinekdoxa

D) metafora

15 / 40

15. Mashg‘uloti, kasbi-kori bilan bog‘liq qing‘ir ishlarga qo‘l urgan 46 ta shaxs illatlari qaysi asarda fosh etilgan?

A) A.Qahhor, "Adabiyot muallimi"

B) Muqimiy, "Tanobchilar"

C) Zavqiy, "Hajvi ahli rasta"

D) Muqimiy, "Sayohatnoma"

16 / 40

16. Qaysi gapda ham ot, ham sifat yasovchi qo‘shimcha bilan omonim bo‘la oladigan shakl yasovchi qo‘shimcha qatnashmagan?

A) Sotqinlarga safimizda o‘rin yo‘q.

B) Ota olov va suv girdobidan ozodlik maydoniga chiqa oladigan o‘g‘il borligidan g‘ururlanar edi.

C) Ko‘chaning narigi yuzidagi do‘konga bordik.

D) Chaqin bo‘lma, bo‘lma guldurak.

17 / 40

17. Olmoshning faqat bir ma’noviy guruhiga mansub so‘ zlar qatnashgan javobni aniqlang.

A) Agar u guzardan hassasini do‘qillatib o‘tib qolsa, hamma barobar qalqib, to o‘tib ketguncha ta’zimda turadi.

B) Men o‘z fikrimni tushuntirib berishga harakat qilyapman, lekin siz uni eshitishni xohlamayapsiz.

C) Tog‘asining shu odati sabab o‘g‘li Haydar ham, qizi Tohira ham bu xonadondan bezib ketishdi.

18 / 40

18. Qaysi javobda quyida keltirilgan parchadagi orttirma nisbat qo‘shimchasi olgan so‘z haqida noto‘g‘ri hukm berilgan? Mirzo Ulug‘bek belidagi serbar kamariga osilgan kalitni olib eshikning qulfini jaranglatib ochdi.

A) Orttirma nisbat qo‘shimchasi sodda yasama so‘zga qo‘shilgan.

B) Orttirma nisbat qo‘shimchasini olgan so‘z tarkibida unlilar va faqat portlovchi til oldi undoshlari bor.

C) Orttirma nisbat qo‘shimchasini olgan so‘zning yasalish asosi taqlid so‘zdir.

D) Orttirma nisbat qo‘shimchasi olgan so‘z gapda hol bo‘lib kelgan.

19 / 40

19. Qaysi hikoyada iqtisodiy-madaniy qoloqlikning yana bir fojiali oqibati -johillik quyuq bo‘yoqlarda aks ettiriladi?

A) “Uloqda”, Abdulla Qodiriy

B) “Dahshat”, Abdulla Qahhor

C) “Mening o‘g‘rigina bolam”, G‘afur G‘ulom

D) “Bemor”, Abdulla Qahhor

20 / 40

20. Qaysi juftliklarda o'zaro shakldosh qo‘shimchalar ishtirok etmagan? 1)qovurma (lag‘mon) - qovurma (harakat inkori); 2)bog‘lar (o‘rin-joy oti) - bog'lar (harakat); 3)terim (tananing tashqi qoplamasi) – terim (faoliyat-jarayon oti); 4)ko'zlar (inson a’zosi) - ko‘zlar (harakat); 5)qaynatma (sho'rv- qaynatma (harakat inkori)

A) 1, 2, 3, 4

B) 2, 4

C) 2, 3

D) 2, 3, 4

21 / 40

21. Quyidagi qaysi gapda o‘zaro omonim ko‘makchi morfemalar qatnashgan?

A) Yaxshilikka yaxshilik qaytarish lozimligini esingdan chiqarma.

B) Yuz tilim bo‘ldi dilim bir bevafoning dastidan.

C) Ko‘rik-tanlovda biz g‘olib bo‘ldik.

D) Bu qaro ko‘zlar neni ko‘zlar?

22 / 40

22. Inson tabiatning eng ongli farzandi, uning boyliklarini asrovchi eng oliy xilqat sanaladi, shu bilan birga, inson bu boyliklarni ayovsiz sarflovchi, tabiatni tanazzulga olib boruvchi xilqat ekanligini ham unutmaylik. Berilgan gapdagi fonetik o‘zgarishlar sonini toping.

A) 4 ta

B) 5 ta

C) ) 3 ta

D) C

23 / 40

23. "... maktabdan chiqarib olib, qizimga Ko'kqamish ko‘lida qo‘y sog‘dirib, chorvachilik ilmini o‘rgatayin, qo‘y sog‘moqqa usta bo‘lsin". Xalq dostonlaridagi qaysi ota o‘z farzandi haqida shunday qayg‘urgan?

A) Shoir vazir

B) Avazxon

C) Boybo‘ri

D) Boysari

24 / 40

24. Odamiy ersang demagil odami, Onikim yo‘q xalq g‘amidin g‘ami. Ushbu mashhur bayt Alisher Navoiyning qaysi dostonida keltirilgan?

A) “Layli va Majnun”

B) “Sab’ayi sayyor”

C) “Saddi Iskndariy”

D) “Hayrat ul-abror”

25 / 40

25. Qaysi shoirning g’azalida lirik qahramonning yuzi azbaroyi hijron azobini chekaverganidan sarg’ayib ketib, oltinni yashiradigan darajaga yetdi, ya’ni shunchalik sarg’aydiki, buning oldida tilloning sariqligi hech narsa bo’lmay qoldi, deb ta’riflanadi?

A) Lutfiy

B) Bobur

C) Navoiy

D) Atoyi

26 / 40

26. Qaysi muborak zot: “Yetti yoshda Arslonboboga qildim salom, Haq Mustafo omonatin qildim in’om”, deya e’tirof etgan?

A) Termiziy

B) Ahmad Yugnakiy

C) Imom Buxoriy

D) Ahmad Yassaviy

27 / 40

27. Quyida keltirilgan gapdagi yasama so‘zlar qaysi so‘z turkumidan hosil qilingan? Achchiq bilan chuchukni totgan bilar, uzoq bilan yaqinni yurgan bilar.

A) ot

B) ravish

C) fe'l

D) sifat

28 / 40

28. “Alpomish” dostonida poyga jarayonida kimlarning “Biri-biroviga mushti tekkanda, Tog‘ cho‘qqisi qulaganday bo‘ladi”, deya ta`riflangan.

A) Qorajon va Hakimbek

B) Hakimbek va Qultoy

C) Hakimbek va Ko‘kaldosh

D) Ko‘kaldosh va Qorajon

29 / 40

29. Qaysi ravish yasovchi qo‘shimchalar shakldoshlik xususiyatiga ega ? 1) -lab; 2) -larcha; 3) -lay; 4) -siz; 5) -chasiga; 6) -ligicha.

A) 1, 2, 3, 4, 6

B) 1, 2, 6

C) 1, 2, 5

D) 1, 2, 4

30 / 40

30. Dilim ranjitsa ham do‘q-u dag‘dag‘a, Bog ‘imda bu oqshom jonon о ‘ynasin. Gulday chiroyidan bo‘lay sadag'a, Ochilib-sochilib chunon o'ynasin. (Mirtemir) She’riy parchada qaysi nisbatdagi fe’llar qatnashganligini aniqlang.

A) aniq, majhul

B) orttirma, aniq, o`zlik

C) aniq, orttirma

D) aniq, majhul, orttirma

31 / 40

31. Mirmuhsinning "Temur Malik" asari qaysi janrda yozilgan?

A) hikoya

B) qissa

C) doston

D) roman

32 / 40

32. Qaysi gapdagi barcha yasama so‘zlarning asosi otturkumiga mansub?

A) Bolalarning beg‘ubor qalbi to‘lib-toshib oqayotgan daryoday jo'shqin.

B) Mevasi tukli, ko‘rinishi yumaloq yoki biroz cho'ziq bo'lishi mumkin.

C) Oybek domla nihoyatda tiyraklik va samimiyat bilan opaning gaplarini tasdiqladi.

D) Barglari tukli, tuxumsimon, bandlari kalta, shoxlarda tartibli joylashgan.

33 / 40

33. Qaysi javobda quyidagi gapda qo‘llangan olmoshlar soni va turi to‘g‘ri ko‘rsatilgan? — Noshukurlik, — debdi u, — noshukurlikning bexosiyat tomoni shundaki, bu illatga o‘ralgan kishi his etish, jami narsadan lazzatlanish, bahramand bo‘lish qobiliyatini yo‘qotadi.

A) 3 ta: 1 ta kishilik, 1 ta ko‘rsatish, 1 ta belgilash

B) 4 ta: 1 ta kishilik, 2 ta ko‘rsatish, 1 ta belgilash

C) 4 ta: 3 ta ko‘rsatish, 1 ta belgilash

D) 3 ta: 1 ta kishilik, 2 ta ko‘rsatish

34 / 40

34. Ellik sakkizni rosa kutdim, kelmadi – piyoda ketdim. Ma’no ko’chishining turini toping.

A) metonimiya

B) kinoya

C) metafora

D) vazifadoshlik

35 / 40

35. Inson o`z hayotidagi g`alabali onlardan shodlanadi, turli omadsizliklar va qiyinchiliklardan esa tushkunlikka tushadi. Berilgan gapdagi nechta yasama so`zning asosi sifat so`z turkumiga mansub?

A) 2 tasi

B) 5 tasi

C) 4 tasi

D) 3 tasi

36 / 40

36. Qaysi javobda keltirilgan gapda so‘z qo‘llash bilan bog‘liq xatolikka yo‘l qo‘yilgan?

A) Qanotlaring mallarang, jussang kichikligidan ko‘rinarkansan arang.

B) Asl aynimas, aynisa ham buzilmas.

C) Sening vujudingda sirlilikning mavjudligini birinchi bor uchratganimdayoq payqagan edim.

D) Shu chog‘ artilleriya qismlari og‘ir to‘plar bilan ota boshladi.

37 / 40

37. Qaysi qatorda asosi omonim, yasama, o‘timli fe’l berilgan?

A) kuchaytirmoq

B) yashartirmoq

C) chopishdi

D) yugurtirmoq

38 / 40

38. Quyidagi qaysi so‘zlarda nuqtalar o‘rniga sirg‘aluvchi jarangsiz lab undosh tovush yoziladi? 1) ta...fiq; 2) ta...tish; 3) ta...sifnoma; 4) bata... sil; 5) ta...siya

A) 1, 2, 3, 5

B) 2, 4

C) 1, 2, 4

D) 3, 5

39 / 40

39. Quyidagilar orasidan so‘z yasovchi va shakl yasovchi sifatida o‘zaro omonim bo‘la oladigan qo‘shimchalarni ko‘rsating. 1) -siz, 2) -ona, 3) -lab, 4) -larcha, 5) -xon, 6) be-

A) 1, 3, 4, 5

B) 1, 2, 5

C) 1, 2, 3, 4, 5, 6

D) 1, 2, 3, 5

40 / 40

40. Qaysi gapda so‘z yasovchi qo‘shimchalar soni nisbatan ko‘proq?

A) Tirishganning labi yog‘li, erinchoqning boshi qonli.

B) Ochiq til osh yedirar, achchiq til bosh yedirar.

C) Zargar firibgar bo‘lsa, oltin ham zanglaydi.

D) Elning yirtig‘iga yamoq bo‘l, uzug‘iga uloq bo‘l.

Baholash mezoni

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) saqlansin”;

- 75 foizdan past ko’rsatgichga ega bo’lsa - “Attestatsiyadan o’tmadi, birinchi malaka toifasi (yetakchi o’qituvchi lavozimi)ga tushirilsin”;

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) berilsin”;

- 74 foizdan 65 foizgacha ko’rsatgichga ega bo’lsa - “Attestatsiyadan o’tdi, birinchi malaka toifasi (yetakchi o’qituvchi lavozimi) saqlansin”;

- 65 foizdan kam ko’rsatgichga ega bo’lsa - “Attestatsiyadan o’tmadi, ikkinchi malaka toifasi (katta o’qituvchi lavozimi)ga tushirilsin”

- 64 foizdan 60 foizgacha ko’rsatgichga ega bo’lsa - “Attestatsiyadan o’tdi, ikkinchi malaka toifasi (katta o’qituvchi lavozimi) saqlansin”;

- 60 foizdan kam ko’rsatgichga ega bo’lsa - “Attestatsiyadan o’tmadi, mutaxassis (oliy yoki o’rta maxsus, kasb-hunar ma'lumotli o’qituvchi) lavozimiga tushirilsin”