Ona tili va adabiyot attestatsiya №2

Ona tili va adabiyot fanidan attestatsiya savollari №2

1 / 40

Kesimi faqat til undoshlaridan tashkil topgan yasama so’z bilan ifodalangan gapni aniqlang.

A) Do’stlikka yaramaydigan shaxsning eng yaramasi – chaqimchi.

B) Oshkora yomonlikka nisbatan yasama ezgulikdan inson ko’proq nafratlanadi.

C) Tarixni anglash orqali insonda hayotini anglash qobiliyati shakllanadi.

D) Hasad va baxillik nafratdan ham murosasizroqdir.

2 / 40

Qaysi so’zlarning yozilishida bosh harflar imlosiga amal qilingan?

A) Sog’liqni Saqlash Vazirligi, Markaziy Osiyo

B) Marjonbuloq qishlog’i, Birlashgan millatlar tashkiloti

C) 21-mart – Navro’z Bayrami, Azamat Shuhrat O’g’li

D) O’zbekiston Respublikasi Prezidenti, Oliy Majlis

3 / 40

Qaysi qatorda Mirtemir ijodiga mansub tarjimalar berilgan?

Pushkinning"Yevgeniy Onegin" she'riy romani;
Lermontovning "Maskarad" asarini
"Manas" qirg'iz xalq eposini;
"Qirq qiz" qoraqalpoq xalq dostoni;
"Sosunli Dovud" arman xalqeposi.

A) 4, 5

B) l, 2, 3

C) 3, 4

D) l, 2

4 / 40

“Go`ro`g`lining tug`ilishi ” dostonida Gajdumbek kimning o`g`li?

A) Qovushtixonning

B) Odilxonning

C) Jig`alixonning

D) Shohdorxonning

5 / 40

Ayol kishiga
Qo‘l ko‘tarish nimaligin bilurmisan?
Ayt!
Sen-ku odam bolasisan,
Qaysi bir hayvon
Emayotib, uzib olar onasin ko‘ksin.
Shohlarni-ku qo‘ya turay, payg‘ambarlar ham,
Nabilar ham tug‘ilgan-ku ayol zotidan.
Unutibsan,
Senga bir vaqt aytib bergandim,
To‘maris deb atalguvchi yovqur momomiz
Turon zamin erki uchun maydonga chiqib,
Eron shohin kallasini qonga bo‘ktirgan. u ham ayol bo‘lgan,
Bilib qo‘y, o‘g‘lim!
Rafiqasiga qo‘l ko‘targan o‘g‘ilga qarata ota tomonidan aytilgan ushbu misralar “Sohibqiron” dramasida qaysi qahramonga qarata aytilganligini aniqlang?

A) Mironshoh mirzo

B) Umarshayx mirzo

C) Shohrux mirzo

D) Jahongir mirzo

6 / 40

Imlo qoidasiga nomuvofiq yozilgan so‘z qatnashgan gapni aniqlang.

A) Hamon shamol o‘kirar, osmonning goh u, goh bu burchida chaqmoq yaraqlab, yong‘oq shoxlari shubhali g‘iyqillar, ammo endi bular uni qo‘rqitolmas edi.

B) Kishining iste’dodi barcha sohada bir xil bo'lavermaydi, chunki yoshlar o‘zi sevgan, qobiliyatiga mos bo'lgan ishni tanlay bilishi kerak.

C) Lekin kun isishini kutish haqida gap bo‘lishi ham mumkin emas, chunki havoga ishonish qiyin, eng muhimi, qor ustiga qor yog'ib, dashtda qolib ketishlari ehtimoldan xoli emas.

D) Biroq vaqt ketsa ham, otaning maslahati bilan ish tutganlari yaxshi bo‘ldi, chunki yomontosh darasi ular kutganday mudhish edi!

7 / 40

“…… bu yog’ida to’qson besh, bu yog’ida to’qson besh o’n kam ikki yuz kokili bor, bir yog’ini tilla suviga botirgan, bir yog’ini kumush suviga botirgan, tong shamolida qotirgan. Jamoli chillaning qoriday tingjirab, yaltirab o’tirgan”. Ushbu parchada xalq dostonlaridagi qaysi qahramonning husn-u jamoli ta’riflangan?

A) Gulanorning

B) Zulxumorning

C) Xolbekaning

D) Barchinoyning

8 / 40

Qaysi qatordagi fe`llarda nisbat qo`shimchasi mavjud emas?

A) Uning vujudida ham mehr, ham vahshiylik yashiringan edi.

B) Ko`ngli vayron bo`lgan qiz yelkalari titrab-titrab yig`lardi.

C) Baxt oila ostonasidan boshlanishini unutmang!

D) Yomon qo`shni dushmandan yomon – turgan joyingdan ko`chirib yuborganini sezmay qolasan.

9 / 40

Quyidagilardan xamsanavislar haqida berilgan to’g’ri ma’lumotlarni aniqlang.
1)“Xamsa” yozishni ozarbayjonlikulug’ shoir Nizomiy Ganjaviy boshlab bergan;
2)Dehlaviy yana 2 doston qo’shib, o’z “Xamsa”sini yetti dostonga yetkazadi;
3)Jomiy “Xamsa”sini “Panj ganj” deb atagan;
4)Navoiy qisqa muddatda (1483-1485-yillard 51 ming misradan ortiq “Xamsa”sini yozib tugallagan.

A) 2, 4

B) 1, 3

C) 2, 3

D) 1, 4

10 / 40

Quyidagi ajratib ko’rsatilgan band so’zi haqida berilgan to’g’ri hukmni toping.

1)Usta pichoqqa band yasash bilan ovora ekan, bezovta qilmadik.

2)Suv kelmasdan band tashlama.

3)Shifokor hozir band birozdan keyin xabar oling.

A) Ushbu gaplarda qatnashgan band so’zlarining barchasi o’zaro shakldosh so’zlar sanaladi.

B) 1- va 3-gaplardagi band so’zi o’zaro ko’p ma’noli so’zlar sanaladi va ushbu so’z 2-gapdagi band so’ziga nisbatan shakldoshlik qila oladi.

C) Har uchala gapdagi band so’zi bir so’zning turli ma’nolarda qo’llanishidir.

D) 2-va 3-gapdagi band so’zlari o’zaro ko’p ma’noli so’zlar sanaladi va ushbu so’zlar 1- gapdagi band so’ziga nisbatan shakldoshlik hosil qila oladi.

11 / 40

Bazm uyushtirilibdi. Fe’l nisbatini aniqlang.

A) o‘zlik nisbat

B) orttirma nisbat

C) majhul nisbat

D) birgalik nisbat

12 / 40

Bog’lovchisiz qo’shma gaplarni tashkil etgan sodda gaplar orasida tire qanday mazmun ifodalash uchun qo’yilmaydi?

A) Payt mazmuni

B) Qiyoslash mazmuni

C) Izohlash mazmuni

D) Zidlash mazmuni

13 / 40

Olmoshlar asosida yasalgan sifatlar berilgan javobni aniqlang.

A) o‘zboshimcha, o'zbilarmon

B) manmanlik, o‘zboshimcha

C) har xil, shunchaki

D) o‘shanday, shunaqa

14 / 40

Gumon olmoshlarini hosil qiluvchi so’zlar qatorini toping.

A) Go'yo, hatto, ba’zan

B) Ba’zi bir, qaysi bir, bir narsa

C) Ammo, lekin, biroq, va

D) Hech kim, hech narsa

15 / 40

Qaysi qatorda olmosh gap o‘rnida kelgan?

A) Shuni bilingki, urush qurbonsiz bo‘lmaydi

B) Toshkent qadimiy va navqiron shahar, u yerda hashamatli binolar qad rostlamoqda.

C) Maftuna guruhimizdagi eng a’lochi qiz,

D) Homid toshni o'n marta ko’tardi, men ham shuncha ko'tarishni orzu qilaman.

16 / 40

Qaysi gapda // belgisi o‘rnida ikki nuqta bo‘lishi kerak?

A) G‘animlar duch kelar // jang bo‘lar puxta.

B) Qamchibek boshqacharoq edi // ichidan o‘tayotganini yuzaga bilintirmasdi.

C) Endi bildimki // unga tushuntirishning foydasi yo‘q ekan.

D) Ruboiyni ichida o‘qidi // yuzini tabassum qopladi.

17 / 40

Ergash gap qismida qo‘shimcha qo‘shilishi ta’sirida tovush tushishi yuz bergan va shunday yozilgan so‘z qatnashgan to‘ldiruvchi ergash gapli qo‘shma gapni toping.

A) Hulkar ularni tanirdi, shuning uchun ularga yordamlashdi.

B) Hayotingda kim uchundir foydali inson bo‘lsang, mana shu sening eng katta yutug‘ingdir.

C) Shunisi ma’lumki, mening kasb tanlashimga otam sababchi bo‘lgan.

D) Shuni bilki, qiynalib erishgan narsalaringning qadri baland bo‘ladi.

18 / 40

Qaysi qo‘shma gap tarkibidagi ikkala sodda gapda ham hol ishtirok etgan?

A) Kimki yaqiniga yaxshilik qilsa, dunyoda kam bo‘lmaydi.

B) Agar shaharga yolg‘iz borsang, sendan qattiq xavotirlanamiz.

C) Shunday kuldiki, zal zirillab ketdi.

D) Katta gapirmagin, chunki sendan zo‘rlar ham topilishi shubhasiz.

19 / 40

"Bu dunyoga kelib nima karomat ko'rsatdik? Ko'prik qurdikmi, machit soldikmi?" Ushbu gapda nechta boshqaruvli so'z birikmasi mavjud?

A) 3ta

B) 1ta

C) 2ta

D) 4ta

20 / 40

"O'quvchilar sanoq sistemasini o'rganishardi, gohida sanog'idan adashgan bolalar jahl bila ruchkani partaga urardilar." Ushbu gapda nechta fonetik o'zgarish mavjud?

A) 7ta

B) 8ta

C) 6ta

D) 5ta

21 / 40

Qaysi qatordagi so'zlarda tutuq belgisi unlini undoshdan ajratib talaffuz etilishini ifodalaydi?

A) Is'hoq, as'hob

B) mo'jiza, mo'tadil

C) qat'iy, jur'at

D) shu'la, ba'zan

22 / 40

Qaysi javobda // belgisi o'rnida tireni qo'yib bo'lmaydi?

A) Uylar, devorlar, daraxtlar// hammasi qorong'ilikka jimgina cho'kdi

B) Aziz kitobxon // hali katta oilaning qissalari tugamadi

C) O'rinsiz g'azab// o'zingga azob

D) A'lo o'qish // bizning va sizning asosiy hamda sharafli vazifamiz

23 / 40

Qaysi gapda ikki o‘rinda vazifadosh bog‘lovchi ishtirok etgan?

A) Mol ham davlatingiz bilan emas, balki ilm-hunaringiz, go‘zal xulq-atvoringiz bilan faxrlaning.

B) Siz bilan bunday natijaga erishishimiz uchun tun-u kun mehnat qilishimiz lozim.

C) Kumushbibi endi o‘n yettini qo‘yib, o‘n sakkizga qadam bosganida, bo‘yi ham onasiga yetayozgan edi.

D) Aql va farosat quyoshga o‘xshaydi,beparvolik tufayli tushish mumkin bo‘lgan dog‘larga o‘rin qolmaydi

24 / 40

Qaysi gapda imloviy xatolik mavjud emas?

A) Vaholanki, til davlat miqyosida keng qo'llansagina, milliy til bo'lib qoladi va ravnaq topadi

B) Orada qancha zamonlar o'tdi, uning nomini faxr bilan tilga olayapmiz

C) Manzilga yetkach, sen bilan alohida gaplashaman

D) Ular bilan xozir, o'smirlik chog'idayoq, qudratli qanot paydo qilayotibdi

25 / 40

–tir, -dir, qo’shimchalari orqali fe’lning qaysi nisbati yasaladi?

A) Fe’lning o’zlik nisbati

B) Fe’lning kichraytirma nisbati

C) Fe’lning orttirma nisbati

D) Noaniq fe’l

26 / 40

Qaysi qatorda berilgan so‘zlarning ma’nolarini farqlovchi undoshlar jarangli yoki jarangsizligiga ko‘ra ham, til qismlarining harakatiga ko‘ra ham o‘zaro farqlanadi?

A) boshlamoq – boplamoq

B) xilof – g‘ilof

C) sanoq – sadoq

D) chiroq – yiroq

27 / 40

–choq, -cha, -jon, -xon, -loq qo’shimchalari qanday qo’shimchalar sanaladi?

A) O’zak-negiz qo’shimchalari

B) Erkalash va kichrayti-rish qo’shimchalari

C) Tovush o’zgarturuv-chi qo’shimchalar

D) Predmetning sanog’ini bildiruv-chi qo’shimchalar

28 / 40

Qaysi gapdagi modal so‘z fikrga ishonch munosabatini bildiradi?

A) Siz, shubhasiz, bu testni yecha olasiz.

B) Aytishlaricha, uchta davlatda biznesi bor ekan.

C) Sizni ham tinch qo‘yishmayapti, chog‘i.

D) Darhaqiqat, to‘y to‘ydek bo‘lsin.

29 / 40

“Odina qanday o‘qiyapti?” – deb so‘radi onasi. Berilgan gapni o‘zlashtirma gapga aylantirganda onasi so‘zi qanday o‘zgarishga uchraydi?

A) Qaratqich aniqlovchi tusini oladi.

B) Chiqish kelishigidagi to‘ldiruvchiga aylanadi.

C) Egaligicha qoladi.

D) Vositasiz to‘ldiruvchi bo‘lib qoladi.

30 / 40

Quyidagi gapda ochiq bo`g`inlarning nechtasi keng unli bilan tugagan? Ilmdan bir shu’la dilga tushgan on, Aniq bilursankim, ilm bepoyon.

A) 6ta

B) 2ta

C) 3ta

D) 4ta

31 / 40

Qaysi qatorda asosidan -iy, -an, -ot qo‘shimchalari orqali yangi so‘z yasash mumkin bo‘lgan so‘z qo‘llangan?

A) Qonunchilikda bu kabi holatlar nazarda tutilmagan emish.

B) Nimaga asoslanib bunday deganini sira tushuna olmayapman.

C) Shaxmatni boshlagandan keyin xayolparastlik odati yo‘qola bordi.

D) Ijodkor yoshlarga adib bilan bo‘lgan suhbat yoqmagan ko‘rinadi.

32 / 40

"Bu ko'ylak sal qizilroq ekan." Ushbu gapda sifatning qaysi darajasi qatnashgan? Qaysi yo'l bilan hosil qilingan?

A) orttirma daraja; morfologik yo'l bilan.

B) ozaytirma daraja; leksik-morfologik yo'l bilan.

C) orttirma daraja; leksik-morfologik yo'l bilan.

D) ozaytirma daraja; morfologik yo'l bilan.

33 / 40

Qaysi gapda 2 o‘rinda imloviy xatolikka yo‘l qo‘yilgan?

A) Odam onadan tug‘ilib-oq ma’naviyatli, ma’rifatli bo‘lib qolmasligini yaxshi tushinasiz.

B) Unutmangki, tanbal, bezori, sharobxo‘r, fosiq kishi manaviy nogiron degan so‘zdir.

C) Do‘stim, ko‘rmayapsan-da, oy botib, yulduzlar birin-ketin so‘nib borayapti.

D) Ona tilimiz orqali biz o‘z fikrimizni shakllantiramiz,o‘ylaymiz, mushohada yurutamiz.

34 / 40

Vatanning baxti, porloq istiqloli, yorqin kelajagi uchun yashash, kerak bo'lganda jon fido etish shu zaminda yashayotgan har bir inson uchun ham farz, ham qarzdir. Parchada qanday fonetik o'zgarishlar ro'y bergan?

A) tovush almashishi va orttirilishi

B) tovush tushishi va tovush almashishi

C) tovush almashishi

D) tovush tushishi

35 / 40

-(a)r qo’shimchasi bilan fe’lning xoslangan shakllaridan qaysi biri hosil qilinadi?

A) sof fe’l

B) ravishdosh

C) harakat nomi

D) sifatdosh

36 / 40

Avaylaylik so'zi qaysi qatorda ma'noli qism(morfema)larga to'g'ri ajratilgan?

A) avayla+y+lik

B) avayla+ylik

C) ava+y+la+y+lik

D) avay+la+y+lik

37 / 40

Shu sevinch ikkovlariga ham kuch-g‘ayrat, ham dadillik baxsh etardi. Mazkur gapda qatnashgan mavhum otlar haqidagi qaysi ma’lumot to‘g‘ri emas?

A) Gapdagi barcha mavhum otlar hokim qismga bitishuv usulida birikkan.

B) Gapdagi yasama mavhum otlar har xil turkumga oid so‘zdan yasalgan.

C) Gapdagi mavhum otlar otlarning tuzilishiga ko‘ra ikki turiga oiddir.

D) Gapdagi mavhum otlar ikki xil gap bo‘lagi vazifasida kelgan.

38 / 40

Kesimi faqat til undoshlaridan tashkil topgan yasama so‘z bilan ifodalangan gapni aniqlang.

A) A)Hasad va baxillik nafratdan ham murosasizroqdir.

B) C)Tarixni anglash orqali insonda hayotni anglash qobiliyati shakllanadi.

C) D)Do‘stlikka yaramaydigan shaxsning eng yaramasi − chaqimchi.

D) B)Oshkora yomonlikka nisbatan yasama ezgulikdan inson ko‘proq nafratlanadi.

39 / 40

Qaysi qatorda so’zlar alifbo tartibida berilgan?

A) G’isht, hayo, kasr, o’zbek

B) Belbog’, dehqon, fikr, kishi

C) Sabr, niyat, oqil, ro’mol

D) Ulug’, cho’pon, el, botir

40 / 40

Imloviy jihatdan xato yozilgan so'zni toping

A) Hayol, hayot, harbiy

B) Xijolat, hijjalamoq, exson

C) Taxsin, tanbex, extirom

D) Hasad, hasharot, hilqat

O'rtacha ball 0%

0%

Ona tili va adabiyot attestatsiya №2

Author: InfoMaster

Ona tili va adabiyot attestatsiya №1

Ingliz tili attestatsiya №1

Ona tili va adaviyot fanidan attestatsiya savollari №14

Ona tili va adabiyot attestatsiya №13

On tili va adabiyot attestatsiya №12

On tili va adabiyot attestatsiya №11

Javob qoldiring

Elementlarni Solishtiring