Barcha fanlardan online testlar

8-sinf Ona tili va adabiyot olimpiada №2

InfoMaster

Dekabr 16, 2022

127 Ko'rishlar 0

SaqlashSaqlanganOlib tashlandi 3

8-sinf Ona tili va adabiyot olimpiada №2

07.12.2022 yil oo.uzedu.uz

olimpiada savollari!

1 / 25

1. Kishilarning oilada, ko’cha-ko’yda fikr almashinuvi jarayonida qo’llaniladigan nutq uslubini aniqlang.

A) publitsistik uslub

B) rasmiy-idoraviy uslub

C) so’zlashuv uslubi

D) badiiy uslub

2 / 25

2. Insoniy xarakter va ijodiy taqdirni o’zida mujassam etgan she’rlar sirasiga kiruvchi misralar kimning qalamiga mansub?

A) S. Yesinin

B) M. Yusuf

C) T. Sulaymon

D) U. Nosir

3 / 25

3. Barchasi bitishuv yo‘li bilan hosil bo‘lgan so‘z birikmalari qatorini aniqlang.

A) maktab bog‘i, mehr bilan boqmoq, shahar kezmoq

B) yurt kezgan, shahar ko‘chalari, bahor havosi

C) gul atri, tez yugurmoq, kitob o‘qimoq

D) baxtli voqea, milliy g‘oya, sof havo

4 / 25

4. Maqsud Shayxzodaning “Mirzo Ulug`bek” fojiasida Mirzo Ulug`bek ilm ahlining “sim qanotli aravasi” uchib boruvchi baxt shahrini qanday rangda deb ataydi?

A) bika rang

B) zangori rang

C) marvarid rang

D) firuzarang

5 / 25

5. Yozuvchilar, shoirlar, olimlar tomonidan ishlangan, qat’iy me’yorlarga ega bo‘lgan nutq ko‘rinishiga nima deyiladi?

A) og‘zaki nutq

B) nutq uslubi

C) yozma nutq

D) adabiy nutq

6 / 25

6. ““Sen yetim emassan” she’ridan olgan taassurotlarim” nomli insho inshoning qaysi turiga kiradi?

A) adabiy insho

B) rasmiy insho

C) ilmiy insho

D) erkin insho

7 / 25

7. Qaysi dostonda ishlatilgan “G‘aribning ko‘nglini ovlamoq savob”, “Qilichdan seskanmas botirning tani”, “Gavharni ne bilsin ushalgan sopol” kabi baytlar hikmatli so‘zlar darajasiga ko‘tarilgan?

A) “Rustamxon”

B) “Alpomish”

C) “Kuntug‘mish”

D) “Ravshan”

8 / 25

8. Badiiy asarda biror voqea-hodisa, tarixiy fakt, adabiy yoxud afsonaviy qahramon nomini tilga olish yoki unga ishora qilib o‘tish qaysi badiiy san’atni vujudga keltiradi?

A) tanosub

B) talmeh

C) tajnis

D) irsoli masal

9 / 25

9. Navoiyning qaysi fardida shoirning hasbi holi ifodalangan?

A) “Yuqar yamonlig‘ angakim, kirar yamon el aro…”

B) “Gardun gah manga jafo-u dunluq qildi…”

C) “Ulki, sanga eldin erur aybgo‘…”

D) “Men – sinuq, ko‘nglum – sinuq, sabrim uyi xud – yerga past…”

10 / 25

10. Aruzdagi qaysi vaznlar o‘zbek she’riyatida eng ko‘p qo‘llanadi?

A) mutaqorib, hazaj, rajaz

B) ramal, rajaz, mutaqorib

C) ramal, hazaj, rajaz

D) ramal, hazaj, mutaqorib

11 / 25

11. Xalq dostonlariga xos qaysi xususiyat yirik dostonchilik maktablarining paydo bo‘lishiga sabab bo‘ldi?

A) og‘izdan og‘izga o‘tib avloddan avlodgacha yetib kelgani

B) ijrochidan ham badihada, ham ijroda katta ijodiy mahorat talab qilishi

C) xalq og‘zaki ijodida qadimiy epik an’ana hisoblangani

D) asosan, do‘mbira jo‘rligida aytilishi

12 / 25

12. Bu gapning butun dahshati shu tobda bilindi. Ushbu gapdagi olmoshlarning vazifasini toping.

A) aniqlovchi, aniqlovchi, aniqlovchi

B) aniqlovchi, aniqlovchi

C) aniqlovchi, ega, hol

D) aniqlovchi, aniqlovchi, hol

13 / 25

13. So‘zlarning tobe bog‘lanishini aniqlang.

A) dam o‘qiydi, dam yozadi

B) taklif, mulohazalar

C) quvonib gapirmoq

D) gul bilan bulbul

14 / 25

14. Ko‘ngluma har yonki boqsam, dog‘i bor, Har necha dardimni desam, dog‘i bor. Qilcha tanga bori ishqing yor edi, Bir sori bo‘ldi firoqing dog‘i bor. (Lutfiy) Ushbu tuyuqda keltirilgan dog‘i bor tajnisli qofiyasining ma’nosi qaysi javobda to‘g‘ri izohlangan?

A) otashi bor, yarasi bor, yana bor

B) yara bor, yana bor, bor ket

C) dog‘ bor, yara bor, yana bor

D) yarasi bor, yana bor, otashi bor

15 / 25

15. Qaysi gapda ega va ot kesim o‘rtasiga tire to‘g‘ri qo‘yilgan?

A) Bugun mening darslarim – ko‘p.

B) Atrof – juda go‘zal.

C) Maqsadimiz – a’lo o‘qish.

D) Bizning sinfimiz – sakkizinchi.

16 / 25

16. Qaysi gapda otlashgan sifat bilan ifodalangan uyushiq ega mavjud?

A) Dono olg‘a boraturib, orqaga qarab qo‘yadi.

B) Hayotda yaxshi ta’lim olgan va uni amalda qo‘llay bilganlar hech qachon qoqilmaydilar.

C) Dangasa va yalqovlar hech qachon sanoqda bo‘lmaydi

D) Nodon aytur: g‘olib chiqdim, dono aytur: yo‘l berdim.

17 / 25

17. Yuz jafo qilsa manga, bir qatla faryod aylamon, Elga qilsa bir jafo, ming qatla faryod aylaram. A. Navoiy qalamiga mansub ushbu mashhur bayt g‘oyasini aniqlang.

A) farovon hayotni ulug‘lash

B) xalqparvarlik

C) vafodorlik

D) zolimlik va jafokorlikni qoralash

18 / 25

18. Ona tilini e’zozlashni, qadrlashni va asrashni ma’rifatli millatlardan o‘rganing. Ushbu gapdagi yasama so‘zlar qanday sintaktik vazifa bajargan?

A) aniqlovchi, hol

B) kesim, hol

C) to‘ldiruvchi, aniqlovchi

D) kesim, to‘ldiruvchi

19 / 25

19. Oybekning qaysi she’ri erksizlik, tutqunlikka bo‘ysunmagan ijodkor ruhning, olamni qutqaruvchi bezavol go‘zallikning so‘nmas timsoli bo‘lib qoldi.

A) “Qoraxat”

B) “O‘zbekiston”

C) “Na’matak”

D) “O‘rik gullaganda”

20 / 25

20. Qaysi qatorda egasi noma’lum gap berilgan?

A) Eshik ochiq bo‘lsa ham so‘rab kir.

B) Dam olish kuni sayohatga borish kerak.

C) Bugun teatrga borishimiz lozim edi.

D) Kechki ovqat pishirildi.

21 / 25

21. Qaysi gapda kesim vazifasini bajargan sifatlanmish qatnashgan?

A) O‘zbekiston – Vatanim manim.

B) Ko‘p so‘zning ozi yaxshi, oz so‘zning o‘zi yaxshi.

C) Insonni sog‘lom qiladigan jismoniy mashqlardir, uning ma’naviyatini boyitadigan esa badiiy adabiyotdir.

D) Bilagi zo‘r birni yiqar, bilimi zo‘r mingni yiqar

22 / 25

22. Sodda gap berilmagan javobni aniqlang.

A) Mening fikrimcha, bizlarni jaholat qorong‘iligidan qutqarmoqchi bo‘lgan bu odamning maslahatlariga amal qilasiz.

B) Mamlakatimizning bayramlari ko‘p, lekin Navro‘zning shukuhi va tarovati o‘zgacha.

C) Kampir ba’zan mudrab, ba’zan o‘g‘li bilan nimalarnidir gaplashib o‘tirardi,

D) Bu she’rni nafaqat menga bag‘ishlangani uchun, balki unda ulug‘ shoirning buloq suvlaridek musaffo qalbi mavj urib turgani uchun ham sevaman.

23 / 25

23. Hammamizning onamizdir shu Vatan, Yov qoldirgan siynasida ming tikan, Tirikmiz-ku, uni tozalash bizdan, Yur, o‘g‘lonim, elni ko‘tarish uchun. Ushbu she’riy parchada qaysi so‘z turkumlari kesim vazifasida kelgan? 1) ot; 2) sifat; 3) ravish; 4) olmosh; 5) fe’l; 6) son.

A) 2, 3, 5, 6

B) 1, 4, 5, 6

C) 1, 2, 4, 5

D) 3, 4, 5, 6

24 / 25

24. Undov so‘zlar berilgan javobni aniqlang.

A) hoy, duv-duv, qars-qurs

B) eh, g‘ir-g‘ir, ofarin

C) ehtimol, shubhasiz, albatta

D) evoh, beh-beh, uf

25 / 25

25. Yer qish uyqusidan uyg‘ondi. Bahorning mayin sabolari esa boshladi. Ariqlarning bo‘yi yam-yashil maysalar bilan qoplandi, daraxtlar kurtak chiqarib, ifor isli naparmon gullar bilan bezandi. Loyshuvoq tomlarda lolaqizg‘aldoqlar yal-yal yondi. Dalalardan yengil hovur ko‘tarilib, qirlarda anvoyi chechaklar ochildi. Qishloq va shaharlarning tor ko‘chalarida, maydonlarida bola-baqra ko‘paydi. Kichkintoylar akalari yasab bergan «laylak»larni uchiraman deb jonlari halak. Ahyon-ahyonda turnalar arg‘imchoq solib uchib o‘tishadi. Ularning dilni entiktiruvchi “qurey-qurey”lari osmonni tutadi... Ushbu matn qaysi nutq uslubiga tegishli?

A) rasmiy

B) badiiy

C) publitsistik

D) ilmiy