On tili va adabiyot attestatsiya №12

InfoMaster

Iyul 22, 2022

227 Ko'rishlar 1 izoh

SaqlashSaqlanganOlib tashlandi 1

OMAD YOR BO'LSIN!

On tili va adabiyot fanidan attestatsiya savollari №12

DIQQAT! Endi siz o'z bilmingizni sinab ko'rish bilan birga sertifikatga ham ega bo'lishingiz mumkin.

Sertifikat olish uchun barcha ma'lumotlarni to'g'ri kiriting!

Testda 76% va undan yuqori natija oling va sertifikatni yuklab oling.

1 / 40

1. Qaysi birliklar so‘z birikmasi deb ham, frazeologik ibora deb ham qaralishi mumkin? 1) ustidan chiqmoq; 2) kalishini to‘g‘rilamoq; 3) ko‘ngliga o‘tirmoq; 4) dumini bosmoq.

A) 2,3,4

B) 1,2,4

C) 1,2,3

D) 3.4

2 / 40

2. Shodligim ko‘kka sig‘mas, Bitmas baxtim bor manim. Ushbu gapdagi shevaga xos so`zni belgilang.

A) shodligim

B) bitmas

C) sig`mas

D) manim

3 / 40

3. Qaysi gap tarkibida fe`l yasovchi qo`shimcha bilan omonim bo`la oladigan fe`llarning munosabat shakli qatnashmagan?

A) Farovonlik istasang, baxtli bo`lganingda ham do`st-yor orttir.

B) O`sha paytlar u Toshkentda yashardi.

C) Uning sovuqdan lablari ko`karib ketgan.

D) Yaxshi gap bilan ilon inidan chiqar.

4 / 40

4. “Shayx Sa’diy” voqeasining hissasini toping.

A) O’z qabohatini ko’rgan kishining o’zgalarning qabohatlarini ko’rmakka vaqti bo’lmas.

B) Arablarda bir so’z bordir, yaxshi boq, Odobsiz boladan yo’g’i yaxshiroq.

C) Ustiga kitob ortilgan eshak, Na olim va na donodir beshak.

D) Erta kun arpaga zor bo’lmay desang, Bukun ek, shoyadki, bug’doy non yesang.

5 / 40

5. O`qib-o`rganmasdan ham foyda-zararning farqiga yeta olaman, degan odamni tentak deb bilmoq kerak. Gapda qaysi kelishik turi yoq?

A) tushum kelishigi

B) qaratqich kelishigi

C) chiqish kelishigi

D) jo`nalish kelishigi

6 / 40

6. Qaysi asar uch xil yakun bilan tugamaydi?

A) “ Shahzoda Plombir”

B) “ Rinaldoning sarguzashtlari”

C) “ Sehrli nog’ora”

D) “ Sahrodagi uy”

7 / 40

7. Avstraliyada ajoyib yurt vakillari yashagan. Materikka kelgan yevropaliklar bu yerning o‘zgacha xalqini yovvoyi odamlar deb hisoblashgan. Chunki ularning davlati ham, uyi ham yo‘q. Ular jamoa tarzida yashab, oziq-ovqatni ov orqali topishadi. Aborigenlar hayoti va turmush tarzi bilan yaqindan tanishuv ularning yovvoyi emasligini ko‘rsatadi. Aynan aborigenlar aqlli bumerang nomli o‘roqsimon qurol o‘ylab topishgan. Buni qarangki, otilgan qurol mo‘ljalga olingan jonzotga tegmasa, yana aylanib ovchiga qaytib kelardi. Berilgan matnda fonetik hodisaga uchragan so`zlar miqdori nechta?

A) 5 ta

B) 3 ta

C) 4 ta

D) 6 ta

8 / 40

8. Qaysi gapda o‘z sinonimi o‘rniga xato qo‘llangan ot qatnashgan?

A) Cholning ovozi o‘zgardi, o‘pkasi to‘ldi, shekilli, birpas osuda qolib, keyin gapirdi.

B) Bazzoz do‘konini katta o‘g‘liga qoldirib, har kuni asir namozini uyiga kelib o‘qir edi.

C) Birozdan keyin ona o‘g‘ ilchasi Xoliqjonning beg‘ubor basharasiga engashib tikildi.

D) Qizini yer-ko‘kka ishonmagan ona uni katta dabdaba bilan uzatishni orzu qilardi.

9 / 40

9. Baxtsiz hodisa tufayli bir kunda xotini va ikki farzandidan ayrilgan obraz qaysi asarda uchraydi?

A) ”Qiyomat qarz” (O’.Umarbekov)

B) ”Dunyoning ishlari” (O’.Hoshimov)

C) ”Ot egasi” (Sh.Xolmirzayev)

D) ”Hellados” (N.Dumbadze)

10 / 40

10. Qish oqshomi derazamga urilar kumush. Ma`no ko’chish turini aniqlang.

A) sinekdoxa

B) vazifadoshlik

C) metonimiya

D) metafora

11 / 40

11. Ellik sakkizni rosa kutdim, kelmadi – piyoda ketdim. Ma’no ko’chishining turini toping.

A) metonimiya

B) metafora

C) kinoya

D) vazifadoshlik

12 / 40

12. Quyida keltirilgan gapdagi yasama so‘zlar qaysi so‘z turkumidan hosil qilingan? Achchiq bilan chuchukni totgan bilar, uzoq bilan yaqinni yurgan bilar.

A) ravish

B) sifat

C) fe'l

D) ot

13 / 40

13. Qaysi juftliklarda o'zaro shakldosh qo‘shimchalar ishtirok etmagan? 1)qovurma (lag‘mon) - qovurma (harakat inkori); 2)bog‘lar (o‘rin-joy oti) - bog'lar (harakat); 3)terim (tananing tashqi qoplamasi) – terim (faoliyat-jarayon oti); 4)ko'zlar (inson a’zosi) - ko‘zlar (harakat); 5)qaynatma (sho'rv- qaynatma (harakat inkori)

A) 1, 2, 3, 4

B) 2, 4

C) 2, 3

D) 2, 3, 4

14 / 40

14. Qaysi muborak zot: “Yetti yoshda Arslonboboga qildim salom, Haq Mustafo omonatin qildim in’om”, deya e’tirof etgan?

A) Ahmad Yassaviy

B) Ahmad Yugnakiy

C) Termiziy

D) Imom Buxoriy

15 / 40

15. Qaysi gapda so‘z yasovchi qo‘shimchalar soni nisbatan ko‘proq?

A) Ochiq til osh yedirar, achchiq til bosh yedirar.

B) Zargar firibgar bo‘lsa, oltin ham zanglaydi.

C) Elning yirtig‘iga yamoq bo‘l, uzug‘iga uloq bo‘l.

D) Tirishganning labi yog‘li, erinchoqning boshi qonli.

16 / 40

16. Qaysi javobda quyida keltirilgan parchadagi orttirma nisbat qo‘shimchasi olgan so‘z haqida noto‘g‘ri hukm berilgan? Mirzo Ulug‘bek belidagi serbar kamariga osilgan kalitni olib eshikning qulfini jaranglatib ochdi.

A) Orttirma nisbat qo‘shimchasini olgan so‘z tarkibida unlilar va faqat portlovchi til oldi undoshlari bor.

B) Orttirma nisbat qo‘shimchasini olgan so‘zning yasalish asosi taqlid so‘zdir.

C) Orttirma nisbat qo‘shimchasi olgan so‘z gapda hol bo‘lib kelgan.

D) Orttirma nisbat qo‘shimchasi sodda yasama so‘zga qo‘shilgan.

17 / 40

17. Quyidagi ismlar ma’no ko‘chishning qaysi turi asosida vujudga kelgan? Yo‘lbars, Bo‘riboy, Qoplonbek, Feruza, Yoqutoy, Asalxon

A) sinekdoxa

B) vazifadoshlik

C) metonimiya

D) metafora

18 / 40

18. "... maktabdan chiqarib olib, qizimga Ko'kqamish ko‘lida qo‘y sog‘dirib, chorvachilik ilmini o‘rgatayin, qo‘y sog‘moqqa usta bo‘lsin". Xalq dostonlaridagi qaysi ota o‘z farzandi haqida shunday qayg‘urgan?

A) Boysari

B) Avazxon

C) Boybo‘ri

D) Shoir vazir

19 / 40

19. Qaysi gapdagi barcha yasama so‘zlarning asosi otturkumiga mansub?

A) Barglari tukli, tuxumsimon, bandlari kalta, shoxlarda tartibli joylashgan.

B) Bolalarning beg‘ubor qalbi to‘lib-toshib oqayotgan daryoday jo'shqin.

C) Oybek domla nihoyatda tiyraklik va samimiyat bilan opaning gaplarini tasdiqladi.

D) Mevasi tukli, ko‘rinishi yumaloq yoki biroz cho'ziq bo'lishi mumkin.

20 / 40

20. Inson o`z hayotidagi g`alabali onlardan shodlanadi, turli omadsizliklar va qiyinchiliklardan esa tushkunlikka tushadi. Berilgan gapdagi nechta yasama so`zning asosi sifat so`z turkumiga mansub?

A) 5 tasi

B) 3 tasi

C) 4 tasi

D) 2 tasi

21 / 40

21. Quyidagi qaysi so‘zlarda nuqtalar o‘rniga sirg‘aluvchi jarangsiz lab undosh tovush yoziladi? 1) ta...fiq; 2) ta...tish; 3) ta...sifnoma; 4) bata... sil; 5) ta...siya

A) 1, 2, 3, 5

B) 3, 5

C) 2, 4

D) 1, 2, 4

22 / 40

22. Odamiy ersang demagil odami, Onikim yo‘q xalq g‘amidin g‘ami. Ushbu mashhur bayt Alisher Navoiyning qaysi dostonida keltirilgan?

A) “Sab’ayi sayyor”

B) “Layli va Majnun”

C) “Hayrat ul-abror”

D) “Saddi Iskndariy”

23 / 40

23. Quyidagi qaysi gapda o‘zaro omonim ko‘makchi morfemalar qatnashgan?

A) Ko‘rik-tanlovda biz g‘olib bo‘ldik.

B) Bu qaro ko‘zlar neni ko‘zlar?

C) Yuz tilim bo‘ldi dilim bir bevafoning dastidan.

D) Yaxshilikka yaxshilik qaytarish lozimligini esingdan chiqarma.

24 / 40

24. Olmoshning faqat bir ma’noviy guruhiga mansub so‘ zlar qatnashgan javobni aniqlang.

A) Agar u guzardan hassasini do‘qillatib o‘tib qolsa, hamma barobar qalqib, to o‘tib ketguncha ta’zimda turadi.

B) Men o‘z fikrimni tushuntirib berishga harakat qilyapman, lekin siz uni eshitishni xohlamayapsiz.

C) Tog‘asining shu odati sabab o‘g‘li Haydar ham, qizi Tohira ham bu xonadondan bezib ketishdi.

25 / 40

25. Mashg‘uloti, kasbi-kori bilan bog‘liq qing‘ir ishlarga qo‘l urgan 46 ta shaxs illatlari qaysi asarda fosh etilgan?

A) Muqimiy, "Tanobchilar"

B) Zavqiy, "Hajvi ahli rasta"

C) Muqimiy, "Sayohatnoma"

D) A.Qahhor, "Adabiyot muallimi"

26 / 40

26. Quyidagilar orasidan so‘z yasovchi va shakl yasovchi sifatida o‘zaro omonim bo‘la oladigan qo‘shimchalarni ko‘rsating. 1) -siz, 2) -ona, 3) -lab, 4) -larcha, 5) -xon, 6) be-

A) 1, 2, 3, 5

B) 1, 2, 3, 4, 5, 6

C) 1, 2, 5

D) 1, 3, 4, 5

27 / 40

27. Qaysi hikoyada iqtisodiy-madaniy qoloqlikning yana bir fojiali oqibati -johillik quyuq bo‘yoqlarda aks ettiriladi?

A) “Bemor”, Abdulla Qahhor

B) “Dahshat”, Abdulla Qahhor

C) “Uloqda”, Abdulla Qodiriy

D) “Mening o‘g‘rigina bolam”, G‘afur G‘ulom

28 / 40

28. Qaysi ravish yasovchi qo‘shimchalar shakldoshlik xususiyatiga ega ? 1) -lab; 2) -larcha; 3) -lay; 4) -siz; 5) -chasiga; 6) -ligicha.

A) 1, 2, 3, 4, 6

B) 1, 2, 4

C) 1, 2, 6

D) 1, 2, 5

29 / 40

29. Inson tabiatning eng ongli farzandi, uning boyliklarini asrovchi eng oliy xilqat sanaladi, shu bilan birga, inson bu boyliklarni ayovsiz sarflovchi, tabiatni tanazzulga olib boruvchi xilqat ekanligini ham unutmaylik. Berilgan gapdagi fonetik o‘zgarishlar sonini toping.

A) ) 3 ta

B) C

C) 5 ta

D) 4 ta

30 / 40

30. Uy eshigini ochsam, o‘g‘lim bilan o‘rtog‘i sovuqdan qizarib kirib keldi. Ushbu gapda ismlar guruhiga mansub nechta so‘z fonetik o‘zgarish asosida yo‘zilgan?

A) 5 ta

B) 3 ta

C) 2 ta

D) 4 ta

31 / 40

31. Qaysi gapda ham ot, ham sifat yasovchi qo‘shimcha bilan omonim bo‘la oladigan shakl yasovchi qo‘shimcha qatnashmagan?

A) Ota olov va suv girdobidan ozodlik maydoniga chiqa oladigan o‘g‘il borligidan g‘ururlanar edi.

B) Sotqinlarga safimizda o‘rin yo‘q.

C) Chaqin bo‘lma, bo‘lma guldurak.

D) Ko‘chaning narigi yuzidagi do‘konga bordik.

32 / 40

32. Qaysi javobda quyidagi gapda qo‘llangan olmoshlar soni va turi to‘g‘ri ko‘rsatilgan? — Noshukurlik, — debdi u, — noshukurlikning bexosiyat tomoni shundaki, bu illatga o‘ralgan kishi his etish, jami narsadan lazzatlanish, bahramand bo‘lish qobiliyatini yo‘qotadi.

A) 4 ta: 1 ta kishilik, 2 ta ko‘rsatish, 1 ta belgilash

B) 3 ta: 1 ta kishilik, 1 ta ko‘rsatish, 1 ta belgilash

C) 3 ta: 1 ta kishilik, 2 ta ko‘rsatish

D) 4 ta: 3 ta ko‘rsatish, 1 ta belgilash

33 / 40

33. Mirmuhsinning "Temur Malik" asari qaysi janrda yozilgan?

A) roman

B) qissa

C) doston

D) hikoya

34 / 40

34. “Alpomish” dostonida poyga jarayonida kimlarning “Biri-biroviga mushti tekkanda, Tog‘ cho‘qqisi qulaganday bo‘ladi”, deya ta`riflangan.

A) Qorajon va Hakimbek

B) Ko‘kaldosh va Qorajon

C) Hakimbek va Qultoy

D) Hakimbek va Ko‘kaldosh

35 / 40

35. Qaysi javobda keltirilgan gapda so‘z qo‘llash bilan bog‘liq xatolikka yo‘l qo‘yilgan?

A) Shu chog‘ artilleriya qismlari og‘ir to‘plar bilan ota boshladi.

B) Asl aynimas, aynisa ham buzilmas.

C) Qanotlaring mallarang, jussang kichikligidan ko‘rinarkansan arang.

D) Sening vujudingda sirlilikning mavjudligini birinchi bor uchratganimdayoq payqagan edim.

36 / 40

36. Egalik qo‘shimchalari asosga qo‘shilsa, qanday fonetik hodisalar yuz berishi mumkin?

A) tovush almashinishi va tovush tushishi

B) tovush almashinishi, tovush ortishi va tovush tushishi

C) tovush almashinishi

D) tovush tushishi

37 / 40

37. Dilim ranjitsa ham do‘q-u dag‘dag‘a, Bog ‘imda bu oqshom jonon о ‘ynasin. Gulday chiroyidan bo‘lay sadag'a, Ochilib-sochilib chunon o'ynasin. (Mirtemir) She’riy parchada qaysi nisbatdagi fe’llar qatnashganligini aniqlang.

A) aniq, majhul, orttirma

B) orttirma, aniq, o`zlik

C) aniq, orttirma

D) aniq, majhul

38 / 40

38. Qaysi qatorda asosi omonim, yasama, o‘timli fe’l berilgan?

A) yashartirmoq

B) kuchaytirmoq

C) chopishdi

D) yugurtirmoq

39 / 40

39. Quyidagi gapda qanday otlar ishtirok etgan? O‘lmasning onasi uyda o‘tiradi, do‘ppi tikadi. 1) shaxs nomi; 2) shaxs oti; 3) o‘rin-joy nomi; 4) o‘rin-joy oti; 5)narsa oti; 6) faoliyat-jarayon oti;

A) 1,2,3,5

B) 1,2,3

C) 1,3,4,6

D) 1,2,4,5

40 / 40

40. Qaysi shoirning g’azalida lirik qahramonning yuzi azbaroyi hijron azobini chekaverganidan sarg’ayib ketib, oltinni yashiradigan darajaga yetdi, ya’ni shunchalik sarg’aydiki, buning oldida tilloning sariqligi hech narsa bo’lmay qoldi, deb ta’riflanadi?

A) Lutfiy

B) Bobur

C) Atoyi

D) Navoiy

Baholash mezoni

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) saqlansin”;

- 75 foizdan past ko’rsatgichga ega bo’lsa - “Attestatsiyadan o’tmadi, birinchi malaka toifasi (yetakchi o’qituvchi lavozimi)ga tushirilsin”;

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) berilsin”;

- 74 foizdan 65 foizgacha ko’rsatgichga ega bo’lsa - “Attestatsiyadan o’tdi, birinchi malaka toifasi (yetakchi o’qituvchi lavozimi) saqlansin”;

- 65 foizdan kam ko’rsatgichga ega bo’lsa - “Attestatsiyadan o’tmadi, ikkinchi malaka toifasi (katta o’qituvchi lavozimi)ga tushirilsin”

- 64 foizdan 60 foizgacha ko’rsatgichga ega bo’lsa - “Attestatsiyadan o’tdi, ikkinchi malaka toifasi (katta o’qituvchi lavozimi) saqlansin”;

- 60 foizdan kam ko’rsatgichga ega bo’lsa - “Attestatsiyadan o’tmadi, mutaxassis (oliy yoki o’rta maxsus, kasb-hunar ma'lumotli o’qituvchi) lavozimiga tushirilsin”