Barcha fanlardan online testlar

Ona tili va adabiyot olimpiada Tuman 2019-2020 o'quv yili

11-sinf Ona tili va adabiyot olimpiada №2

InfoMaster

Avgust 19, 2024

13 Ko'rishlar 5 izohlar

SaqlashSaqlanganOlib tashlandi 0

11-sinf Ona tili va adabiyot olimpiada №2

2019-yil tuman bosqichida tushgan savollar

1 / 25

«O‘tkan kunlar» romani asosida suratga olingan filmda Homid rolida qaysi artist o‘ynagan?

A) Hamza Umarov

B) Abbos Bakirov

C) O‘lmas Alixo‘jayev

D) Yoqub Ahmedov.

2 / 25

“Ilohiy komediya” asarining muallifi kim?

A) A.Oripov

B) Dante

C) O.Balzak

D) Shekspir

3 / 25

Oshiq o`z ishqidan so`zlasa nuqul. Gapdagi ostiga chizilgan so`z haqida qaysi javobda mulohaza berilgan?

A) Tarkibida ayrim egalik shakllari o`z vazifasini yo`qotadi.

B) So`zlovchining o`zi bayon etayotgan fikriga ishonch, gumon, achinish kabi munosobatlarni ifodalaydi.

C) Nutq jarayonida ushbu so`z turkumiga oid so`zlardan foydalanishda so`zlovchilarning yoshi, amali nuqtayi nazaridan ma’lum darajada farq qiladi.

D) Bu so`zlarning ko`pchiligi qo`shimcha shaklida, ayrimlari esa so`z shaklida qo`llaniladi

4 / 25

Murakkab yasama narsa otiga tobelangan nisbiy sifat qaysi gapda qo`llanmagan?

A) Erksevar shilliqqurt topdi bariga yechim.

B) Temuriylar davriga oid so`nggi qo`lyozmalardan biri edi.

C) Ertangi yoshlar imkoniyatlari bugungisidan ancha kengaydi.

D) Devsifat yigit ovqatlanib bo`lgach, so`nggi tishkovlagichni oldi.

5 / 25

–chi yuklamasi qanday ma’nolarni bildirishi mumkin? 1) so`roq; 2) buyruq; 3) iltimos 4) xoxish 5) ta’kid (uqtirish)

A) 2.3

B) faqat 2

C) 1,2,5

D) 1,2,3,4,5

6 / 25

Mana menman, u isyonning o`lmas avlodi, Mana menman, u gullarning hech so`lmas yodi, Mana menman, falaklarga lov-lov o`t qo`yib, Otalarimning boshidan poydevor uyib. Kelajagim obidasin qurgan insonman. O`sha jonman, o`sha qonman va o`sha shonman. (U. N) Berilgan parchada qo`llangan olmoshlar haqidagi to`g`ri fikrni belgilang.

A) Ko`rsatish olmoshlari aniqlovchi va to`ldirovchi vazifasida kelgan.

B) 5 o`rinda kishilik olmoshi, 6 o`rinda ko`rsatish olmoshi qo`llangan

C) 3 o`rinda kishilik olmoshi, 8 o`rinda ko`rsatish olmoshi qo`llangan

D) Ko`rsatish olmoshlari kesim va ega vazifasida kelgan

7 / 25

Qaysi ijodkor o`zini sho`x bulbulga qiyoslagan?

A) X. Saloh

B) H. Hayne

C) A. Oripov

D) A. Pushkin

8 / 25

Sifatdosh va harakat nomi tarkibidagi egalik qo`shimchalari harakat bajaruvchisining shaxsi va sonini bildiradi. Shuning uchun qaratqich kelishigini olgan shaxs bildiruvchi so`zning qo`llanishiga ko`pincha ehtiyoj bo`lmaydi. Ushbu qoida talabiga mos bo`lmaydigan gap qaysi qatorda berilgan?

A) Buzoqning yugurgani - bizning kutganimiz.

B) Bilganingni eldan ayama.

C) Bo`zchi bilganin to`qir, Baxshi bilganin o`qir.

D) Boqqaning ikki echki, o`shqirganing yer tebratar.

9 / 25

U goho ichib kelib, hovlini boshiga ko`targudek o`kirib yig`laydi; akasining sirlarini bilishini, bir kunmas – bir kun uni fosh qilajagini aytadi, bo`ralab so`kadi. Ushbu gapda yordamchi so`z turkumiga mansub nechta birlik qo`llangan?

A) 3 ta

B) Bunday birlik mavjud emas.

C) 2 ta

D) 1 ta

10 / 25

Adabiy nutqning sofligiga putur yetkazuvchi unsurlarni aniqlang. 1. shevaga xos so`zlar 2. Varvarizmlar 3. Vulgarizmlar 4. Kanselyarizmlar 5. Parazit so`zlar 6. Ibora va grammatik shakllar 7. Urg`u va talaffuz

A) 1,2,4,7

B) 2,3,4,6,7

C) 1,2,3,4,5,6,7

D) 1,3,5,6,7

11 / 25

Ammo Saidiy hafta sayin jurnalning oxirgi sahifasida o`z ismini “bosilmaydi” bezagi bilan ko`ravergandan so`ng, yozuvchi bo`lish uchun o`zining tutgan yo`li to`gri ekaniga shubhalana boshlanadi.

A) 2 ta ko`makchi, 1 ta bog`lovchi

B) 3 ta ko`makchi, 1 ta bog`lovchi

C) 4 ta ko`mak, 1ta bog`,

D) 4 ta ko`mak, bog`lovchi yo`q

12 / 25

Ergashgan qo`shma gapning birinchi sodda gapi yakunida qavs ichida kiritma gap kelsa qo`shma gap qismlari orasiga qo`yiluvchi vergul qayerda joylashadi?

A) Birinchi gapdan so`ng, kiritmadan oldin

B) kiritmadan so`ng, ikkinchi gapdan oldin

C) kiritmadan oldin va keyin

D) Bu holatda vergul ishlatilmaydi.

13 / 25

Qaysi qo`shma gap tarkibida hokim so`zga faqat boshqaruv yo`li bilan tobelanadigan bo`lak izohlangan.

A) Bu haqda unga tezroq xabar beringki, ertaga barchamizdan o`pkalashi tayin.

B) Kim umidini yo`qotsa, yo`qotadigan boshqa narsasi qolmabdi.

C) Kimki hayotdan ta’lim olmasa, boshqa narsalar ta’sir etishi mushkul.

D) U shunchalik berilib o`qirdiki, atrofda o`zidan bohqa hech kimni payqamas edi.

14 / 25

“Mantiq ilmi xato kelib chiqishi mumkin bo`lgan joyda tafakkurni to`g`ri yo`ldan olib borish uchun aqlni to`g`rilab turadi”. Fikr muallifini aniqlang.

A) Arestotel

B) Farobiy

C) Beruniy

D) J. Rumiy

15 / 25

Arab tilidan kirib kelgan qaysi so`z o`zbek tilida kamtarinlik ma’nosini ifodalab, asl ma’nosini tubdan o`zgartirgan?

A) kamina

B) raiyat

C) ojizingiz

D) fuqaro

16 / 25

O`zbek adabiy tilida farqlanuvchi me’yorlarni aniqlang. 1. leksik me’yor 2. talaffuz me’yori 3. so`z yasalish me’yori 4. morfologik me’yor 5. sintaktik me’yor 6. uslubiy me’yor

A) 1,2,4,5,6

B) 1,3,5,6

C) 1,2,3,4,5,6

D) 2,4,5,6

17 / 25

Foydalanish, ishlatish so`zining ma’nodoshi tarkibidagi sirg`aluvchilar soni nechta?

A) 1 ta

B) 3 ta

C) 2 ta

D) 5 ta

18 / 25

Qaysi adib adabiyotda birinchilardan bo’lib chet eldagi o’zbeklar hayotini yoritgan?

A) Rasul Hamzatov

B) Shuhrat

C) Asqad Muxtor

D) Mirtemir

19 / 25

Yiqilganga zo`rlik muruvvat emas, A’lo qush chumoli donini emas... Bayt muallifi va manbasi qaysi qatorda berilgan?

A) Sa’diy „Guliston“

B) A. Navoiy „Hayrat ul-abror“

C) Sa’diy „Bo`ston“

D) Ogahiy „Ogohnoma“

20 / 25

Oqil o`z so`zin o`rnida so`zlagay, Ham javobini munosib ko`zlagay. Bayt muallifi kim?

A) S. Sheroziy

B) Atoiy

C) S. Saroyi

D) A. Navoiy

21 / 25

Qaysi shoir o’z she’rlarida biz yashab turgan dunyo haqiqati, inson umrining mazmuni, ezgulik va qabohat kabi azaliy muammolarni yangi davr kishisi nuqtai nazari bilan yoritishga harakat qildi?

A) Asqad Muxtor

B) S. Zunnunova

C) ) Rasul Hamzatov

D) X. Saloh

22 / 25

Besh o`rinda yasama so`z ishtirok etgan, yasama so`zlardan birining asosi ikki yuqori tor unlilardan iborat bo`lgan gapni toping.

A) Ipak kiyim kechaklar dazmollanmasligi ma’qul, agar zarur bo`lsa, teskari tomonidan yoki ustiga zig`ir tolasidan to`qilgan mato qo`yib, qattiq qizimagan dazmol bilan dazmollanadi.

B) Qo`zg`algan kasallikni yengish uchun tirik tanda”antitanachalar” hosil bo`ladi, ammo bu kasallikni yengish uchun har doim ham mikroorganizmlarning samaradorligi sezilarli bo`lmasligi mumkin.

C) Uning goh yig`lagisi, goh kulgisi, goh butun kechani ostun-ustun qilib qo`shiq aytgisi kelardi.

D) Hamdardlik – bir odamning qayg`u hasratlariga achinib, o`zida ham qayg`u hosil qilishdir, lekin quruq hamdardlik foyda bermaydi.

23 / 25

Bunday bog`liqlik gaplar, xat boshilar o`rtasidagi mazmuniy munosobatlarning funksional-sintaktik vositalar va so`z shakllari orqali ifodalanishda namoyon bo`ladi. Ushbu fikrda qanday bog`liqlik nazarda tutilgan.

A) Sintaktik bog`liqlik

B) kompozitsion bog`liqlik

C) mantiqiy bog`liqlik

D) mazmuniy bog`liqlik

24 / 25

Agar tenglik hukm sursa, hech qachon sotqinlik, aldamchilik, g`am-g`ussa bo`lmaydi. Gapda qo`llangan gap bo`laklarining kesimga bog`lanishi yuzasidan berilgan to`g`ri fikrlarni aniqlang. 1) Barcha gap bo`laklari kesim bilan bevosita bog`langan 2) Barcha gap bo`laklari murakkab kesimga bog`langan 3) Ergash gap tarkibida uyushiq egalar kesim bilan yonma-yon kelgan. 4) uyushgan ega kesim bilan grammatik munosobatga kirishgan.

A) 1,2,3

B) 1.4

C) 1.2

D) 1.3

25 / 25

“So`z latofati” kitobining muallifi?

A) Sh. Rahmatullayev

B) E. Vohidov

C) A. Hojiyev

D) A. Rustamov.