On tili va adabiyot attestatsiya №10

InfoMaster

Mart 23, 2022

308 Ko'rishlar 91 izohlar

SaqlashSaqlanganOlib tashlandi 1

OMAD YOR BO'LSIN!

On tili va adabiyot fanidan attestatsiya savollari №10

DIQQAT! Endi siz o'z bilmingizni sinab ko'rish bilan birga sertifikatga ham ega bo'lishingiz mumkin.

Sertifikat olish uchun barcha ma'lumotlarni to'g'ri kiriting!

e-mail manzilini to'g'ri kriting, barcha ma'lumotlar sizga yuboriladi.
Testda 76% va undan yuqori natija oling va sertifikatni yuklab oling.

1 / 40

Qaysi qatorda Mirtemir ijodiga mansub tarjimalar berilgan?

Pushkinning"Yevgeniy Onegin" she'riy romani;
Lermontovning "Maskarad" asarini
"Manas" qirg'iz xalq eposini;
"Qirq qiz" qoraqalpoq xalq dostoni;
"Sosunli Dovud" arman xalqeposi.

A) 4, 5

B) l, 2

C) 3, 4

D) l, 2, 3

2 / 40

Gumon olmoshlarini hosil qiluvchi so’zlar qatorini toping.

A) Hech kim, hech narsa

B) Go'yo, hatto, ba’zan

C) Ammo, lekin, biroq, va

D) Ba’zi bir, qaysi bir, bir narsa

3 / 40

Qo`lida piyola ushlagan be`morlar suv ichgani ketyapti. Ushbu gapda qaysi kelishik belgisiz qo`llangan?

A) tushum

B) qaratqich

C) o`rin-payt

D) chiqish

4 / 40

E.Vohidovning qaysi asarida xalqlar, millatlar, dinlar o’rtasidagi nizolar bashariyatga naqadar katta falokatlar olib kelishi teran tasvirlangan?

A) “Quyosh maskani”

B) “Nido”

C) “Ruhlar isyoni”

D) “Palatkada yozilgan doston”

5 / 40

“Mahbub ul-qulub”da Navoiy:”…hodisalar to’la dengizdagi kishilik kemasining langari desa bo’ladi va insoniyat qadrini o’lchaydigan tarozining toshiga tenglashtirishga ham bo’ladi”, - deya ta’rif qilgan narsa nima?

A) izzat-hurmat

B) yaxshilik

C) yumshoq ko’ngillilik

D) saxovat

6 / 40

Berilgan hikmatli so`zlardan qaysi biri fikrlar zanjiridan uzilib qolgan?

A) Insonning eng sharafli va buyuk darajasi uning aqlidir. (Abdurauf Fitrat)

B) Har bir kishining fe’li va xulq-atvori o‘z oldiga qo‘ygan maqsadiga intilishida namoyon bo‘ladi. (Gyote)

C) Tabiat kimga aql-idrok, bilim bersa, u ezgu ishlar qilishga qo‘l uradi. (Yusuf Xos Hojib)

D) Aql tarozisida tortib ko‘rilmagan har qanday bilim asossizdir. (Abu Ali ibn Sino)

7 / 40

Orzum shul, o’chmasin yongan charog’ing, Quyoshday nur sochsin chashming-qarog’ing, Magar chinor bo’lsang, chinorday yasha, Bevaqt uzilmasin biror yaprog’ing. Ushbu satrlarda nechta tovush o’zgarish mavjud?

A) 5ta

B) 2ta

C) 3ta

D) 4ta

8 / 40

“O`lim jazosi ham, umrbod qamoq jazosi ham bir xilda badaxloq choralardandir, biroq basharti ulardan bittasini tanla deyishsa, men, albatta, ikkinchisini tanlar edim. Har holda , yashamoq – o`lmoqdan afzalroqdir”, – degan fikrni isbotlash uchun yigirma besh yoshida yoshida o`n besh yillik mahkumlikka rozi bo`lgan va mana shu mahkumlik davrida yashashning asl mohiyatini kashf qilgan huquqshunos haqidagi hikoya muallifini aniqlang.

A) Alfons Dode

B) Anton Chexov

C) Jek London

D) Robindranath Thakur

9 / 40

Matnni o`qing va ushbu matn asosida tuzilgan topshiriqlarni bajaring.

Aytishlaricha, Iskandar taxtga o`tirgach, jahonda u tasarruf qilmagan joy qolmadi. Dunyoning barcha shohlari uning qullug`ini ado etishni o`zlariga sharaf deb biladilar. Yetti iqlim dur-u javohirlari uning xazinasi sari oqib keldi. Yurti obod, xalqi farovon bo`ldi. Dunyoning jami oqil-u donishmandlarini jam etdiki, barcha ilm-u ma`rifat singari u uchun ayon bo`ldi. Shunday jahongir shoh ajal oldida ojiz qolib vasiyat qiladi: “ Meni ko`mish uchun qabristongaolib borayotganda tobutdan bir qo`limni tashqariga chiqarib qo`ying. Toki unga boqqan kishilar yetti iqlimni olgan, yetti falak mushkulini hal qilgan qudratli hukmdor oxir-oqibat bu dunyoni tark etib, quruq qo`l bilan u dunyoga ketayotganini ko`rsinlar. So`nggi yo`lga ketar ekanman, istaymanki, menday jahongirning dunyodan quruq qo`l bilan ketayotgani mol-dunyo to`plashga ruju qo`ygan odamlar uchun ibrat bo`lsin!
Iskandardek qudratli shohning mol-mulki o`ziga vafo qilmadi, ammo uning adli, ilm-urfoni tillarda doston bo`lib qoldi, zero insonning umri davomida to`plagan mol-u dunyosi bebaqodir, undan faqat ezgu amallargina yodgor bo`lib qoladi.

Matndagi tagiga chizib ko`rsatilgan so`zlardan birortasining ham ma`nosiga mos kelmaydigan izohni aniqlang.

A) egalik qilmagan, ixtiyoriga olmagan, xo`jayinlik qilmagan

B) obod, yashnagan, baxtiyor

C) koinot, olam, falak, osmon

D) faxr, iftixor, faxrlanishga arziydigan narsa

10 / 40

To`rtlikdagi urg`u olmaydigan qo`shimchalar miqdori? Xormisan yo gulmisan, Tojdormisan yo qulmisan, Chug‘zmisan, bulbulmisan, Nolon o‘zing, xushxon o‘zing…

A) 12 ta

B) 10 ta

C) 9 ta

D) 13 ta

11 / 40

“Do`st ila dushman so`zining farqiga bor,
Fahm etar har kimki, o`lsa hushyor”.

Bayt quyida berilgan qaysi hikoyaga ilova qilingan?

A) “ Ikki do`st”

B) “Chin do`st”

C) “ Janjalchilik zarari”

D) “ Xurs ila bo`ri”

12 / 40

Abdulla Qodiriy ijodi haqida: “Abdulla Qodiriy iste’dodli, qalbi butun va o’ziga xos ravishdagi shaxs edi… Abdulla Qodiriyning prozasi, birinchi navbatda, g’oyatda hayotiyligi bilan ajralib turadi”, degan haq gaplarni yozgan adib kim?

A) Abdulla Qahhor

B) Said Ahmad

C) Maqsud Shayxzoda

D) Oybek

13 / 40

O’tgan ajdodlarimiz bizni shu aziz xalqimizni astoydil sevishga, unga fidokorlik bilan xizmat qilishga, uning qadriyatlarini hurmat qilishga o‘rgatishgan. Ushbu gap haqidagi qaysi fikr to‘g‘ri emas?

A) Olmosh bilan ifodalangan vositali to‘ldiruvchining kesimga bilvosita tobelanishi kuzatiladi.

B) Olmosh bilan ifodalangan qaratqich aniqlovchining kesimga bilvosita tobelanishi kuzatiladi.

C) Olmosh bilan ifodalangan vositasiz to’ldiruvchining kesimga bevosita tobelanishi kuzatiladi.

D) Ot bilan ifodalangan vositasiz to’ldiruvchilarning kesimga bevosita tobelanishi kuzatiladi.

14 / 40

Qaysi qatordagi so’zning izohi noto’g’ri keltirilgan?

A) Kulliyot – Bir adabiy turga mansub asarlarning majmuyi, she’riy to‘plam.

B) Qutidor – Qo‘qon xonligida oliq-soliqlardan to‘plangan pullarni qabul qilib oluvchi, saqlovchi va xon xazinasiga topshiruvchi saroy amaldori.

C) Murshid – Pir yoki eshonga qo‘l berib, so‘fiylik yo‘liga kirgan shaxs

D) Modernizatsiya – Zamonaviy talab va didga moslab o‘zgartirish

15 / 40

Qaysi qatorda Fuzuliyning turkiy devonidagi asarlarning miqdori to’g’ri tartiblangan? 1)ruboiy; 2) qasida; 3) g’azal; 4) qit’a a) 42 ta; b) 300 ga yaqin; c) 27 ta; d) 75 ta

A) 1-d; 2-c; 3-b; 4-a

B) 1-d; 2-a; 3-b; 4-c

C) 1-b; 2-c; 3-d; 4-a

D) 1-a; 2-c; 3-b; 4-d

16 / 40

Keltirilgan qaysi so’zlar noto’g’ri izohlangan? 1) tuzuk – nizom; 2) tamaddun – poydevor; 3) daroz – novcha, baland bo‘yli; 4) zarofat – dehqonchilik; 5) aborigenlar – tub joyliklar; 6) azimat -buyuklik.

A) 2, 3, 4

B) 1, 2, 5

C) 1, 2, 6

D) 2, 4, 6

17 / 40

Qaysi gapda ham vazifadosh, ham sof ko’makchi mavjud?

A) Boburning o’z hayoti to’g’risida bunchalik ochiqchasiga yozgani Xondamir uchun ajablanarli hol edi.

B) Sulton ularning barchasiga erinchoqlik bilan nazar tashladi.

C) U siz uchun mana shu iztiroblarning, qiyinchiliklarning barchasiga dosh bera oladi.

D) Bobur Agradan Kobulga yuborgan bu maktub Mohimga atab yozilganini sezib turardi.

18 / 40

Qaysi javobda faqat to’g’ri yozilgan so’zlar keltirilgan?

A) murojat, muallim, movin, muolaja, muatar

B) murojaat, muallim, muovin, molaja, muattar

C) murojaat, muallim, muovin, muolaja, muattar

D) murojot, mallim, movin, molaja, muattar

19 / 40

Qaysi gap tarkibida sovg’a so’zining ma’nodoshi qo’llanmagan?

A) Qishloq bolalari suyunchi so‘rab borishgan, xonadon sohiblari bolalarga hadyalar berishgan

B) Hovlimiz ziynati jambil, rayhonday, Otam ta’biricha edim boychechak.

C) Tilmoch tortiqni oldi va beto‘xtov pristavga yaxshilab tushuntirishni va’da qildi.

D) Sizga bu taronam – kuyim armug‘on, Nasr – og‘ir qadam, nazm – chopog‘on.

20 / 40

Turli shoirlarning bitiklaridan iborat to’plamga Shekspirning ham to’rt sonetini kiritib, “Otashin ziyoratchi” nomli kitob chiqargan noshir kim?

A) Jaggard

B) F.Meres

C) Ben Jonson

D) Sautgempton

21 / 40

Suluv qizlar burab qo‘yar sochini,
Mard yigit g‘animdan olar o‘chini.
Bag‘ring kuygandayin bo‘zlab yig‘laysan,
Menga aytgin yig‘laganing vajini! “Go’ro’g’lining tug’ilishi” dostonida ushbu parcha kimning tilidan kimga qarata aytilgan?

A) Rustambek tilidan Go’ro’g’liga

B) Rustambek tilidan Hiloloyga

C) Gajdumbek tilidan Ravshanga

D) Hiloloy tilidan Ravshanga

22 / 40

Qaysi gap tarkibida adabiy nutqning sofligiga futur yetkazuvchi unsurlardan biri – varvarizm uchraydi?

A) Mana, Salomxon aytvotti, xijolat bo’ladigan hech gap o’tmabdi-ku.

B) Hudaychi Azizbekdan ilgariroqda qo‘riqchilarni ogohlantirib borar, yosh va keksa muhofizlar uni salomlab qarshi olar edilar.

C) Chol salmoqlab gap boshladi: – E xotin, o’lmaydigan odam bormi?

D) Shundan buyon mundial saralashidagi omadsizlik termamizni tark etmayapti.

23 / 40

Qaysi gapda ham yetakchi fe’l qismi, ham ko‘makchi fe’l qismining asosi shakldoshlik xususiyatiga ega bo‘lgan yetakchi va ko‘makchi fe’lli so‘z qo‘shilmasi ishtirok etgan?

A) Ko‘klamning daragi kelmasdan ayvonga ko‘chib o‘tdi.

B) Taxtga chiqqach, adolat bilan ish tutibdi.

C) Dadasining qo‘lidan ushlab, dikir-dikir sakrab o‘ynoqlab keta berdi.

D) Qo‘qonga nonushta mahali yetib keldik.

24 / 40

Baxtsiz hodisa tufayli bir kunda xotini va ikki farzandidan ayrilgan obraz qaysi asarda uchraydi?

A) ”Hellados” (N.Dumbadze)

B) ”Ot egasi” (Sh.Xolmirzayev)

C) ”Qiyomat qarz” (O’.Umarbekov)

D) ”Dunyoning ishlari” (O’.Hoshimov)

25 / 40

Bir odam tovusning tumshug‘i bilan qanotlaridagi go‘zal, yaltiroq patlarni yulayotganini ko‘rib qoldi. Chidolmay so‘radi: – Ey go‘zal qush! Gunoh emasmi, shunday chiroyli, rang-barang patlaringni yulib tashlayapsan. Holbuki, sening go‘zalliging shu patlaringdir. Hamma shu patlaringdan yelpig‘ich qilish, ularni kitob sahifalari orasiga qo‘yishni o‘ylaydi, sen esa nima qilyapsan? Tovus javob berdi: – To‘g‘ri, lekin bu patlar mening jonimdan aziz emas. Chunki bu patlar tufayli meni ovlashadi, jonimga qasd qilishadi. Jon omon qolishi uchun xunuk bo‘lishim kerak. Ushbu matn haqidagi noto’g’ri mulohazani aniqlang.

A) Odamlar jonzotlarga nisbatan shafqatsiz.

B) Tovus go’zallik uchun o’zini qurbon qilmoqchi.

C) Tovusning go’zalligi o’ziga dushman.

D) Odamlar tovuslarni yeyish uchun ovlamaydi.

26 / 40

Qaysi gap tarkibida subyektiv baho ifodalovchi qo’shimcha qatnashmagan?

A) Shunda sizni azob emas, rohat kutajak.

B) Hoy bolam, manavini bir simir. Ichginang uzilib ham ketgandir sanginani.

C) O‘yinga mashg‘ul bo‘lib o‘tirgan olti-yetti yashar qizaloq soy yoqalab kelayotgan kishiga ko‘zi tushib, shodon qiyqiradi.

D) Kundoshlarning eng kichigi – bu dargohga tushganiga besh oygina bo‘lgan kelinchak – ganjiravonlik Unsinoy chilim solib tutdi.

27 / 40

Abdulla Oripovning “Sohibqiron” dramasida Amir Temur o’z o’g’li Mironshohni nima uchun qirq kun zindonga tashlaydi?

A) qilichini yo’qotib qo’ygani uchun

B) begunoh odamni o’ldirgani uchun

C) qo’l ostidagi lashkarlarga beetibor bo’lgani uchun

D) xotiniga qo’l ko’targani uchun

28 / 40

Qaysi javobda taniqli davlat va din arbobi Xoja haqida noto’g’ri fikr keltirilgan?

A) Jonibek Sultonga bag’ishlab “Maqsad ul-atvor” nomli doston yozgan.

B) Toshkentlik mashhur avliyo Zangi Ota avlodlaridan hisoblanadi.

C) Mashhur “xojagon” silsilasiga asos solgan.

D) Buxoroda vafot etgan va Bahouddin Naqshband qabri yonida dafn etilgan.

29 / 40

Navoiyning tarixiy-memuar ruhidagi asarlaridan biri keltirilgan javobni toping.

A) “Nazm ul-javohir”

B) “Siroj ul-muslimin”

C) “Sab’ati ahhur”

D) “Xamsat ul-mutahayyirin”

30 / 40

Bir g’azalida go’zal yor xokisor oshiqning yuziga oyoq bosar ekan, oyog’i og’riydi, “yuzing buncha bo’yradek dag’al bo’lmasa” deb nozlanadi. Ushbu mazmundagi bayt qaysi shoir ijodida uchraydi?

A) Navoiy

B) Furqat

C) Lutfiy

D) Atoyi

31 / 40

Kechasi ishlayman, kunduzi uxlayman. Ushbu gapda ishtirok etgan qo’shimchalar haqidagi to‘g‘ri hukmni toping.

A) 1 ta so‘z yasovchi, 6 ta munosabat shakli

B) 1 ta so‘z yasovchi, 4 ta munosabat shakli

C) 2 ta so‘z yasovchi, 4 ta munosabat shakli

D) 2 ta so‘z yasovchi, 6 ta munosabat shakli

32 / 40

1) hojib (eshik og‘asi), 2) payg‘om (xabar), 3) degrez (cho‘yandan qozon quyuvchi), 4) yorg‘ichoq (donni maydalash uchun ishlatilgan tosh asbob) 5) bog‘ot (bog‘lar, bog‘li joylar), 6) gisu (soch). Yuqorida keltirilganlardan qaysilari tarixiy so’z hisoblanadi?

A) 2, 5, 6

B) 1, 2, 3, 4, 6

C) 1, 3, 5, 6

D) 1, 3, 4

33 / 40

Bir odam tovusning tumshug‘i bilan qanotlaridagi go‘zal, yaltiroq patlarni yulayotganini ko‘rib qoldi. Chidolmay so‘radi: – Ey go‘zal qush! Gunoh emasmi, shunday chiroyli, rang-barang patlaringni yulib tashlayapsan. Holbuki, sening go‘zalliging shu patlaringdir. Hamma shu patlaringdan yelpig‘ich qilish, ularni kitob sahifalari orasiga qo‘yishni o‘ylaydi, sen esa nima qilyapsan? Tovus javob berdi: – To‘g‘ri, lekin bu patlar mening jonimdan aziz emas. Chunki bu patlar tufayli meni ovlashadi, jonimga qasd qilishadi. Jon omon qolishi uchun xunuk bo‘lishim kerak. Matndagi nechta so’z tarkibida tovush almashishi yuz bergan?

A) 3 ta

B) 5 ta

C) 4 ta

D) 2 ta

34 / 40

«Falaki jomakabud dastidin yuz dodki, bir yig‘inda haqni aytib, balog‘a qolib zinadan quvlang‘animda oyog‘im chiqib yotib qoldim. Yosh umrim hayf va rangim za’faron bo‘lib yotdim. Bor mavjud kuchim kitob o‘qumoq va g‘azal abyot qilmoq ila band bo‘ldi». Ushbu gaplar qaysi ijodkor tarjimayi holidan olingan?

A) Turdi Farog’iy

B) Mashrab

C) Anbar Otin

D) Bobur

35 / 40

Qaysi gapda tire tinish belgisi tushirib qoldirilgan?

A) Yaxshi niyatli kishilarning ahdi shu edi.

B) Vatan har bir inson tug‘ilib o‘sgan, kindik qoni to‘kilgan tabarruk go‘sha!

C) Mening opam ham mohir tikuvchi, ular bejirim ko‘ylaklar tikib charchamaydilar.

D) Ehtimol, sizda ham shunday hollar bo‘lgandir tun yarmidan og‘ganda birdan uyg‘onib ketasiz.

36 / 40

Hilm – ahloqli odamning qimmatbaho libosi. U kiyim turlarining eng chidamli matosidir. Hilm yomon nafsni daydi shamol uchirishidan asraguvchi va ikkiyuzlama munofiqlarning bexuda harakatidan himoya qiluvchidir. Yumshoq ko‘ngillilikni hodisalar to‘la dengizdagi kishilik kemasining langari desa bo‘ladi. Hilmni insoniyat qadrini o‘lchaydigan torozining toshiga tenglashtirsa ham bo’ladi. Matndagi nechta so’z imloviy jihatdan xató yozilgan?

A) 4 ta

B) 3 ta

C) 5 ta

D) 2 ta

37 / 40

Bir xil janrga mansub hajviy asarlar keltirilgan qatorni toping.

A) «Adabiyot muallimi», «Chiqdi», «Qiyshiq oyna»

B) «Maskovchi boy ta’rifida», «Dodhohim» «Tuhmatchilar jazosi»

C) «Maysaraning ishi», «Og‘riq tishlar», «Saylov»

D) «Yovuz niyatli kishi», «O‘n ikki stul», «Oltin buzoqcha»,

38 / 40

Shu yurt tinch – yo’q dilda sanchiqlaringiz, Qiqirlab yurishar qalliqlaringiz. Yor-yorlar yarashar, to’ylar yarashar, Yarashar to’qlikka sho’xliklaringiz. (M.Yusuf) Ushbu she’riy parchada ishtirok etgan yasama so’zlar haqidagi fikrlardan nechtasi to’g’ri? fe’ldan ot yasalgan; 2) fe’ldan sifat yasalgan; 3) taqlid so’zdan fe’l yasalgan; 4) otdan sifat yasalgan; 5) sifatdan ot yasalgan

A) beshtasi

B) ikkitasi

C) to’rttasi

D) uchtasi

39 / 40

Hilm – ahloqli odamning qimmatbaho libosi. U kiyim turlarining eng chidamli matosidir. Hilm yomon nafsni daydi shamol uchirishidan asraguvchi va ikkiyuzlama munofiqlarning bexuda harakatidan himoya qiluvchidir. Yumshoq ko‘ngillilikni hodisalar to‘la dengizdagi kishilik kemasining langari desa bo‘ladi. Hilmni insoniyat qadrini o‘lchaydigan torozining toshiga tenglashtirsa ham bo’ladi. Ushbu matndagi ajratilgan so’zlarning hech biriga mos bo’lmagan izoh qaysi javobda keltirilgan?

A) jismoniy jihatdan kuchsiz, zaif

B) qirg’oqqa tashlanib, kemani ushlab turadigan moslama

C) so’zi va amali bir bo’lmagan kishi

D) yeyish-ichish, mol-dunyoga bo’lgan ehtiros

40 / 40

Faqat bosh gap qismida yasama so‘z(lar) qatnashgan ergashgan qo‘shma gapni aniqlang

A) Kimki dushmani bilan olishganda ham insonparvarlikni unutmasa, u, albatta, yengadi

B) Bizning maqsadimiz kishilarning dunyoqarashlarini shakllantirmoqdir, chunki har bir kishi yaxshilik va yomonlikni, oq-u qorani o'zi ajrata oladigan bo'lishi kerak

C) Qaysi narsaga o'z mehnating bilan erishsang, o'sha narsa sen uchun qadrlidir.

D) Tilagim shuki, ukalarim muhtojlik nimaligini bilmasin.

Baholash mezoni

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) saqlansin”;

- 75 foizdan past ko’rsatgichga ega bo’lsa - “Attestatsiyadan o’tmadi, birinchi malaka toifasi (yetakchi o’qituvchi lavozimi)ga tushirilsin”;

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) berilsin”;

- 74 foizdan 65 foizgacha ko’rsatgichga ega bo’lsa - “Attestatsiyadan o’tdi, birinchi malaka toifasi (yetakchi o’qituvchi lavozimi) saqlansin”;

- 65 foizdan kam ko’rsatgichga ega bo’lsa - “Attestatsiyadan o’tmadi, ikkinchi malaka toifasi (katta o’qituvchi lavozimi)ga tushirilsin”

- 64 foizdan 60 foizgacha ko’rsatgichga ega bo’lsa - “Attestatsiyadan o’tdi, ikkinchi malaka toifasi (katta o’qituvchi lavozimi) saqlansin”;

- 60 foizdan kam ko’rsatgichga ega bo’lsa - “Attestatsiyadan o’tmadi, mutaxassis (oliy yoki o’rta maxsus, kasb-hunar ma'lumotli o’qituvchi) lavozimiga tushirilsin”