Ona tili va adabiyot attestatsiya №2

Ona tili va adabiyot fanidan attestatsiya savollari №2

1 / 40

Kesimi faqat til undoshlaridan tashkil topgan yasama so’z bilan ifodalangan gapni aniqlang.

A) Oshkora yomonlikka nisbatan yasama ezgulikdan inson ko’proq nafratlanadi.

B) Tarixni anglash orqali insonda hayotini anglash qobiliyati shakllanadi.

C) Hasad va baxillik nafratdan ham murosasizroqdir.

D) Do’stlikka yaramaydigan shaxsning eng yaramasi – chaqimchi.

2 / 40

Qaysi javobda imloviy xato yozilgan so’zlar soni ikkita?

A) Zebi yuragida tugulib yotgan zo’r tugunni yechib yuborgan edi.

B) O’rtadagi xontaxtada sovub qolgan kabob va meva-cheva bor edi.

C) Qor urib turgan bir kun edi. Birdan ko’chada dod-faryod ko’tarilib qoldi.

D) Yaxshilik qilsang, ohirigacha yaxshilik qilgin, zinxor minnat qilma.

3 / 40

Zavqiyning “Hajvi ahli rasta” asarida oshqaboq xamakka o’xshatilgan qahramon.

A) Shohaziz

B) Mo’minshoh

C) Nazirbek

D) Shokir qora

4 / 40

Imlo qoidasiga nomuvofiq yozilgan so‘z qatnashgan gapni aniqlang.

A) Kishining iste’dodi barcha sohada bir xil bo'lavermaydi, chunki yoshlar o‘zi sevgan, qobiliyatiga mos bo'lgan ishni tanlay bilishi kerak.

B) Biroq vaqt ketsa ham, otaning maslahati bilan ish tutganlari yaxshi bo‘ldi, chunki yomontosh darasi ular kutganday mudhish edi!

C) Lekin kun isishini kutish haqida gap bo‘lishi ham mumkin emas, chunki havoga ishonish qiyin, eng muhimi, qor ustiga qor yog'ib, dashtda qolib ketishlari ehtimoldan xoli emas.

D) Hamon shamol o‘kirar, osmonning goh u, goh bu burchida chaqmoq yaraqlab, yong‘oq shoxlari shubhali g‘iyqillar, ammo endi bular uni qo‘rqitolmas edi.

5 / 40

Qaysi qatordagi gapda 2 ta tovush tushishi va 1 ta tovush ortishi kuzatiladi?

A) Ko’z oldimdan ichakuzdi qiliqlar qilayotgan qiziqchilar, toshlarni osmonga irg’itib o’ynayotgan polvonlar ketmasdi.

B) Otaxon, singlimning ko’ngli juda nozik. Qaytgunimcha unga qo’ldan kelgancha qarab, yordam berib turing.

C) Ayriliq ham sinovdir, bolam. Sabr qiling, xalq orasida o’z obro’yingizga egasiz, shunday ekan hozircha faqat kutganingiz ma’qul.

D) Bir vaqt qarasam, yig’layapman. Keyin asta uyga kiraman degan edim, haligi itlar yana uvlab yubordi.

6 / 40

O’n oy davom etgan tergov azoblaridan so’ng adib “sovetlartga qarshi targ’ibot qilgan”likda ayblanib, 10 yil muddatga ozodlikdan mahrum etilgan ijodkorning ijodi bilan bog’liq to’g’ri ma’lumotni aniqlang?

A) Ushbu ijodkor qalamiga mansub asar o’tgan asrning 60- yillarida, Navoiy tavalludining 525 yilligi arafasida yaratilgan edi.

B) Ijodkorning ijodidagi bosh mavzu nima deb so’ralsa, yurtga, tabiatga oshiqlik, bolalik xotiralariga sadoqat, o’z xalqidan faxrlanish, uni chin dildan sevish va ardoqlash, deb aytish mumkin.

C) Ushbu ijodkorning asarlarida ona yurti – O’zbekiston tabiati, uning zahmatkash xalqi mehnatini sharaflab yozgan she’rlari o’zining samimiyligi, ohangdorligi, o’quvchining eng nozik tuyg’ularini qo’zg’ata olishi bilan zamonlar sinovidan o’tib kelmoqda.

D) Ijodkorning asarlaridan birida ulug’ mutafakkir Alisher Navoiyning ziddiyatlarga to’la hayoti tasvirlangan.

7 / 40

Qaysi javobda quyidagi gap matn mazmuniga mos ravishda to’g’ri davom ettirilgan? Shoh Iskandar …

A) o’z xazinalari, boyliklari bilan birga ko’mishlarini vasiyat qilibdi

B) umrining so’nggida dunyoning ko’plab xalqlarini o’ziga tobe qilganidan g’ururlanibdi.

C) umrining so’nggida bu dunyoning o’tkinchi, bevafo ekanligini anglab yetibdi.

D) bitmas xazina, ko’p boylik o’z hayotining asosiy mazmuni ekanligini tushunibdi.

8 / 40

Odil Yoqubov qalamiga mansub “Olma gullaganda” asarining janrini aniqlang.

A) qissa

B) roman

C) pyesa

D) hikoyalar to’plami

9 / 40

Ko`zlarim yo`l ustida, kelmadi yor,
Ushbu keng dunyo ko`zimga bo`ldi tor.
Qay qaroqchi oldi yorimning yo`lin,
Mundagi baxtsiz yigit yo`l uzra zor...
Ushbu to`rtlik qaysi asardan olingan?

A) “Navoiy”

B) “O`tkan kunlar”

C) “Mehrobdan chayon”

D) “Kecha va kunduz”

10 / 40

Boshni fido ayla ato qoshig`a
Jismni qil sadqa ano boshig`a.

Ushbu misralar Navoiyning qaysi dostonidan olingan?

A) “Layli va Majnun”

B) “Hayrat-ul abror”

C) “Farhod va Shirin”

D) “Saddi Iskandariy”

11 / 40

Qaysi gapda ikki o‘rinda vazifadosh bog‘lovchi ishtirok etgan?

A) Siz bilan bunday natijaga erishishimiz uchun tun-u kun mehnat qilishimiz lozim.

B) Mol ham davlatingiz bilan emas, balki ilm-hunaringiz, go‘zal xulq-atvoringiz bilan faxrlaning.

C) Aql va farosat quyoshga o‘xshaydi,beparvolik tufayli tushish mumkin bo‘lgan dog‘larga o‘rin qolmaydi

D) Kumushbibi endi o‘n yettini qo‘yib, o‘n sakkizga qadam bosganida, bo‘yi ham onasiga yetayozgan edi.

12 / 40

Qaysi gapda to‘ldiruvchi vazifasidagi so‘zda paronim bilan bog‘liq xatolik bor?

A) Yomon yo‘ldosh yov bo‘lar, ravon yo‘lda g‘ov bo‘lar.

B) Uzuk va zirak, tillaqosh va zebigardonlardan quti-quti yig‘gan edi.

C) Kimki birovga choh qazisa, unga o‘zi yiqiladi.

D) Ishning suratini oshirishimiz, kuniga yuz tup olma ko‘chatini o‘tkazishimiz kerak.

13 / 40

Bazm uyushtirilibdi. Fe’l nisbatini aniqlang.

A) majhul nisbat

B) birgalik nisbat

C) o‘zlik nisbat

D) orttirma nisbat

14 / 40

Qaysi gapda 2 o‘rinda imloviy xatolikka yo‘l qo‘yilgan?

A) Ona tilimiz orqali biz o‘z fikrimizni shakllantiramiz,o‘ylaymiz, mushohada yurutamiz.

B) Do‘stim, ko‘rmayapsan-da, oy botib, yulduzlar birin-ketin so‘nib borayapti.

C) Unutmangki, tanbal, bezori, sharobxo‘r, fosiq kishi manaviy nogiron degan so‘zdir.

D) Odam onadan tug‘ilib-oq ma’naviyatli, ma’rifatli bo‘lib qolmasligini yaxshi tushinasiz.

15 / 40

Shu sevinch ikkovlariga ham kuch-g‘ayrat, ham dadillik baxsh etardi. Mazkur gapda qatnashgan mavhum otlar haqidagi qaysi ma’lumot to‘g‘ri emas?

A) Gapdagi yasama mavhum otlar har xil turkumga oid so‘zdan yasalgan.

B) Gapdagi mavhum otlar ikki xil gap bo‘lagi vazifasida kelgan.

C) Gapdagi mavhum otlar otlarning tuzilishiga ko‘ra ikki turiga oiddir.

D) Gapdagi barcha mavhum otlar hokim qismga bitishuv usulida birikkan.

16 / 40

Quyida berilgan gapda nechta yasama so'z bor? Oybek domla nihoyatda tiyraklik bilan, ko'pchilik nomdor insonlarda juda kam uchraydigan samimiyat va bolalarcha beg'uborlik bilan opaning gaplarini tasdiqladi.

A) 8 ta

B) 7 ta

C) 6 ta

D) 5 ta

17 / 40

Ergash gap qismida qo‘shimcha qo‘shilishi ta’sirida tovush tushishi yuz bergan va shunday yozilgan so‘z qatnashgan to‘ldiruvchi ergash gapli qo‘shma gapni toping.

A) Hayotingda kim uchundir foydali inson bo‘lsang, mana shu sening eng katta yutug‘ingdir.

B) Hulkar ularni tanirdi, shuning uchun ularga yordamlashdi.

C) Shunisi ma’lumki, mening kasb tanlashimga otam sababchi bo‘lgan.

D) Shuni bilki, qiynalib erishgan narsalaringning qadri baland bo‘ladi.

18 / 40

Quyidagi gapda nechta yasama so'z mavjud? O‘zni dono bilgan u uch-to‘rt nodon Eshak tabiatin qilur namoyon. Bular suhbatida sen ham eshak bo‘l, Bo‘lmasa "kofir" deb qilishar e’lon

A) 5ta

B) 3ta

C) 4ta

D) 2ta

19 / 40

Kesimi faqat til undoshlaridan tashkil topgan yasama so‘z bilan ifodalangan gapni aniqlang.

A) B)Oshkora yomonlikka nisbatan yasama ezgulikdan inson ko‘proq nafratlanadi.

B) C)Tarixni anglash orqali insonda hayotni anglash qobiliyati shakllanadi.

C) D)Do‘stlikka yaramaydigan shaxsning eng yaramasi − chaqimchi.

D) A)Hasad va baxillik nafratdan ham murosasizroqdir.

20 / 40

"O'quvchilar sanoq sistemasini o'rganishardi, gohida sanog'idan adashgan bolalar jahl bila ruchkani partaga urardilar." Ushbu gapda nechta fonetik o'zgarish mavjud?

A) 6ta

B) 7ta

C) 8ta

D) 5ta

21 / 40

Olmoshlar asosida yasalgan sifatlar berilgan javobni aniqlang.

A) o‘zboshimcha, o'zbilarmon

B) har xil, shunchaki

C) manmanlik, o‘zboshimcha

D) o‘shanday, shunaqa

22 / 40

Ham qaratqich aniqlovchini, ham sifatlovchi aniqlovchini tobelantirgan ega ishtirok etgan javobni aniqlang.

A) Kunduzning g‘aroyib chog‘idir oqshom, Saodat birla u nurafshon bo‘lsin.

B) Dildoraning shohi ko'ylagini hamma yoqtirdi.

C) Ularning turfa xil odatlari bor, Avval ganjlarini ko‘mgay tuproqqa.

D) Yelkamizga oftobning tegganligi rost bo‘lsin...

23 / 40

Qaysi gapdagi modal so‘z fikrga ishonch munosabatini bildiradi?

A) Aytishlaricha, uchta davlatda biznesi bor ekan.

B) Sizni ham tinch qo‘yishmayapti, chog‘i.

C) Siz, shubhasiz, bu testni yecha olasiz.

D) Darhaqiqat, to‘y to‘ydek bo‘lsin.

24 / 40

Qaysi javobda // belgisi o'rnida tireni qo'yib bo'lmaydi?

A) O'rinsiz g'azab// o'zingga azob

B) A'lo o'qish // bizning va sizning asosiy hamda sharafli vazifamiz

C) Aziz kitobxon // hali katta oilaning qissalari tugamadi

D) Uylar, devorlar, daraxtlar// hammasi qorong'ilikka jimgina cho'kdi

25 / 40

Qaysi qatorda so’zlar alifbo tartibida berilgan?

A) Ulug’, cho’pon, el, botir

B) Belbog’, dehqon, fikr, kishi

C) Sabr, niyat, oqil, ro’mol

D) G’isht, hayo, kasr, o’zbek

26 / 40

"Bu ko'ylak sal qizilroq ekan." Ushbu gapda sifatning qaysi darajasi qatnashgan? Qaysi yo'l bilan hosil qilingan?

A) ozaytirma daraja; leksik-morfologik yo'l bilan.

B) orttirma daraja; leksik-morfologik yo'l bilan.

C) orttirma daraja; morfologik yo'l bilan.

D) ozaytirma daraja; morfologik yo'l bilan.

27 / 40

–choq, -cha, -jon, -xon, -loq qo’shimchalari qanday qo’shimchalar sanaladi?

A) Predmetning sanog’ini bildiruv-chi qo’shimchalar

B) Erkalash va kichrayti-rish qo’shimchalari

C) Tovush o’zgarturuv-chi qo’shimchalar

D) O’zak-negiz qo’shimchalari

28 / 40

Gumon olmoshlarini hosil qiluvchi so’zlar qatorini toping.

A) Ba’zi bir, qaysi bir, bir narsa

B) Hech kim, hech narsa

C) Ammo, lekin, biroq, va

D) Go'yo, hatto, ba’zan

29 / 40

Qaysi qatorda berilgan so‘zlarning ma’nolarini farqlovchi undoshlar jarangli yoki jarangsizligiga ko‘ra ham, til qismlarining harakatiga ko‘ra ham o‘zaro farqlanadi?

A) sanoq – sadoq

B) boshlamoq – boplamoq

C) chiroq – yiroq

D) xilof – g‘ilof

30 / 40

Qaysi qatorda asosidan -iy, -an, -ot qo‘shimchalari orqali yangi so‘z yasash mumkin bo‘lgan so‘z qo‘llangan?

A) Shaxmatni boshlagandan keyin xayolparastlik odati yo‘qola bordi.

B) Ijodkor yoshlarga adib bilan bo‘lgan suhbat yoqmagan ko‘rinadi.

C) Nimaga asoslanib bunday deganini sira tushuna olmayapman.

D) Qonunchilikda bu kabi holatlar nazarda tutilmagan emish.

31 / 40

"Bu dunyoga kelib nima karomat ko'rsatdik? Ko'prik qurdikmi, machit soldikmi?" Ushbu gapda nechta boshqaruvli so'z birikmasi mavjud?

A) 1ta

B) 2ta

C) 3ta

D) 4ta

32 / 40

Avaylaylik so'zi qaysi qatorda ma'noli qism(morfema)larga to'g'ri ajratilgan?

A) ava+y+la+y+lik

B) avay+la+y+lik

C) avayla+ylik

D) avayla+y+lik

33 / 40

Quyidagi gapda ochiq bo`g`inlarning nechtasi keng unli bilan tugagan? Ilmdan bir shu’la dilga tushgan on, Aniq bilursankim, ilm bepoyon.

A) 3ta

B) 6ta

C) 2ta

D) 4ta

34 / 40

Vatanning baxti, porloq istiqloli, yorqin kelajagi uchun yashash, kerak bo'lganda jon fido etish shu zaminda yashayotgan har bir inson uchun ham farz, ham qarzdir. Parchada qanday fonetik o'zgarishlar ro'y bergan?

A) tovush almashishi va orttirilishi

B) tovush tushishi va tovush almashishi

C) tovush tushishi

D) tovush almashishi

35 / 40

Qaysi qatorda olmosh gap o‘rnida kelgan?

A) Homid toshni o'n marta ko’tardi, men ham shuncha ko'tarishni orzu qilaman.

B) Maftuna guruhimizdagi eng a’lochi qiz,

C) Toshkent qadimiy va navqiron shahar, u yerda hashamatli binolar qad rostlamoqda.

D) Shuni bilingki, urush qurbonsiz bo‘lmaydi

36 / 40

Qaysi qatordagi so'zlarda tutuq belgisi unlini undoshdan ajratib talaffuz etilishini ifodalaydi?

A) mo'jiza, mo'tadil

B) qat'iy, jur'at

C) shu'la, ba'zan

D) Is'hoq, as'hob

37 / 40

Baland bolaxonali uy. Ushbu jumlada qanday holatda uyning balandligi anglashiladi?

A) Baland so’zidan so’ng to’xtalish bo’lsa

B) So’zlar orasida to’xtalish bo’lsa

C) Bolaxona so’zidan so’ng to’xtalish bo’lsa

D) Ma’noli gap bo’laklarining kengayishidan

38 / 40

Qaysi gapda // belgisi o‘rnida ikki nuqta bo‘lishi kerak?

A) G‘animlar duch kelar // jang bo‘lar puxta.

B) Qamchibek boshqacharoq edi // ichidan o‘tayotganini yuzaga bilintirmasdi.

C) Ruboiyni ichida o‘qidi // yuzini tabassum qopladi.

D) Endi bildimki // unga tushuntirishning foydasi yo‘q ekan.

39 / 40

-(a)r qo’shimchasi bilan fe’lning xoslangan shakllaridan qaysi biri hosil qilinadi?

A) harakat nomi

B) sof fe’l

C) ravishdosh

D) sifatdosh

40 / 40

Qaysi birliklar so‘z birikmasi deb ham, frazeologik ibora deb ham qaralishi mumkin? 1) ustidan chiqmoq; 2) kalishini to‘g‘rilamoq; 3) ko‘ngliga o‘tirmoq; 4) dumini bosmoq.

A) 3.4

B) 2,3,4

C) 1,2,4

D) 1,2,3

O'rtacha ball 0%

0%

Ona tili va adabiyot attestatsiya №2

Author: InfoMaster

Ona tili va adabiyot attestatsiya №1

Ingliz tili attestatsiya №1

Ona tili va adaviyot fanidan attestatsiya savollari №14

Ona tili va adabiyot attestatsiya №13

On tili va adabiyot attestatsiya №12

On tili va adabiyot attestatsiya №11

Javob qoldiring

Elementlarni Solishtiring