Ona tili va adabiyot attestatsiya №2

Ona tili va adabiyot fanidan attestatsiya savollari №2

1 / 40

Ishlab chiqarilayotgan mahsulot turlarini ko‘paytirish, kengaytirish ma`nosinida qo`llanadigan so`z qaysi qatorda berilgan?

A) strategiya

B) diversifikatsiya

C) brifing

D) modernizatsiya

2 / 40

Umri… mazmuni… millat… dardi… darmon bo’lish… iborat deb bilgan Amir Temur xalqimiz… ardoqli, ulug’ farzandidir. Ushbu gapda nechta so’zdagi nuqtalar o’rniga qaratqich kelishigi qo’shimchasini qo’llash lozim?

A) 5 ta

B) 3 ta

C) 4 ta

D) 2 ta

3 / 40

“Suv qalqisa loyqasi yuqoriga chiqqanday, zamon qalqigandan buyon yomon ko’paydi”. Ushbu misralar qaysi asardan olinganligini aniqlang.

A) Urushning so’nggi qurboni

B) Shum bola

C) Muzqaymoq

D) Bemor

4 / 40

Ilon kabi buralib daryo shu yerga kelganda, ikkiga ajralgan, uch chaqirimdan so`ng yana birlashardi.
Berigan gapda qaysi turkumlar qatnashgan?

A) ot, ko`makchi, fe`l, ot, olmosh, ot, fe`l, son, fe`l, son ot, ravish, ravish, fe`l

B) ot, ko`makchi, fe`l, ot, ravish, fe`l, son, fe`l, son, ko`makchi, ravish, fe`l

C) ot, ko`makchi, fe`l, ot, ravish, fe`l, son, fe`l, son, ot, ko`makchi, ravish, fe`l

D) ot, ko`makchi, ravish, ot, ravish, fe`l, son, fe`l, son ot, ravish, ravish, fe`l

5 / 40

Qaysi javobda olmosh ega vazifasini bajarmagan?

A) Seni odobli bo'lganing uchun hamma hurmat qiladi.

B) Boyning tashqarisida Yo'lchidan boshqa hech kim yo‘q.

C) Mayli-da kimgadir yoqsa, yoqmasa, ularga qo`shilib yig`lasharmidik.

D) Bu – siz uchun katta sinov.

6 / 40

Qaysi javobda keltirilgan gapda tarkibida faqat til oldi undoshlari bo’lgan qo’shma sifat mavjud?

A) Qo’shiqning diltortar navolari hammani o’ziga rom qildi.

B) Milliy mafkuramizda milliylik umumbashariy g’oyalar bilan uyg’unlashib ketgan.

C) Orzu millatga hayotbaxsh ruh bag’ishlaydi.

D) U juda shirinsuxan odam ekan.

7 / 40

Quyidagi gapda mustaqil so`zlar miqdorini aniqlang?
G`amgin qoyalar qilib qo`ygan gunohidan o`zi qo`rqib ketganday ingrab yubordi.

A) 6 ta

B) 8 ta

C) 9 ta

D) 7 ta

8 / 40

Fuzuliyning “Dahr bir bozordir – har kas mato’in arz edar” baytini aytgan oddiy qorovul tohir aka obrazi qaysi asarda uchraydi?

A) “Mehrobdan chayon”

B) “O’tkan kunlar”

C) “Yulduzli tunlar”

D) “Kecha va kunduz”

9 / 40

Qaysi qatorda Mirtemir ijodiga mansub tarjimalar berilgan?

Pushkinning"Yevgeniy Onegin" she'riy romani;
Lermontovning "Maskarad" asarini
"Manas" qirg'iz xalq eposini;
"Qirq qiz" qoraqalpoq xalq dostoni;
"Sosunli Dovud" arman xalqeposi.

A) l, 2

B) l, 2, 3

C) 3, 4

D) 4, 5

10 / 40

Asarlarni janri bilan moslashtiring?
1)“Ikki muhabbat”; 2) “Ilk muhabbat”; 3) “Chin muhabbat”;
a)hikoyalar to`plami; b)pyesa; c)she`riy to`plam

A) 1-b, 2-c, 3-a

B) 1-a, 2-b, 3-c

C) 1-a, 2-c, 3-b

D) 1-b, 2-a, 3-c

11 / 40

“Odina qanday o‘qiyapti?” – deb so‘radi onasi. Berilgan gapni o‘zlashtirma gapga aylantirganda onasi so‘zi qanday o‘zgarishga uchraydi?

A) Vositasiz to‘ldiruvchi bo‘lib qoladi.

B) Qaratqich aniqlovchi tusini oladi.

C) Egaligicha qoladi.

D) Chiqish kelishigidagi to‘ldiruvchiga aylanadi.

12 / 40

"O'quvchilar sanoq sistemasini o'rganishardi, gohida sanog'idan adashgan bolalar jahl bila ruchkani partaga urardilar." Ushbu gapda nechta fonetik o'zgarish mavjud?

A) 6ta

B) 7ta

C) 5ta

D) 8ta

13 / 40

-(a)r qo’shimchasi bilan fe’lning xoslangan shakllaridan qaysi biri hosil qilinadi?

A) harakat nomi

B) sof fe’l

C) ravishdosh

D) sifatdosh

14 / 40

Qaysi qatorda asosidan -iy, -an, -ot qo‘shimchalari orqali yangi so‘z yasash mumkin bo‘lgan so‘z qo‘llangan?

A) Nimaga asoslanib bunday deganini sira tushuna olmayapman.

B) Ijodkor yoshlarga adib bilan bo‘lgan suhbat yoqmagan ko‘rinadi.

C) Qonunchilikda bu kabi holatlar nazarda tutilmagan emish.

D) Shaxmatni boshlagandan keyin xayolparastlik odati yo‘qola bordi.

15 / 40

Baland bolaxonali uy. Ushbu jumlada qanday holatda uyning balandligi anglashiladi?

A) Ma’noli gap bo’laklarining kengayishidan

B) So’zlar orasida to’xtalish bo’lsa

C) Baland so’zidan so’ng to’xtalish bo’lsa

D) Bolaxona so’zidan so’ng to’xtalish bo’lsa

16 / 40

Qaysi gapda 2 o‘rinda imloviy xatolikka yo‘l qo‘yilgan?

A) Ona tilimiz orqali biz o‘z fikrimizni shakllantiramiz,o‘ylaymiz, mushohada yurutamiz.

B) Do‘stim, ko‘rmayapsan-da, oy botib, yulduzlar birin-ketin so‘nib borayapti.

C) Odam onadan tug‘ilib-oq ma’naviyatli, ma’rifatli bo‘lib qolmasligini yaxshi tushinasiz.

D) Unutmangki, tanbal, bezori, sharobxo‘r, fosiq kishi manaviy nogiron degan so‘zdir.

17 / 40

Qaysi birliklar so‘z birikmasi deb ham, frazeologik ibora deb ham qaralishi mumkin? 1) ustidan chiqmoq; 2) kalishini to‘g‘rilamoq; 3) ko‘ngliga o‘tirmoq; 4) dumini bosmoq.

A) 3.4

B) 1,2,3

C) 2,3,4

D) 1,2,4

18 / 40

Qaysi qatorda berilgan so‘zlarning ma’nolarini farqlovchi undoshlar jarangli yoki jarangsizligiga ko‘ra ham, til qismlarining harakatiga ko‘ra ham o‘zaro farqlanadi?

A) chiroq – yiroq

B) boshlamoq – boplamoq

C) sanoq – sadoq

D) xilof – g‘ilof

19 / 40

Qaysi gapda // belgisi o‘rnida ikki nuqta bo‘lishi kerak?

A) Ruboiyni ichida o‘qidi // yuzini tabassum qopladi.

B) G‘animlar duch kelar // jang bo‘lar puxta.

C) Qamchibek boshqacharoq edi // ichidan o‘tayotganini yuzaga bilintirmasdi.

D) Endi bildimki // unga tushuntirishning foydasi yo‘q ekan.

20 / 40

"Bu ko'ylak sal qizilroq ekan." Ushbu gapda sifatning qaysi darajasi qatnashgan? Qaysi yo'l bilan hosil qilingan?

A) ozaytirma daraja; morfologik yo'l bilan.

B) ozaytirma daraja; leksik-morfologik yo'l bilan.

C) orttirma daraja; leksik-morfologik yo'l bilan.

D) orttirma daraja; morfologik yo'l bilan.

21 / 40

Ham qaratqich aniqlovchini, ham sifatlovchi aniqlovchini tobelantirgan ega ishtirok etgan javobni aniqlang.

A) Ularning turfa xil odatlari bor, Avval ganjlarini ko‘mgay tuproqqa.

B) Yelkamizga oftobning tegganligi rost bo‘lsin...

C) Kunduzning g‘aroyib chog‘idir oqshom, Saodat birla u nurafshon bo‘lsin.

D) Dildoraning shohi ko'ylagini hamma yoqtirdi.

22 / 40

Imloviy jihatdan xato yozilgan so'zni toping

A) Taxsin, tanbex, extirom

B) Xijolat, hijjalamoq, exson

C) Hasad, hasharot, hilqat

D) Hayol, hayot, harbiy

23 / 40

Ergash gap qismida qo‘shimcha qo‘shilishi ta’sirida tovush tushishi yuz bergan va shunday yozilgan so‘z qatnashgan to‘ldiruvchi ergash gapli qo‘shma gapni toping.

A) Hulkar ularni tanirdi, shuning uchun ularga yordamlashdi.

B) Shuni bilki, qiynalib erishgan narsalaringning qadri baland bo‘ladi.

C) Hayotingda kim uchundir foydali inson bo‘lsang, mana shu sening eng katta yutug‘ingdir.

D) Shunisi ma’lumki, mening kasb tanlashimga otam sababchi bo‘lgan.

24 / 40

Gumon olmoshlarini hosil qiluvchi so’zlar qatorini toping.

A) Hech kim, hech narsa

B) Ammo, lekin, biroq, va

C) Ba’zi bir, qaysi bir, bir narsa

D) Go'yo, hatto, ba’zan

25 / 40

Qaysi gapda ikki o‘rinda vazifadosh bog‘lovchi ishtirok etgan?

A) Kumushbibi endi o‘n yettini qo‘yib, o‘n sakkizga qadam bosganida, bo‘yi ham onasiga yetayozgan edi.

B) Mol ham davlatingiz bilan emas, balki ilm-hunaringiz, go‘zal xulq-atvoringiz bilan faxrlaning.

C) Aql va farosat quyoshga o‘xshaydi,beparvolik tufayli tushish mumkin bo‘lgan dog‘larga o‘rin qolmaydi

D) Siz bilan bunday natijaga erishishimiz uchun tun-u kun mehnat qilishimiz lozim.

26 / 40

Quyidagi gapda nechta yasama so'z mavjud? O‘zni dono bilgan u uch-to‘rt nodon Eshak tabiatin qilur namoyon. Bular suhbatida sen ham eshak bo‘l, Bo‘lmasa "kofir" deb qilishar e’lon

A) 3ta

B) 4ta

C) 5ta

D) 2ta

27 / 40

Vatanning baxti, porloq istiqloli, yorqin kelajagi uchun yashash, kerak bo'lganda jon fido etish shu zaminda yashayotgan har bir inson uchun ham farz, ham qarzdir. Parchada qanday fonetik o'zgarishlar ro'y bergan?

A) tovush almashishi va orttirilishi

B) tovush almashishi

C) tovush tushishi

D) tovush tushishi va tovush almashishi

28 / 40

Qaysi gapdagi modal so‘z fikrga ishonch munosabatini bildiradi?

A) Siz, shubhasiz, bu testni yecha olasiz.

B) Sizni ham tinch qo‘yishmayapti, chog‘i.

C) Darhaqiqat, to‘y to‘ydek bo‘lsin.

D) Aytishlaricha, uchta davlatda biznesi bor ekan.

29 / 40

Bazm uyushtirilibdi. Fe’l nisbatini aniqlang.

A) orttirma nisbat

B) o‘zlik nisbat

C) majhul nisbat

D) birgalik nisbat

30 / 40

Qaysi javobda // belgisi o'rnida tireni qo'yib bo'lmaydi?

A) A'lo o'qish // bizning va sizning asosiy hamda sharafli vazifamiz

B) Uylar, devorlar, daraxtlar// hammasi qorong'ilikka jimgina cho'kdi

C) Aziz kitobxon // hali katta oilaning qissalari tugamadi

D) O'rinsiz g'azab// o'zingga azob

31 / 40

Olmoshlar asosida yasalgan sifatlar berilgan javobni aniqlang.

A) o‘zboshimcha, o'zbilarmon

B) o‘shanday, shunaqa

C) manmanlik, o‘zboshimcha

D) har xil, shunchaki

32 / 40

Kesimi faqat til undoshlaridan tashkil topgan yasama so‘z bilan ifodalangan gapni aniqlang.

A) C)Tarixni anglash orqali insonda hayotni anglash qobiliyati shakllanadi.

B) B)Oshkora yomonlikka nisbatan yasama ezgulikdan inson ko‘proq nafratlanadi.

C) D)Do‘stlikka yaramaydigan shaxsning eng yaramasi − chaqimchi.

D) A)Hasad va baxillik nafratdan ham murosasizroqdir.

33 / 40

Bog’lovchisiz qo’shma gaplarni tashkil etgan sodda gaplar orasida tire qanday mazmun ifodalash uchun qo’yilmaydi?

A) Payt mazmuni

B) Izohlash mazmuni

C) Zidlash mazmuni

D) Qiyoslash mazmuni

34 / 40

Qaysi gapda imloviy xatolik mavjud emas?

A) Vaholanki, til davlat miqyosida keng qo'llansagina, milliy til bo'lib qoladi va ravnaq topadi

B) Orada qancha zamonlar o'tdi, uning nomini faxr bilan tilga olayapmiz

C) Ular bilan xozir, o'smirlik chog'idayoq, qudratli qanot paydo qilayotibdi

D) Manzilga yetkach, sen bilan alohida gaplashaman

35 / 40

Qaysi gapda to‘ldiruvchi vazifasidagi so‘zda paronim bilan bog‘liq xatolik bor?

A) Ishning suratini oshirishimiz, kuniga yuz tup olma ko‘chatini o‘tkazishimiz kerak.

B) Uzuk va zirak, tillaqosh va zebigardonlardan quti-quti yig‘gan edi.

C) Yomon yo‘ldosh yov bo‘lar, ravon yo‘lda g‘ov bo‘lar.

D) Kimki birovga choh qazisa, unga o‘zi yiqiladi.

36 / 40

Shu sevinch ikkovlariga ham kuch-g‘ayrat, ham dadillik baxsh etardi. Mazkur gapda qatnashgan mavhum otlar haqidagi qaysi ma’lumot to‘g‘ri emas?

A) Gapdagi yasama mavhum otlar har xil turkumga oid so‘zdan yasalgan.

B) Gapdagi mavhum otlar ikki xil gap bo‘lagi vazifasida kelgan.

C) Gapdagi mavhum otlar otlarning tuzilishiga ko‘ra ikki turiga oiddir.

D) Gapdagi barcha mavhum otlar hokim qismga bitishuv usulida birikkan.

37 / 40

Qaysi qatordagi so'zlarda tutuq belgisi unlini undoshdan ajratib talaffuz etilishini ifodalaydi?

A) qat'iy, jur'at

B) mo'jiza, mo'tadil

C) shu'la, ba'zan

D) Is'hoq, as'hob

38 / 40

Qaysi qatorda olmosh gap o‘rnida kelgan?

A) Shuni bilingki, urush qurbonsiz bo‘lmaydi

B) Homid toshni o'n marta ko’tardi, men ham shuncha ko'tarishni orzu qilaman.

C) Toshkent qadimiy va navqiron shahar, u yerda hashamatli binolar qad rostlamoqda.

D) Maftuna guruhimizdagi eng a’lochi qiz,

39 / 40

Qaysi qatorda so’zlar alifbo tartibida berilgan?

A) Sabr, niyat, oqil, ro’mol

B) Belbog’, dehqon, fikr, kishi

C) Ulug’, cho’pon, el, botir

D) G’isht, hayo, kasr, o’zbek

40 / 40

Quyida berilgan gapda nechta yasama so'z bor? Oybek domla nihoyatda tiyraklik bilan, ko'pchilik nomdor insonlarda juda kam uchraydigan samimiyat va bolalarcha beg'uborlik bilan opaning gaplarini tasdiqladi.

A) 7 ta

B) 6 ta

C) 5 ta

D) 8 ta

O'rtacha ball 0%

0%

Ona tili va adabiyot attestatsiya №2

Author: InfoMaster

Ona tili va adabiyot attestatsiya №1

Ingliz tili attestatsiya №1

Ona tili va adaviyot fanidan attestatsiya savollari №14

Ona tili va adabiyot attestatsiya №13

On tili va adabiyot attestatsiya №12

On tili va adabiyot attestatsiya №11

Javob qoldiring

Elementlarni Solishtiring