Barcha fanlardan online testlar

Tarix olimpiada Viloyat 2021-2022 o'quv yili

9-sinf Tarix olimpiada №3

InfoMaster

Avgust 19, 2024

259 Ko'rishlar 1 izoh

SaqlashSaqlanganOlib tashlandi 0

Tomonidan yaratilgan InfoMaster

9-sinf Tarix olimpiada №3

2021-2022 o'quv yilida viloyat bosqichida tushgan savollar.

1 / 25

1. Qaysi tarixchi o‘z qaydnomalarida Amir Temur qo‘shinlarida ayollardan iborat bo‘linmalar bo‘lganligini yozib qoldirgan?

A) Ibn Xaldun

B) Ibn Battuta

C) Ibn Arabshoh

D) Abu Bakr Kalaviy

2 / 25

2. Yassaviy tariqatining asosida qanday g`oya ilgari suriladi?

A) kamolotga uzlat va tarkidunyochilik orqali yetishish

B) mehnatsevarlik, odillik, bilimdonlik,

C) dunyo rohati va farog`atidan voz kechmay, uzlatda toat va ibodat yo`lida zahmat chekish

D) bu dunyo noz-ne`matlaridan bahramand bo`lishning joizligi

3 / 25

3. Quyidagi qaysi omil ashtarxoniylar davrida markaziy hokimiyatni deyarli yo‘qqa chiqardi?

A) Ashtarxoniylar davrida devonlar tizimi deyarli barbod bo‘lishi

B) devonlar mahalliy hokimliklarni boshqarish imkoniyatini qo‘ldan chiqarishi

C) viloyatlarda butun hokimiyat viloyat hokimlari va ularni qo‘llab- quvvatlovchi mahalliy kuchlar qo‘lida to‘planishi

D) Markazda butun hokimiyat dargohda to‘planib qolishi

4 / 25

4. Qadimgi yunonlar orasida dengizchilik rivoj topishiga imkon yaratgan omillarni aniqlang.

A) Egey dengizidagi ko‘p sonli katta-kichik orollar, qulay dengiz qirg‘oqlarining mavjudligi.

B) O‘rmonlarning kamligi va mamlakatning tog‘lar bilan o‘ralganligi;

C) Yelkanlardan foydalanib olis sayohatlarga – Misrga hamda O‘rtayer va Qora dengiz hududlariga suzib borishlari;

D) Qadimgi Yunonistonning Bolqon yarim oroli va O‘rta yer dengizi hududlarida joylashganligi;

5 / 25

5. Jaloliddin Manguberdi qaysi davlatlar bilan munosabatni yaxshi o‘rnatib, mo‘g‘ullarga qarshi ittifoq tuzadi?

A) Ko‘niya, Jazira, Eron

B) Tabariston, Damashq, Misr

C) Turkiya, Eron, Misr

D) Tatariston, Ozarbayjon, Gurjiston

6 / 25

6. Qaysi voqeadan so‘ng Jaloliddinning harbiy kuchi kuchsizlanib qoladi?

A) Sind daryosi bo‘yida bo‘lgan jangdan so‘ng

B) Parvon dashtidagi g‘alabadan so‘ng

C) “Cho‘li Jaloliy” da bo‘lgan jangdan so‘ng

D) Valiyon qal’asi yonida bo‘lgan jangdan so‘ng

7 / 25

7. Shayboniylar davriga oid xato berilgan ma’lumotni aniqlang.

A) Qo‘shin o‘sha davrda foydalanilgan harbiy qurol-yarog‘larning barcha turidan mohirona foydalana olgan.

B) Shayboniylar ham o‘z davriga yarasha qudratli qo‘shin tuzishga muvaffaq bo‘lganlar.

C) Qo‘shin tarkibiga ko‘ra, asosan, qalb, o‘ng va chap qanot askarlardan iborat edi.

D) Qo‘shin tuzilishi va uning harbiy yurishlari davridagi harakati tizimli va tartibli bo‘lgan.

8 / 25

8. Amir Temur qaysi xalqlar tarixini chuqur o‘rgangan?

A) fransuz, ingliz, nemis

B) turk, arab, fors

C) rus, arab, tojik

D) yapon, xitoy, koreys

9 / 25

9. Quyidagilardan noto‘g‘ri mulohazani aniqlang.

A) Abdullaxon II davrida qisqa muddatga bo‘lsa-da, xonlik hududi yana kengaydi.

B) Shayboniyxonning o‘limidan so‘ng Xorazm butunlay qo‘ldan chiqdi.

C) Muhammad Shayboniyxon tashkil etgan davlat hududining chegarasi har doim ham muqim bo‘lmagan.

D) Shayboniyxon hukmdorligi davrida uning davlati tarkibiga Movarounnahrdan tashqari Eron va Xuroson hududlari ham kirgan.

10 / 25

10. Ispan tarixchisi Pero Meksika tomonidan Amir Temur hayotiga bag‘ishlab yozilgan asarni ko‘rsating.

A) “Temur tuzuklari”

B) “Skifiyalik Tamerlanning ulug‘vorligi”

C) “Buyuk Temur tarixi”

D) “Amir Temur hikmatlari”

11 / 25

11. Qadimgi davrda yunon shaharlarining ko‘pchiligi qay tarzda tashkil topgan?

A) koloniyalarning o‘zlashtirilishi natijasida

B) koloniyalarning birlashtirilishi natijasida

C) uzoq davom etgan qonli urushlardan keyin

D) bir qancha manzilgohlarning birlashishi yo‘li bilan

12 / 25

12. O‘rta asrlarda Yevropada shaharlarning yuksalishi, hunarmandchilik va savdoning rivojlanishidan tashqari qaysi hududlar madaniyati bilan tanishuv yevropaliklar dunyoqarashi, bilim doirasini kengaytiradi?

A) O‘rta Osiyo va Hindiston

B) Rim va Vizantiya

C) Vizantiya va Arab xalifaligi

D) Yunonlar va Arab xalifaligi

13 / 25

13. Baqtriyadan tashqari Yunon-Baqtriya podsholigi tarkibiga yana qaysi oʻlkalar kirgan?

A) Xorazm va Margʻiyona

B) Soʻgʻd va Xorazm

C) Xorazm va Parfiya

D) Margʻiyona va Soʻgʻdiyona

14 / 25

14. XIV asrda Chig‘atoy xonlaridan kim birinchi bo‘lib o‘z qarorgohini Movarounnahrga ko‘chirgan?

A) Abulxayrxon

B) Kebekxon

C) Tug‘luq Temur

D) Munke

15 / 25

15. Toshdan o‘ta oddiy mehnat qurollari yasashni bilgan eng qadimgi odamning suyak qoldiqlari topilgan hududni aniqlang?

A) shimoliy va sharqiy Afrika

B) janubiy va sharqiy Afrika

C) g‘arbiy va shimoiy Afrika

D) sharqiy va g‘arbiy Afrika

16 / 25

16. Quyidagi qaysi shahar savdodan kelgan daromad hisobiga Yevropaning eng boy shahriga aylanadi?

A) Venetsiya

B) Rim

C) Florensiya

D) London

17 / 25

17. XIX asrning so‘nggi choragida AQSh iqtisodiyotining tez sur’atlar bilan o‘sishiga sabab nima?

A) latifundiyalarning bekor qilinishi

B) XVIII asrdagi barqaror iqtisodiy o‘sish

C) AQShning dunyo imperiyasiga aylanishi

D) dunyoning turli burchaklarida ulkan mustamlakalarning qo‘lga kiritilishi

18 / 25

18. Florensiyada shahar hokimlari to‘plangan boyliklar hisobidan me’morchilik obidalarini bunyod ettirib, qaysi sohalarni yuksaltirganlar?

A) binokorlik va haykaltaroshlik

B) haykaltaroshlik va savdo-sotiq

C) savdo-sotiq, me’morchilik

D) haykaltaroshlik va rassomchilik

19 / 25

19. Qadimgi hindlarning diniy e’tiqodiga oid quyidagi fikrlardan qaysi birida xatolik mavjud?

A) Hindlar ayrim xudolarni yovvoyi hayvonlar timsolida tasavvur qilganlar

B) Quyosh xudosi osmondagi suvni tutqunlikdan xalos aylagach, yer yuzida qurg‘oqchilik tugadi

C) Buddaviylik dini oldingilaridan insonning mavqei tabaqalarga ham, jamiyatdagi maqomiga ham bog‘liq bo‘lmasligi bilan farqlanadi

D) Bosh xudolaridan biri-Ganesha donishmandlik xudosi bo‘lgan

20 / 25

20. Ajnabiylar Spartada qanday mavqega ega edi?

A) ular spartaliklarga qarindosh bo‘lishgan

B) ular mamlakat ishlarida ishtiroki uchun maosh to‘lashgan

C) ajnabiylar Spartaga kiritilmagan

D) ular aslida spartaliklar bo‘lishsada ulardan qul sifatida foydalanishgan

21 / 25

21. Qaysi voqealar Xorazmshohlar va Chingizxon davlatlari o‘rtasida savdo aloqalari hamda elchilik munosabatlari tamomila uzilganini bildirar edi?

A) Sharqiy Turkistonni Chingizxon tomonidan bosib olinishi

B) Chingizxon Sulton Muhammaddan karvonni talagan O‘tror hokimini tuttirib, uning ixtiyoriga jo‘natishni talab qilganligi

C) Chingizxonning Xorazmshohni o‘z og‘li sifatida tilga olishi

D) Chingizxon tomonidan jo‘natilgan karvonni talanishi va Chingizxon elchisini Xorazmshoh tomonidan o‘ldirilishi

22 / 25

22. XII asr o‘rtalarida Yevropa me’morchiligida gotika uslubi qayerda vujudga kelgan?

A) Shimoliy Fransiyada

B) Shimoliy Vizantiyada

C) Janubiy Vizantiyada

D) Janubiy Fransiyada

23 / 25

23. Shayboniylar davrida oliy hukmdor xon davlat hududlarini sulola xonadoni a’zolariga bo‘lib berishi qanday oqibatlarga olib keldi? 1) markaziy hokimiyatning zaiflashuviga; 2) markaziy hokimiyatning kuchayishiga; 3) viloyat hokimlari hokimiyati kuchayishiga; 4) viloyat hokimlari hokimiyati kuchsizlanishiga; 5) siyosiy tarqoqlikning hukm surishiga;

A) 1, 3, 5

B) 1, 3, 4

C) 1, 2, 3

D) 2, 3, 4

24 / 25

24. Oltin O‘rda xonligida tashqi siyosat masalalari bilan kimlar shug‘ullangan?

A) Bosqoq, vazir, no‘yon

B) Bosqoq, no‘yon, ulusbegi

C) Xon, xonning yaqin maslahatchilari, beklarbegi

D) Xon va ulusbegi, no‘yon

25 / 25

25. Eftaliylar davlatida qanday omil mamlakatda dehqonchilik, sun’iy sug‘orish, hunarmandchilik, bog‘dorchilik, chorvachilik ravnaq topishiga asos bo‘lgan?

A) Savdo-iqtisodiy munosabatlarning izchil yo‘lga qo‘yilishi

B) Mamlakatda qisman tinchlik o‘rnatilganligi

C) Hukmron sulola tomonidan amalga oshirilgan islohotlar natijasida

D) Qo‘shni davlatlar bilan manfaatli hamkorlik aloqalari