Ona tili va adabiyot attestatsiya №4

Ona tili va adabiyot fanidan attestatsiya savollari №4

1 / 40

Fuzuliyning “Dahr bir bozordir – har kas mato’in arz edar” baytini aytgan oddiy qorovul tohir aka obrazi qaysi asarda uchraydi?

A) “Kecha va kunduz”

B) “Mehrobdan chayon”

C) “Yulduzli tunlar”

D) “O’tkan kunlar”

2 / 40

Asarlarni janri bilan moslashtiring?
1)“Ikki muhabbat”; 2) “Ilk muhabbat”; 3) “Chin muhabbat”;
a)hikoyalar to`plami; b)pyesa; c)she`riy to`plam

A) 1-a, 2-b, 3-c

B) 1-a, 2-c, 3-b

C) 1-b, 2-c, 3-a

D) 1-b, 2-a, 3-c

3 / 40

Qaysi javobda quyidagi gap matn mazmuniga mos ravishda to’g’ri davom ettirilgan? Shoh Iskandar …

A) umrining so’nggida bu dunyoning o’tkinchi, bevafo ekanligini anglab yetibdi.

B) bitmas xazina, ko’p boylik o’z hayotining asosiy mazmuni ekanligini tushunibdi.

C) umrining so’nggida dunyoning ko’plab xalqlarini o’ziga tobe qilganidan g’ururlanibdi.

D) o’z xazinalari, boyliklari bilan birga ko’mishlarini vasiyat qilibdi

4 / 40

Navoiyning ”Haq taolo xoni in`omi-yu karami omi ” qit`asidagi ishonch, e`tiqod, ixlos, tushuncha, fikr, bilim ma`nolarini qaysi so`z ifodalaydi?

A) ro`za

B) gumroh

C) aqida

D) ro`ziy

5 / 40

Odil Yoqubov qalamiga mansub “Olma gullaganda” asarining janrini aniqlang.

A) hikoyalar to’plami

B) pyesa

C) qissa

D) roman

6 / 40

Ham qaratqich aniqlovchini, ham sifatlovchi aniqlovchini tobelantirgan ega ishtirok etgan javobni aniqlang.

A) Kunduzning g‘aroyib chog‘idir oqshom, Saodat birla u nurafshon bo‘lsin.

B) Yelkamizga oftobning tegganligi rost bo‘lsin...

C) Ularning turfa xil odatlari bor, Avval ganjlarini ko‘mgay tuproqqa.

D) Dildoraning shohi ko'ylagini hamma yoqtirdi.

7 / 40

Qaysi qatorda asosidan -iy, -an, -ot qo‘shimchalari orqali yangi so‘z yasash mumkin bo‘lgan so‘z qo‘llangan?

A) Qonunchilikda bu kabi holatlar nazarda tutilmagan emish.

B) Shaxmatni boshlagandan keyin xayolparastlik odati yo‘qola bordi.

C) Nimaga asoslanib bunday deganini sira tushuna olmayapman.

D) Ijodkor yoshlarga adib bilan bo‘lgan suhbat yoqmagan ko‘rinadi.

8 / 40

Qaysi qo‘shma gap tarkibidagi ikkala sodda gapda ham hol ishtirok etgan?

A) Kimki yaqiniga yaxshilik qilsa, dunyoda kam bo‘lmaydi.

B) Katta gapirmagin, chunki sendan zo‘rlar ham topilishi shubhasiz.

C) Agar shaharga yolg‘iz borsang, sendan qattiq xavotirlanamiz.

D) Shunday kuldiki, zal zirillab ketdi.

9 / 40

Qaysi gapda // belgisi o‘rnida ikki nuqta bo‘lishi kerak?

A) Ruboiyni ichida o‘qidi // yuzini tabassum qopladi.

B) G‘animlar duch kelar // jang bo‘lar puxta.

C) Endi bildimki // unga tushuntirishning foydasi yo‘q ekan.

D) Qamchibek boshqacharoq edi // ichidan o‘tayotganini yuzaga bilintirmasdi.

10 / 40

–choq, -cha, -jon, -xon, -loq qo’shimchalari qanday qo’shimchalar sanaladi?

A) Erkalash va kichrayti-rish qo’shimchalari

B) Predmetning sanog’ini bildiruv-chi qo’shimchalar

C) Tovush o’zgarturuv-chi qo’shimchalar

D) O’zak-negiz qo’shimchalari

11 / 40

Quyidagi qaysi asarda yoshligida adashib shakar deb tuz yeb qo`ygan, lekin katta bo`lganida tuz yeb, shakar yegandek jilmayib turishgan majbur bo`lgan obraz uchraydi?

A) G`afur G`ulom, “Shum bola”

B) O`tkir Hoshimov, “Ikki eshik orasi”

C) O`tkir Hoshimov, “Dunyoning ishlari”

D) Turob To`la, “Yetti zog`ora qissasi”

12 / 40

Menga qulluq qilma, Yurt tuprog‘in o‘p, Unga qullar emas, fidolar kerak. Uning senu mendek shoirlari ko‘p, Buyuk elga endi daholar kerak. Qaysi javobda ushbu misralar muallifining hayoti va ijodi haqida ma`lumot berilgan?

A) muallim oilasida dunyoga kelgan.

B) Dantening “Ilohiy komediya” asarini tarjima qilgan.

C) Uning ilk kitobi “Ona yer ” deb nomlangan.

D) Zamonaviy va tarixiy mavzularda drama yozgan.

13 / 40

G‘addor do‘st dushmandan yomon, Ne hiyla bilsa, ishlatar oson. Ostiga chizilgan so`zning paronim juftining sinonimi qaysi gapda qo`llangan?

A) Zuxra bugun testdan juda kam topdi.

B) Sevinch biroz o`ylanib turganidan so`ng, savolning mohiyatini tushundi.

C) Davlat bir-ikki yil ichidan ancha mablag` to`plab qo`ydi.

D) Dilrabo Dilnozaning nayrangiga ishondi.

14 / 40

Qaysi javobdagi qo`shma so`z arabcha + forscha so`zlaridan olingan?

A) achchiqosh

B) o`rinbisar

C) taklifnoma

D) qiltomoq

15 / 40

Quyidagi ijodkorlarning o`zbek adabiyotidagi yangiliklari bo`yicha javoblarni moslashtiring.

A) 1-b; 2-c; 3-a;

B) 1-c; 2-b; 3-a;

C) 1-b; 2-a; 3-c;

D) 1-c; 2-a; 3-b;

16 / 40

Saodat kampir uni chaqaloqligida xuddi shu supada beshikka belab tebratardi. Uch yoshga kirguncha shu supada bag`rida olib yotgandi. Bo`rixon do`mboqqina bola bo`lgandi. Uni yomon ko`zdan asrasin, deb kiyimlariga tumor-u ko`zmunchoqlar taqib qo`yardi. (“Qora ko`z majnun”) Ushbu gapda jami necha marta fonetik hodisa kuzatilgan?

A) 6 ta

B) 4 ta

C) 8 ta

D) 7 ta

17 / 40

“Ko`p o`tmay, bozorning odatdagi tashvishi, to`poloni boshlandi. Bolalarning qiy-chuvi, sigir-buzoqlarning ma`rashi bilan dallollarning “Bor baraka”si qo`shilib, yaqindagina osoyishtalik hukm surgan qaqroq daryoga bahor toshqinidek jon kirdi”.

Ushbu jumlalar qaysi asarda uchraydi?

A) “Me`mor”

B) “Ravshan”

C) “Qiyomat qarz”

D) “Yulduzli tunlar”

18 / 40

Qaysi gap tarkibida fe`l yasovchi qo`shimcha bilan omonim bo`la oladigan fe`llarning munosabat shakli qatnashmagan?

A) O`sha paytlar u Toshkentda yashardi.

B) Yaxshi gap bilan ilon inidan chiqar.

C) Uning sovuqdan lablari ko`karib ketgan.

D) Farovonlik istasang, baxtli bo`lganingda ham do`st-yor orttir.

19 / 40

“Me’mor” romanida “podsholarga yaqin yurmoq ajdarga yaqin yurmoqlikdan xavflidir”, - deb kim aytgan?

A) Zavrak

B) Nizomiddin

C) Zulfiqor

D) Najmiddin Buxoriy

20 / 40

Qaysi gapda yasama sifatning asosi faqat portlovchilardan iborat?

A) Qaynoqqina choy damlab keling.

B) Ishonchli manbalarga tayanib ish ko`rdik

C) Negadir yuzing so`lg`in, nima bo`ldi senga?

D) Osmon shunday tiniqki, qarab to`ymaysan.

21 / 40

1995-yil 24-avgustda qabul qilingan imlo qoidalari ko`ra qaysi qatorda narsaning biror maqsad, ish uchun mo’ljallanganligini bildiruvchi qo’shma ot berilmagan?

A) tokqaychi

B) qiymataxta

C) ko’zoynak

D) qizilishton

22 / 40

Muqimiy “Qoqondan Farg’onaga” qilgan sayohatida qaysi qishloqning odamlarini “charchashni bilmas yursalar, purzor ketmon ursalar, vaqti namozga kelsalar, masjid soriga lang ekan” deya ta’riflaydi?

A) Yayfan

B) Beshariq

C) Nursux

D) Rafqon

23 / 40

Mirmuhsinning quyidagi qaysi asarlarida zulm-u zo‘ravonlikga qarshi kurashgan shaxslarning o‘ziga xos obrazlari yaratilgan?

A) «Tungi chaqmoqlar», «Ilon o‘chi», «Chotqol yo‘lbarsi»

B) «Ziyod va Adiba», «Jamila», «Oq marmar»

C) «Oq marmar», «Cho‘ri», «Tungi chaqmoqlar»

D) «Jamila», «Me’mor», «Turon malikasi»

24 / 40

Adabiy nutqning sofligiga putur yetkazuvchi unsurlar qaysilar?

1)shevaga xos so`z, ibora, grammatik shakllar, urg`u va talaffuz; 2)o`rinsiz qo`llangan chet so`z va so`z birikmalari (varvarizmlar); 3)dag`al, haqorat so`z va iboralar (vulgarizmlar); 4)“ishlamaydigan” yoki parzit so`zlar; 5)idoraviy so`z va iboralar (kanselyarizmlar).

A) 2, 3, 4

B) 3, 4

C) 1, 2, 3, 4, 5

D) 1, 2, 3, 4

25 / 40

“Kamlikning kamoli bordir,

Manmanlikning zavoli bordir…”,

“O`zingdan kattani uchratsang pir bil,

O`zingni er bilsang, birovni sher bil…”

kabi hikmat darajasiga ko`tarilgan baytlar qaysi dostonda uchraydi?

A) “Alpomish”

B) “Rustamxon”

C) “Ravshan”

D) “Kuntug`mish”

26 / 40

Charchamang, ko‘zlarim, boqay to'yguncha,
Bu zavq daryosidan shimir, ey ko'ngil.

Ushbu parchada qatnashgan fe’llar haqidagi qaysi fikr to‘g‘ri emas?

A) Ushbu gapdagi kesim vazifasida kelgan fe’llar buyruq-istak maylida qo‘llangan.

B) Asosi o‘z shakldoshiga ega bo‘lgan ravishdosh qatnashgan.

C) Sifatdosh shaklidagi o‘timsiz fe’l qatnashgan.

D) Ushbu gapda hokim qismga bitishuv usulida tobelangan fe’l qatnashgan.

27 / 40

Qaysi qatordagi gapda olmosh shaxs oti o`rnida kelgan?

A) Bugun o`ntasini yozishga ulgurdim, ertaga ham shuncha yoza olsam, ishim o`ylaganimdan ko`ra tezroq yakunlanar ekan.

B) Men Azimdan qo`rqmayman, shunchaki uni hurmat qilaman.

C) Shuni bildimki, sensiz hech narsani uddalay olmas ekanman.

D) Ustozimiz juda mehribonlar, shuning uchun barchamiz ularni yaxshi ko`ramiz.

28 / 40

Berilgan misralarning qaysi birida tardi aks san`ati qo`llangan?

A) Ko`z yoshim tuproq ila gar qotila Kelmagayman javridin haqqo tila

B) Menga dushvor erur sensiz tirilmoq, Senga men bo`lmasam ey jon, ne g`amdur

C) Kuchum yetguncha ko`p qildim vafolar Vafoli qulni asrar podshohlar podshohlar

D) Zulfung cheriki jamol mulkin, Oldi ko`zing ittifoqi birla

29 / 40

1989–1998 yillarda xalqimiz istiqlolining ilk nishonalaridan biri – “Cho‘lpon” nashriyotida bosh muharrir, direktor bo‘lib ishlagan ijodkorning asari qaysi qatorda berilgan?

A) “Atrofimizdagi qiziqchilar”

B) “Sartarosh qo`shig`i”

C) “Tug`ishganlar qaytdi ”

D) “Tandir haqida ertak”

30 / 40

Tog’ning ko’rki tosh bilan, odamning ko’rki bosh bilan. Ushbu maqolda qaysi so’z turkumiga oid so’zlar ishtirok etgan?

A) ot, bog’lovchi

B) ot, sifat, ko’makchi

C) ot, ko’makchi

D) ot, sifat, bog’lovchi

31 / 40

N. Dumbadzening zamonaviy mavzudagi qaysi asarlarida insonlarning bir-biriga munosabatidagi odamiylik, oqibat singari fazilatlar ulug'langan?

A) «Oq bayroqlar», «Quyosh kechasi»

B) «Qishloq bolalari», “Abadiyat qonuni”

C) «Quyoshni ko‘ryapman», «Kukaracha»

D) «Men, buvim, Iliko va Illarion», «Abadiyat qonuni»

32 / 40

Haqiqatdan qo`rqqan odam yolg`onning panasiga berkinadi. Berilgan gap haqida qaysi fikr to`g`ri?

A) gap tarkibida otlashgan sifat qatnashgan

B) gapda o`zlik nisbatidagi fe`l qatnashgan

C) gap tarkibida barcha bo`laklar kesimga to`g`ridan to`g`ri (bevosita)bog`langan.

D) gap tarkibida otlashgan sifatdosh qatnashgan

33 / 40

“Kecha va kunduz” asarida domla – imom Ibrohim Xalilulloh to`g`risida kimdan dalil keltiradi?

A) Muqimiydan

B) Mashrabdan

C) So`fi Olloyordan

D) Yassaviydan

34 / 40

Saodat soatini soatsozga sozlatdi. Ushbu tez aytishdagi so`z yasovchi qo`shimchalar tarkibida nechta jarangli sirg`aluvchi undoshlar bor?

A) 1 ta

B) 3 ta

C) 2 ta

D) Bunday qo`shimcha mavjud emas

35 / 40

1. Bir kun mag‘rur tilshunos sohilda turgan qayiqqa minib narigi qirg`oqqa o‘tmoqchi bo‘ldi. Sohilda yo‘lovchi kutib turgan qayiqchilardan biriga yuzlandi. Qayiq yaqinlashdi. Olim qayiqqa o‘tirdi. Dengizni tomosha qilib ketayotgan olim qayiqchidan so‘radi:
− Sen hech nahv o‘qiganmisan?
− Yo‘q men johil bir qayiqchiman.
Olim:
− E voh, juda xafa bo‘ldim. Demak, yarim umring bexuda
o‘tibdi, − deya achinib qayiqchiga qaradi.

2. Shu vaqt dovul turdi. Keyin dengizning o‘rtasida chayqala boshladi, qayiqchi butun kuchi bilan xavfdan qutulish uchun harakat qildi. Bo‘ron borgan sayin kuchayar, qayiq esa cho‘kish arafasiga edi. Shu vaqt qo‘rquvdan dir-dir titrayotgan olimdan qayiqchi so‘radi:
− Ey, har narsani bilgan olim do‘stim. Suzishni bilasanmi?
Yo‘q javobini olgan qayiqchi:
− Voh, voh, sen umringni behuda sarflabsan.

3. Hozir butun umring ketdi. Chunki birozdan keyin qayig‘im cho‘kadi. Yaxshi bilginki: bu yerda hozir nahv (grammatika) emas, mahv ilmi lozim. Agar mahv ilmini bilsang, qo‘rqmasdan dengizga sakra, − dedi. (Jaloliddin Rumiy, “Masnaviy”)

Jaloliddin Rumiyning “Masnaviy”si asosida tayyorlangan ushbu matnni o‘qing va raqamlab ko‘rsatilgan bandlarida ro‘y bergan xatoliklar turi moslashtirib ko‘rsatilgan to‘g‘ri javobni belgilang.

a) imloviy xatolik; b) ishoraviy xatolik (punktuatsion); c) uslubiy xatolik (qo‘shimcha qo‘llash bilan bog‘liq xatolik).

A) 1-b, 2-a, 3-c

B) 1-b, 2-c, 3-a

C) 1-a, 2-c, 3-b

D) 1-c, 2-b, 3-a

36 / 40

Vazifasi jihatidan bir turga mansub bo’lgan qo`shimchalar ketma-ket qo’shilgan so’zni aniqlang.

A) isitkich

B) oqishroq

C) qizdirsa

D) ko`rsat

37 / 40

Quyidagi vazifadosh ko`makchilardan nechtasi ot turkumidan hosil bo`lgan?

Ost, tomon, oldin, yon, ust, orqa, so`ng, atab.

A) 2 tasi

B) 5 tasi

C) 4 tasi

D) 3 tasi

38 / 40

Shunda arilar bularning ahvolini ko`rib, bular ham bizga o`xshagan och qolganlardan ekan, deb qayoqqa ketishayotganini so`rabdi. (“Susambil”)

Ushbu gapda jami necha marta fonetik hodisa kuzatilgan?

A) 3 ta

B) 2 ta

C) 1 ta

D) 4 ta

39 / 40

Qaysi qatordagi gapda yordamchi so`z turkumlarining barcha turi ishtirok etgan?

A) Biroq xirmonga kelishim bilan bu shirin xayollarimdan asar ham qolmay, ko`nglim g`ash bo`ldi.

B) Agar birov xafa qilgan bo`lsa ayt, mana shu tayog`im bilan gardaniga bir tushiray.

C) O`sha kezlarda men shularning hammasini o`z ko`zim bilan ko`rib yurgan bo`lsam ham, ammo tub mohiyatiga uncha tushunib yetmagan edim.

D) Goh ko`chada, goh maktabda uni ko`rib turardim-u, hech yurak yutib gaplasholmasdim.

40 / 40

Qaysi so`zning asosi quyi keng unlilar va jarangli undoshlardan tashkil topgan?

A) qo`nim

B) noo`rin

C) qanotli

D) ma`nodosh

O'rtacha ball 0%

0%

Ona tili va adabiyot attestatsiya №4

Author: InfoMaster

Fizika attestatsiya №5

Ona tili va adabiyot attestatsiya №5

Ona tili va adaviyot fanidan attestatsiya savollari №14

Ona tili va adabiyot attestatsiya №13

On tili va adabiyot attestatsiya №12

On tili va adabiyot attestatsiya №11

Javob qoldiring

Elementlarni Solishtiring