11-sinf Kimyo olimpiada №2

1. Etilatsetat (CH₃COOC₂H₅) belgilangan kislorod tutuvchi suv (H₂¹⁸O) bilan gidrolizlansa, qanday mahsulotlar hosil bo‘ladi?

2. O‘ng tomondagi rasmlarda CH₃CH₂F → CH₂=CH₂ + HF reaksiya uchun tegishli ma’lumotlar keltirilgan: R – tegishli yadrolar orasidagi masofa, ∆R – yadrolar orasidagi masofaningboshlang‘ichga qaraganda qanchaga o‘zgarishini bildiradi. RHF, RCM va RCC masofalar vaqt o‘tishi bilan qanday o‘zgarishini (A, B, C, D) aniqlang.

3. 100^oC dagi Ba(NO₃)₂ ning 336 g to‘yingan eritmasi 25 ^oC gacha sovitilsa, necha gramm tuz kristallanadi? S(25⁰C)=10,5; S(100⁰C) =34,4)

4. KClning 20^oC dagi eruvchanlik koeffitsiyenti 34 ga teng. 350 g suvda 70 g KCl eritildi. Shu eritmani to‘yintirish uchun yana necha gramm KCl qo‘shish kerak?

5. Kaliy nitratning 30°C da to'yingan 150 g eritmasi 10 A tok bilan 71410 sekund davomida elektroliz qilinadi.  Agar kaliy nitrat  30°C  da  26%  tuz saqlasa, cho'kmaga tushgan tuz massasini (g) aniqlang.

6. 89,1 g ikki asosli karbon kislotaning kalsiyli tuzi pirolizga uchratilib olingan siklik keton qaytarilganda 37,8 g sikloalkan  olindi. Qanday sikloalkan olinganligini aniqlang .

7. Geksan molekulasida nechta sp³-gibrid orbitallar mavjud?

8. 100 ^oC dagi KBr ning 408 g to‘yingan eritmasi 25^oC gacha sovitilsa, necha gramm tuz kristallanadi? (S (25 ^oC)=66; S (100 ^oC)=104)

9. 124,65 kPa bosim, temperatura 77 °C ga teng bo‘lganda, 7 l metan tarkibidagi atomlar sonini toping.

10. Qaysi birikmalar suvda eritilganda kislotali muhit hosil bo‘ladi? 1) natriy peroksid; 2) alyuminiy nitrat; 3) magniy xlorid; 4) kaliy gidrid; 5) natriy gidrokarbonat; 6) rux sulfat.

11. SO₂ + NO₂ = SO₃ + NO reaksiyada SO₂ va NO₂ ning dastlabki  konsentratsiyasi 6 va 7 mol/litr bo‘lsa, SO₂ ning muvozanat konsentratsiyasini (mol/litr) hisoblang (Км=1).

12. Alizaringa xrom (III) gidroksid qo'shilsa, qanday rang hosil bo'ladi?

13. 5,2 g atsetilendan necha gramm akril kislota olish mumkin?

14. 2CO(g) + O₂(g) ↔ 2CO₂(g) ushbu reaksiya bo‘yicha kislorodning sarflanish tezligi 4 mol/litr∙min. 2 litrli idishda shu reaksiya olib borilganda, kislorodning konsentratsiyasi 7 mol/litrdan 2 mol/litrgacha kamaydi. Reaksiyaning sekundlardagi davomiyligini aniqlang.

15. Quyidagi reaksiyaning o‘ng tomonidagi moddalar koeffitsiyentlar yig‘indisi nechaga teng? As₂S₃ + HNO₃= H₃AsO₄ + SO₂ + NO₂ + H₂O

16. A+2B=C+D reaksiya bo‘yicha muvozanat qaror topgandan so‘ng moddalarning muvozanat konsentratsiyalari quyidagicha: [A]=0,4 mol/l, [B]=0,5 mol/l, [C]=0,25 mol/l, [D]=0,8 mol/l bo‘lsa, muvozanat konstantasini aniqlang.

17. Orbital kvant soni 2 ga teng bo‘lgan pog‘onachaga eng ko‘pi bilan nechta elektron sig‘adi .

18. HСl + О₂ = Сl₂ + Н₂О reaksiya hajmi 8 litr bo‘lgan idishda olib borildi. Kimyoviy muvozanat qaror topganda moddalar konsentratsiyalari [HCl]=0,7, [O₂]=0,6 va [Н₂О]=0,4 mol/l ni tashkil qildi. Boshlang’ich moddalar miqdorini (mol) aniqlang.

19. Qaysi birikmalar suvda eritilganda ishqoriy muhit hosil qiladi? 1) natriy; 2) natriy nitrat; 3) kaliy peroksid; 4) litiy xlorid; 5) kaliy sulfat; 6) natriy gidrokarbonat.

20. Qaysi birikmalar suvda eritilganda neytral muhit hosil bo‘ladi? 1) kaliy peroksid; 2) natriy nitrat; 3) kalsiy xlorid; 4) litiy sulfat; 5) natriy gidrokarbonat; 6) natriy gidrid.

21. Quyidagi birikmalardan ham kation, ham anion bo‘yicha gidrolizga uchraydiganlarini aniqlang. 1) natriy sulfat; 2) ammoniy atsetat; 3)litiy nitrat; 4) ammoniy karbonat; 5) kaliy xlorid.

22. 250 g 8,94% li KCl eritmasidan 3 A tok kuchi 9650 sekund davomida o‘tkazilganda hosil bo‘lgan eritmaning foiz konsentratsiyasini (%) toping.

23. Noma'lum to'yingan aldegidning 1 moli oksidlanishidan olingan karbon kislota massasi shu aldegidning 0,75 moli yonishidan hosil bo'lgan karbonat angidrid massasidan 1,1 marta kichik bo'lsa, aldegidni aniqlang.

24. 500 g 32% li CuSO₄ eritmasidan misni to‘liq ajratib olish uchun 5 A to‘k kuchini necha sekund davomida o‘tkazish kerak?

25. Mol nisbatlari 5:2 bo'lgan CD₄ va H₂O tarkibidagi neytronlar soni ayirmasi 8,5 ga teng bo'lsa,  aralashmaning mol yig'indisini toping.