7-sinf Jahon tarix №5

1. Angliya qirolligi Daniya qonunlari viloyatini qo‘shib olagan paytda sodir bo’lgan voqeani toping.

2. Dastlab vujudga kelgan Muqaddas Rim imperiyasi tarkibiga Germaniya hududidan tashqari yana qaysi hudud ham kirgan?

3. Qaysi arab xalifalari davrida Eronning katta qismini istilo qilingan(a), va Eron to‘liq bosib olingan(b).

4. Sharqiy slavyanlar iltimosiga ko`ra Rusga knyaz bo`lib kelgan vakillarni o’z hududlari bilan muvofiq berilgan javobni aniqlang. 1)Sineus 2) Truvor 3) Ryurik a)Novgorod b) Beloozoro c) Izborsk

5. Qanday omillar XIII asr oxiridan Yevropada ritsarlarga qirol qo'shinida xizmat qilish imkonini yaratadi. 1) qirol hokimiyatining kuchaya boshlashi; 2) Feodallar isyonlarining kuchayishi; 3) Yaqin Sharqqa salib yurishlari; 4) mamlakatni markazlashtirish siyosati;

6. Hunarmandchilikni dehqonchilikdan alohida sohaga aylantirgan omilni aniqlang.

7. O'rta asrlarda Yevropada shaharlarning paydo bo'lishi va yuksalishi turli mamlakatlarda turlicha bo'lgan. Quyidagi davlatlarda shaharlarning vujudga kelishi, rivojlanishi bir- biriga mos kelgan javoblarni aniqlang. a)Italiya va Janubiy Fransiya; b) Fransiya shimoli, Niderlandiya, Angliya, Germaniya; c) Vengriya, Boltiqbo'yi, Rus yerlari; 1)IX-X asrlar; 2) X-XI asrlar; 3) XII-XIII asrlar

8. “Yuz yillik urush” da nechanchi yildan so’ng yuz yillik urushning xususiyati o‘zgarib,ingliz qo‘shinlariga qarshi oddiy xalq ko‘tariladi.

9. «Jahon hayrati» va «yerdagi jonli qonun» deb e’tirof etilgan german imperatorlarini aniqlang.

10. XIV-XV asrlarda Germaniya shimolidagi shaharlarning yuksalishiga imkon bergan omilni ko'rsating.

11. O’rta asrlarda qurilishida toshlari bo‘lmagan qaysi davlatlarda saroylar, ibodatxonalar pishiq g‘ishtdan qurila boshlaydi.

12. O’rta asrlarda Fransiyada gotika uslubida qurilgan eng mashhur binolar joylashgan shaharlarni aniqlang. 1) Puate 2) Reyms 3) Arl 4) Ruan 5) Parij 6) Klyuni 7) Vorms

13. Usmonlilar davlati qaysi hududlarni o’z ichiga olgan. 1) Uzoq Sharq 2) qisman Kavkaz va Qrim 3) Yaqin Sharq 4) O’rta Osiyo 5) Sharqiy Yevropa 6) Shimoliy Afrika 7) Hindiston 8) Kichik Osiyo

14. Quyidagi o’rta asrlarda qurilgan mashhur binolar joylashgan shaharlar bilan to’g’ri muvofiqlashtirilgan javobni aniqlang. 1)Sevilya 2.Normandiya 3.Qohira 4.Parij 5.Konstantinopol 6.Venetsiya 7.Granada a. Al-Qasar qasri b.Hasan masjidi c.Xori monastiri d.Avliyo Mark ibodatxonasi e. d’E qal’asi f.Shartr ibodatxonasi g.Al-Hamro saroyi

15. Rus yerlari va Sharqiy Yevropa Xalqlarining mo‘g‘ullar zulmidan ozod etilishida hal qiluvchi omil nima bo‘lgan.

16. Lyubech shahrida knyazlarning birinchi syezdi kimlar o'rtasida bo'lib o'tgan?

17. Rivojlangan o’rta asrlarda cherkov va monastir binolari qanday haykallar bilan bezatilgan? 1) xudo 2) avliyolar 3) ruhoniylar 4) qirollar 5) qahramonlar 6) jangchilar

18. O’rta asrlarda yashagan quydagi shaxslardan qaysi birining hayoti qiyinchiliklar va xavf-xatarlar ichida, cherkov ta’qibida o‘tgan.

19. Novgorod knyazi Aleksandr Yaroslavich kimlarga qarshi jang olib boradi. 1) mo’g’ul 2) nemis 3) est va lit qabilalari 4) shved

20. 1136-yilda Novgorod shahari uzil-kesil feodal respublikaga aylangandan so’ng siyosiy hayotda asosiy o‘rin qaysi organlar qo’liga o’tadi. 1) xalq vechesi 2) qishloq oqsoqoli 3) shahar dumasi 4) ruhoniylar 5) yepiskop 6) shahar hokimi

21. Chingizxonning nabirasi Botuxon qaysi yillarda Sharqiy Yevropada istilochilik urushlari olib borgan.

22. Oltin O‘rda xonligini dastlabki poytaxti Saroy Botu qayerda joylashgan.

23. Moskva knyazi Dmitriy Ivanovich mo‘g‘ullarga qarshi kurashda dastlabki g‘alabaga erishgan(a), Oltin O‘rda tumanboshisi Mamay boshchiligidagi qo‘shin ustidan g‘alaba qozongan(b), To‘xtamishxon Moskva ustidan hukmronligini o‘rnatgan(c) yillar to’g’ri ko’rsatilgan javobni aniqlang.

24. G‘arbiy Yevropada qurilish sohasi ham taraqqiy eta boshlagan(a), va roman uslubida qurilgan Germaniyadagi Laax monastiridagi cherkov(b) nechanchi asrga oid.

25. Mahalliy knyazlar sulolalarini tugatib, ularning o‘rniga o‘g‘illarini noiblikka tayinlagan(a), va rus yerlarini o‘g‘illariga istaganicha bo‘lib berish huquqidan voz kechishga majbur bo‘lgan Rus knyazlarini aniqlang.

26. Usmon beyligi tashkil topgan hududni aniqlang.

27. Chingizxon rus yerlariga bostirib kirgandan so'ng, rus askarlarini qanday usulda tor-mor keltiradi.

28. Ilk gumanizm vakillaridan qaysi biri yuksak g’oyali, o’qimishli kishini tarbiyalashda ijtimoiy fanlarning o’ta muhim ekanligini ta’kidlagan edi?

29. Usmonlilar hukmdori O‘rxonning boshqaruviga oid ma’lumotlarni to’g’ri tartibda belgilang. 1) qo‘shinni piyoda va otliq qism («musallam»)larga bo‘lib,harbiy birliklarga aylantiradi. 2) tanga pul zarb qilingan 3) sulola asoschisi 4) davlat yerlari ma’muriy birliklarga bo‘linadi 5) ilk bor vazir lavozimi ta’sis etiladi 6) janglarda o‘zining tezkor g‘alabalari bilan shuhrat qozongan 7) harbiy islohot o‘tkazadi

30. O`rta asr Universitetlarida tahsil oluvchi talaba qanday atalgan?

31. Botuxon nima uchun Yaroslavni «knyazlar oqsoqolligi»ga tayinlab, unga Vladimir knyazligini boshqarish yorlig‘ini beradi.

32. Faqat Rusninggina emas, Yevropaning ham yirik hunarmandchilik va savdo markaziga aylangan shahar to’g’ri ko’rsatilgan javob variantini aniqlang.

33. Kitob ishlab chiqarishni yanada qulaylashtirgan(a), va kitobni ommaviy tarqalishiga olib kelgan(b), va kitoblarni arzonlasha boshlashiga(c) sabab bo’lgan voqealarni aniqlang.

34. Me’morchilikning qaysi uslubida cherkov derazalari orasida rasmlar chizish uchun joy ham bo‘lgan.

35. Qaysi hukmdor davrida Usmonlilar Qora dengiz sohiliga chiqadi.

36. Qachondan boshlab kitoblarni shaharlarda maxsus ochilgan ustaxonalarda hunarmandlar tayyorlay boshlaydi?

37. Usmonlilar qo‘shiniga boshqa qabilalardan ham jangchilarning kelib qo‘shilishini ta’minlagan omilni aniqlang.

38. Me’morchilikning Gotika uslubi XII asr o‘rtalarida qayerda yuzaga kelgan.

39. Rus yerlarining birlashishiga yordam bergan omillarni aniqlang. 1)turli viloyatlar orasidagi aloqalarning kuchayishi 2)o‘zaro qonli urushlarga chek qo’yilishi 3)hunarmandchilik va savdo-sotiqning jonlanishi 4)iqtisodiy va madaniy yuksalish 5)qishloq xo‘jaligidagi siljishlar 6)tashqi dushmanlarga, jumladan, Oltin O‘rda xonlariga qarshi kurash

40. Nimalarni rivojlanishi bilan o’rta asrlarda odamlarda dunyoni ko‘rish imkoniyati tug‘iladi.