9-sinf Tarix olimpiada №6

Quyidagilardan Shan davlati bilan bog‘liq bo‘lgan ma’lumotlarni aniqlang. 1)Xitoy hududidagi ilk davlat bo‘lib, Xuanxe daryosining o‘rta oqimida paydo bo‘lgan; 2)Davlat nomi uning bosh shahri nomidan kelib chiqqan; 3)Davlat yerlari ulkanligi bois hukmdorlari uni “Osmon ostidagi podsholik”, o‘zlarini esa “Osmon o‘g‘illari” deb atagan; 4)Miloddan avvalgi 2-ming yillikda Xitoy hududida mavjud bo‘lgan; 5)Chjou qabilasi tomonidan tugatilgan.

Angliyada 1643-yilning oxiriga kelib, mamlakat hududining qancha qismi qirol hukmronligi ostida edi?

Yapon syogunlaridan qaysi biri yerni sotish, sotib olish yoki garovga qo‘yishni taqiqlovchi qonun chiqargan?

Koreyaga xitoy yozuvlari va iyerogliflari hamda buddizm ushbu davlat orqali kirib kelgan. Bu davlat III-IV asrlarda Koreya yarim orolining janubida tashkil topadi. Mamlakatdan chiqqan olimlardan biri Yaponiya taxt vorisini o‘qitadi. Ma’lumotda qaysi davlat haqida aytilmoqda?

Suriyadagi shamol tegirmonlariga o‘xshash tegirmonlar qachondan boshlab Yevropada ham qurila boshlanadi?

Olimlar qadimgi yozuvlarni bir necha turlarga bo‘lganlar. Ularning dastlabkisi qanday atalgan?

Birinchi jahon urushiga 1917-yil qo‘shilgan va qarz berish evaziga katta boylik orttirgan davlatni aniqlang.

Quyidagi tarixiy voqealar (ma’lumotlar) to‘g‘ri xronologik ketma-ketlikda ko‘rsatilgan javobni toping? 1)Napaleon Muqaddas Yelena orolida surgunda halok bo‘ldi; 2)Hindistonda sipohiylar qo‘zg‘oloni bostirildi; 3)Afg‘on amiri Do‘stmuhammadxon vafot etdi; 4)Efiopiyada Kassa hokimiyati ag‘darildi; 5)Germaniyada 30 yillik urush tugadi; 6)Daniel Defo vafot etdi; 8)Afgʻoniston amiri Doʻst Muhammadxon Buyuk Britaniya bilan afgʻon-ingliz harbiy bitimini imzoladi;

“Avesto”da yovuz kuchlar ziyon yetkazmasligi uchun nimaga da’vat etilgan?

Quyidagi tarixiy voqealar (ma’lumotlar) to‘g‘ri xronologik ketma-ketlikda ko‘rsatilgan javobni toping. 1)Xettlar davlati vujudga keldi; 2)Old Osiyoda ilk davlatlar vujudga keldi; 3)Urartu gullab-yashnagan; 4)Misrda so‘nggi podsholik vujudga keldi; 5)Ahamoniylar davlati tuzildi; 6)Hindistonda Moxenjadoro shahri vujudga keldi

Kimning maqsadi inson tabiatini beparvo kuzatish emas, odamlarga sidqidildan achinish, ularga insoniylikni saqlab qolishda ko‘maklashish, yovvoyilashib ketishdan ogohlantirish edi?

806-yilda arab lashkarboshchisi Rofe ibn Lays boshchiligida xalifalikka qarshi yana qo‘zg‘olon ko‘tariladi. Qo‘zg‘olon Movarounnahr viloyatlariga tarqalgan. Quyida keltirilganlardan ushbu gapda qayd etilgan viloyatlarni aniqlang.1)Miyonqol; 2) Samarqand; 3) Shosh; 4) Farg‘ona; 5)Buxoro; 6) Naxshab; 7) Xorazm; 8) Shahrisabz; 9) Urgut.

Turkiy xalqlarning xislatlari haqida bitilgan “Manoqib al-atroq” asarida qaysi xalq hunarmandchilikda ustun bo‘lgan?

Mashhur fizik va kimyogar olimlardan Andre-Mari Amper qaysi davlat fuqarosi edi?

Lotin Amerikasi xalqlarining milliy-ozodlik kurashi namoyondalaridan qaysi biri qishloq ruhoniysi bo‘lgan?

Quyidagi rivoyat qaysi davlatga oid ekanligini aniqlang. Quyosh ma’budi har tongda oltin aravada osmon bo‘ylab yo‘lga tushadi. Quyosh tungi zulmatni parokanda qilib tashlab, odamlarga harorat va yorug‘lik ulashish niyatida ufqdan bosh ko‘taradi.

Polsha davlatiga qachon asos solingan?

O‘rta asrlarda Hindistonda Xarsha tomonidan qaysi shahar madaniy markazga aylantiriladi?

Fransiyada Burbonlar sulolasi hokimiyatini tiklashga harakat qilgan ittifoqchi davlatlarni toping.

Baqtriyada yunon yozuvi, yunon og‘irlik o‘lchov birliklari, pul munosabatlari, hunarmandchilik va san’at buyumlari tarqaldi. O‘z navbatida yunonlar ham Baqtriyaning qanday an’analarini o‘zlashtirdilar?

Patriarxat davri boshlangan davrga taalluqli kashfiyotni aniqlang.

Kichik Osiyoda XI asr oxiridan o‘g‘uz turklari bilan turklashgan qaysi xalqlarning qoʻshilishidan turk millati shakllana boshlaydi?

Qachon misrliklar mo‘g‘ullar qo‘shini ustidan g‘alaba qozonib, ularning Yaqin Sharq va Afrikaga yurishlarini to‘xtatib qoladilar?

Qaysi javobda quyidagi voqealarni xronologik vaqti to‘g‘ri berilgan? 1)Urartu davlati gullab-yashnadi; 2)Finikiyada alifbo yaratildi; 3)Hindistonda Magadha, Koshalla, Malla kabi davlatlar tashkil topdi; 4)Chjouda markaziy hokimiyat zaiflashdi. a)mil.avv. VIII-VII asr; b) mil.avv. X asr; c) mil.avv. VII-VI asrlar; d) mil.avv. IX-VIII asrlar

O‘rta asrlarda Buyuk Ipak yo‘li chorrahasida joylashgan O‘rto Osiyo shaharlari tranzit savdo markazlari edi. Chet ellik savdogarlar qayerning qog‘oz va gazlamalarini yuqori baholaganlar?

Braziliya qaysi Yevropa davlatining mustamlakasi bo‘lgan?

Qaysi davrga kelib insonlar hayotida o‘zlashrituvchi xo‘jalikdan ishlab chiqaruvchi xo‘jalik – chorvachilik va dehqonchilikka o‘ta boshladi?

Qaysi Boburiy hukmdor davrida mamlakatda Mirzo Ulug‘bek tizimiga asoslangan yagona taqvim joriy qilingan?

Yunon-Baqtriya davlatining kuchsizlanishi qaysi tarixiy jarayon ortida yuz bergan?

Buyuk ipak yo‘lining tashkil topishi Xitoyning qaysi sulolasi davriga to‘g‘ri keladi?