6-sinf AHA Matematika online 3-CHSB 2-variant

1. Ikki avtomobil A shahardan B shaharga yo‘l oldi. Birinchi avtomobil 50 km/h tezlik bilan harakatlanib, 12 soatda yetib bordi. Ikkinchi avtomobilning tezligi 75 km/h. Ikkinchi avtomobil B shahriga necha soatda yetib borgan?

2. Kuboid shaklidagi idishning bo‘yi 50 cm, eni esa 40 cm. Avvaliga u suv bilan to‘la edi. Idish tagidagi jo‘mrak ochilib, suv minutiga 10 litrdan oqib chiqa boshladi. Agar idishdagi suv 15 minutda to‘liq chiqib ketgan bo‘lsa, idishning balandligini toping.

3. Rasmda kvadrat va uning ichiga chizilgan ikkita bir xil chorak doira va bitta yarim doira tasvirlangan.

Agar yarim doira radiusi 12 cm bo‘lsa, bo‘yalgan soha yuzini toping. π = 3 deb oling.

4. Rasmda ikkita bir xil yarim doira va bitta chorak doira tasvirlangan. Agar yarim doira diametri 28 cm ga teng bo‘lsa, bo‘yalgan soha yuzini toping. π = 22/7 deb oling.

5. Dilshod mashinasida yo‘lning 4/5 qismini 80 km/h tezlikda bosib o‘tdi. Qolgan 96 km masofani 2 soatda bosib o‘tdi. Dilshod yo‘lni bosib o‘tish uchun jami necha soat vaqt sarflagan?

6. Usti yopiq bo‘lgan kuboid shaklidagi idishning bo‘yi 30 cm, eni 20 cm, balandligi 50 cm bo‘lib, unda 38 cm balandlikda suv bor. Bu idish ag‘darilib, 50 cm va 30 cm o‘lchamli yog‘i asos bo‘ladigan qilib joylashtirildi (rasmga qarang). Bu holda, idishdagi suvning balandligi necha cm bo‘ladi?

7. Akmal va Bekzod A shahardan B shaharga qarab o‘z avtomobillarida yo‘lga chiqishdi:

• Akmal soat 6:00 da o‘zgarmas tezlik bilan yo‘lga chiqdi.
• Bekzod soat 8:00 da o‘zgarmas 75 km/h tezlik bilan yo‘lga chiqdi.
• Bekzod 12:00 da B shaharga yetib kelganida, Akmalning B shaharga yetishiga 30 km qolgan edi.

Akmalning harakat tezligini aniqlang.

8. Radiusi 20 cm ga teng bo‘lgan doira yuzini toping. π = 3,14 deb oling.

9. Rasmda tasvirlangan bo‘yalgan soha perimetrini toping. Bunda kichik yarim aylanalarining radiuslari mos holda 5 cm, 9 cm va 7 cm ga teng. π = 3,14 deb oling.

10. Kubning hajmi 216 cm³ ga teng bo‘lsa, uning bir yog‘i yuzini toping.

11. Ikki shahar orasidagi masofa 480 km. Avtobus yo‘lning 300 km ini 6 soatda bosib o‘tdi. Qolgan masofani 90 km/h tezlik bilan bosib o‘tdi. Avtobusning o‘rtacha tezligi nechaga teng?

12. A kubning hajmi 64 cm³. B kubning qirrasi A kub qirrasidan 3 marta uzun. B kubning hajmini toping.

13. A va B shaharlar orasidagi masofa 455 km.

• Diyor avtomobilda A shahardan B shaharga 70 km/h o‘zgarmas tezlik bilan yo‘lga chiqdi.
• Bekzod avtomobilda B shahardan A shaharga 60 km/h o‘zgarmas tezlik bilan yo‘lga chiqdi.
• Diyor va Bekzod bir vaqtda ya’ni soat 8:45 da yo‘lga chiqishdi.

Berilgan ma’lumotlardan foydalanib, quyidagi tasdiqlarning to‘g‘ri yoki noto‘g‘ri ekanligini aniqlang.

• Diyor va Bekzod soat 12:15 da uchrashadi.
• Diyor uchrashguncha 245 km masofa bosib o‘tadi

14. Kuboidning hajmi 480 cm³. Uning eni 8 cm, balandligi 10 cm. Kuboidning bo‘yini aniqlang.

15. Rasmda tasvirlangan kuboidning hajmi 1875 cm³ ga teng. Kuboidning bo‘yalgan yog‘i yuzini toping.

16. Piyoda odam 5 km/h tezlik bilan yurmoqda. U 25 kilometr masofani necha soatda bosib o‘tadi?