5-sinf AHA Matematika №7.7

1. 439614 so'm pul 28 nafar kishiga teng taqsimlandi. Har bir kishi qanchadan pul olgan?

2. 20 ta idishning har birida 5,25 kg dan shakar bor edi. Zilola opa jami shakarni har biri 3 kg dan bo'lgan kichik idishlarga joyladi. Zilola opa shakarni nechta kichik idishga joylagan?

3. 18 ta bir xil quti shakarning umumiy massasi 12,6 kg. Bitta qutining massasi qancha?

4. 24 ta bir xil kitobning umumiy massasi 7,2 kg. Bitta kitobning massasi qancha?

5. Mashina 280 km masofani bosib o'tish uchun 25 ℓ benzin sarflagan bo'lsa, 1 ℓ benzin bilan u qancha masofaga yura oladi?

6. Dastlab birinchi idishda ikkinchi idishdagiga qaraganda 4 marta ko'p suv bor edi. Birinchi idishdan 1,05 ℓ suv ikkinchi idishga quyilganidan so'ng ikkala idishdagi suv miqdori teng bo'ldi. Ikkinchi idishdagi suvning hajmi qancha bo'ldi?

7. Sumkaning narxi 35,60 ming so'm, ryukzakning narxi esa 42,70 ming so'm. 3 ta sumka va 8 ta ryukzakning jami narxi qancha?

8. Sardor multfilm qahramonlarining rasmini yig'adi. Bitta rasmning narxi 0,75 ming so'm. Sardor 34 ta shunday rasm sotib olishi uchun jami qancha to'lashi kerak?

9. To'g'ri to'rtburchakning bo'yi 42,8 m va eni 23 m ga teng. Uning yuzini toping.

10. Temur aka mashinasini savdo markazi oldidagi avtoturargohga 3 soat qo'ygani uchun 25 500 so'm to'ladi. Avtoturargoh xizmatining bir soatlik narxini toping.

11. Poyezd 3,5 soatda 280 km yo'l yurdi. Poyezdning tezligini toping.

12. Birinchi tasma 2,4 m. Ikkinchi tasma esa birinchi tasmaga qaraganda 0,85 m uzunroq. Ikkinchi tasmaning uzunligi necha metr?

13. Uchta bir xil daftarning umumiy narxi 13 500 so'm. Bitta daftarning narxi qancha?

14. Idishda dastlab 14525 ml suv bor edi. Suvning bir qismi 19 ta bir xil shisha idishga teng miqdorda quyilganidan so'ng idishda 0,75 ℓ suv qoldi. Har bir shisha idishdagi suvning hajmi qancha? Javobni litrda ifodalang.

15. Ishchi 6 soatlik ish uchun 87 000 so'm oladi. Uning bir soatlik ish haqi qancha?

16. Nusxalovchi apparat 3 minutda 45 ta sahifani nusxalaydi. Uning nusxalash tezligi minutiga qancha?

17. Avtomobil 4,5 soatda 360 km yo'l bosdi. Avtomobilning tezligini toping.

18. Ra'no kompyuterda 5 minutda 75 ta so'z teradi. U bir minutda nechta so'z teradi?

19. Ikkita sonning yig'indisi 112,5 ga teng. Agar katta son kichigidan 5 marta katta bo'lsa, shu ikki sonni toping.

20. Yuzi 20 m² bo'lgan polni qoplaydigan gilam sotib olish uchun 3 800 000 so'm kerak bo'ldi. Bir kvadrat metr gilamning narxi qancha?

21. 5 ta bir xil qalam 17 500 so'm turadi. Bitta qalamning narxi qancha?

22. Bir taxlam qog'ozsochiqning massasi 14,5 g. 168 taxlam qog'ozsochiqning massasi qancha? Javobni kilogrammda ifodalang.

23. Dono 2,1 m uzunlikdagi simdan to'g'ri to'rtburchak yasadi. Agar to'g'ri to'rtburchakning bo'yi 45 cm bo'lsa, eni necha santimetrga teng?