Barcha fanlardan online testlar

Tarix olimpiada Tuman 2024-2025 o'quv yili

11-sinf Tarix olimpiada №6

InfoMaster

Oktabr 22, 2024

29 Ko'rishlar

SaqlashSaqlanganOlib tashlandi 0

2024-yil 21-oktyabr:

2024-2025 o’quv yilida tuman bosqichida tushgan savollar.

Tomonidan yaratilgan InfoMaster

11-sinf Tarix olimpiada №6

2024-yil 21-oktyabr:

2024-2025 o'quv yilida tuman bosqichida tushgan savollar.

1 / 30

Fermopil jangining Ahamoniylar davlati uchun muhim bo‘lgan jihatini aniqlang.

A) bu jangdan so‘ng forslar O‘rtayer dengiziga chiqishadi va Finikiyani egallashadi

B) makedoniyaliklarni o‘zlariga qaram qilishadi

C) jangdan keyin forslar O‘rta Yunonistonga yetib borishadi va Afinani egallashadi

2 / 30

Quyidagi ma’lumotlardan noto‘g‘ri javobni aniqlang.

A) Amir Temur o‘z saltanatining janubiy chegaralarini mustahkamlash va kengaytirish maqsadida Fors, Ozarbayjon, Iroq, Suriya hududlariga uch yillik, besh yillik va yetti yillik urushlarni amalga oshiradi

B) Amir Temurning har bir harbiy yurishiga turtki bo‘ladigan sabablar bo‘lgan. Bu sabablar – o‘z davlati chegaralarini mustahkamlash, tashqi dushmanlardan himoyalanish, karvon yo‘llarini turli yo‘lto‘sarlardan tozalash, xiyonatchi, sotqin, aldamchilarni jazolash, bo‘ysunmaganlarni itoat ettirish, o‘zining siyosiy ta’sirini kengaytirish edi

C) Amir Temur Usmonli turklar sultoni Boyazid Yildirim bilan munosabatlarni yaxshilash tarafdori bo‘lgan. Boyazid qoraqo‘yunlar, muzaffariylar, jaloyiriylarning Amir Temurga qarshi harakatlarini qo‘llab-quvvatlaydi. Natijada 1402-yilda ikki davlat o‘rtasida urush boshlanadi. Bu jangdagi Amir Temurning g‘alabasi Rus knyazliklarining birlashishlari uchun buyuk ahamiyat kasb etadi

3 / 30

1992-yildagi referendum natijasiga ko‘ra, qaysi mamlakat aholisi bo‘linishga qaror qildi?

A) Bosniya va Gersogovina

B) Serbiya-Chernogoriya

C) Chexoslovakiya

4 / 30

Temir davri bilan bog‘liq nomuvofiq javoblarni aniqlang. 1) temir buyumlarning ommalashuvi asta-sekinlik bilan davom etgan; 2) temir davri boshlarida Old Osiyo aholisi bir necha guruhlarga bo‘lingan edi; 3) temirdan birinchi bo‘lib foydalangan xalq Kichik Osiyolik xalqlar edi; 4) O‘rta Osiyoda temir buyumlarning tarqalishi mil. avv. XIV-XIII asrlarga to‘g‘ri keladi; 5) temir davrida ijtimoiy tizim taraqqiyotida hududiy qo‘shnichilik jamoasi shakllandi; 6) temir davrida ona urug‘i davridan ota urug‘i davrida o‘tildi;

A) 1, 3, 4

B) 2, 4, 5

C) 2, 4, 6

5 / 30

Quyidagilardan Franklar davlatida Buyuk Karl hukmronlik qilgan yillar oralig‘ida sodir bo‘lgan voqeani toping.

A) O‘g‘uzlar davlati qipchoqlar zarbasiga uchrab bo‘linib ketdi

B) Rofe ibn Lays qo‘zg‘oloni bo‘lib o‘tdi

C) Abu Muslim boshchiligidagi qo‘zg‘olon bo‘lib o‘tdi

6 / 30

XX asr boshlarida Fransiya temir rudasi qazib chiqarish bo‘yicha qaysi davlatlarni ortda qoldirdi?

A) Rossiya va AQSH

B) AQSH va Buyuk Britaniya

C) AQSH va Germaniya

7 / 30

Amir Temur davlatining tarkibiy tuzilishi harbiy- siyosiy tartiblarga asoslangan bo‘lsa-da ...

A) boshqaruv faqat qarindoshchilik udumlariga asoslangan edi

B) jamiyat rivoji, barcha ijtimoiy tabaqalarning manfaatlarini ta’minlash nazarda tutilgan edi

C) mamlakatdagi barcha boshqaruv mahalliy boshqaruvga asoslanib, yerli aholiga qoldirilgan

8 / 30

Kim Jaloliddin Manguberdi qudratini zaiflashtirish, uning ittifoqchilari o‘rtasiga raxna solish siyosatini tutdi?

A) O‘zbek

B) Malika Xotun

C) G‘iyosiddin

9 / 30

Ma’lumki, Xiva xonligi tashkil topgan davrda uning hududi katta bo‘lmagan. Xonlik hududi ... o‘z ichiga olgan. 1) g‘arbda; 2) shimolda; 3) janubda. Orol dengizi havzasini; b) Kaspiy dengizini; c) Atrek daryosi hamda Saraxs atrofigacha bo‘lgan hududini.

A) В) 1-a, 2-b, 3-c

B) 1-b, 2-a, 3-c

C) 1-b, 2-c, 3-a

10 / 30

“Yilnomalar to‘plami” asari muallifini aniqlang

A) Muhammad Hakimxon

B) Muhammad Ya’qub ibn Doniyolbiy Buxoriy

C) Mir Olim Buxoriy

11 / 30

Qadimgi Italiya hududida yashagan etrusklar nima maqsadda yunon koloniyalari bilan kurash boshladi?

A) Appenin yarimoroliga egalik qilish uchun

B) Keng ko‘lamda qurilish ishlarini olib borish uchun

C) Sharq mamlakatlari bilan erkin savdo-sotiq qilish uchun

12 / 30

Amerikada birinchi manufakturalar qachon paydo bo‘ldi?

A) XVII asrning birinchi yarmida

B) XVIII asrning birinchi yarmida

C) XVIII asrning ikkinchi yarmida

13 / 30

Ikkinchi jahon urushi davrida jang maydonlaridan qaytmagan o‘zbek yozuvchi va shoirlarini aniqlang.

A) Usmon Nosir, Oybek, G‘afur G‘ulom

B) Mirtemir, Turob To‘la, Mirmuhsin

C) Obidjon Abdurahmonov, Sulton Jo‘ra, Burhon Tursunov

14 / 30

O‘rta asrlarda chetga dori-darmon, rangli shisha buyumlar, bo‘yoq chiqargan hudud Mirzo Ulug‘bek tomonidan qachon egallangan?

A) 1425-yil

B) 1413-yil

C) 1414-yil

15 / 30

1556-yilda Sirdaryonining quyi etagiga ko‘chib kelgan qoraqalpoqlar qaysi xonlik tarkibiga kirgan?

A) No‘g‘ay xonligi

B) qozoqlarning O‘rta Juz xonligi

C) qozoqlarning Kichik Juz xonligi

16 / 30

Qaysi javobda Afg‘oniston hukmdori Abdurahmon boshqaruvi davrida o‘tkazilgan tadbirlar to‘g‘ri berilgan? 1) mamlakatda yagona pul birligi joriy etildi; 2) yagona soliq joriy etildi; 3) mamlakat uchun bir xil tosh-tarozi joriy qilindi; 4) chet el savdosi uchun boj to‘lovlarini oshirdi; 5) mamlakat uchun yagona uzunlik o‘lchovlari joriy etildi; 6) mamlakatni yangi konstitutsiyasini qabul qildi.

A) 1, 4, 6

B) 2, 4, 5

C) 1, 3, 5

17 / 30

O‘rta asrlar tarixi bilan bog‘liq noto‘g‘ri berilgan ma’lumotni aniqlang.

A) Konstantinopol shahri o‘rnidagi yunonlarning Megara shahri koloniyasi Vizantiy nomidan ko‘pincha Vizantiya deb ham atashgan

B) Xristian katolik cherkovi homiyligida bo‘lgani uchun Muqaddas Rim imperiyasiga “muqaddas” nomi berilgan

C) Xalqlarning buyuk ko‘chishlari davrida Itil (Volga) daryosi havzasida yashagan turkiy bulg‘or qabilasi janubga ko‘chib, hozirgi Bolqon yarimorolidagi Bolgariyaga borib joylashgan

18 / 30

Rossiyada qaysi hukmdor davrida davlat lavozimlarini faqat zodagon naslidan bo‘lgan kishilar egallashi tartibiga chek qo‘yilgan?

A) Ivan IV

B) Yekaterina II

C) Pyotr I

19 / 30

Londondagi Tauer ko‘prigining qurilishi tugallangan yilda sodir bo‘lgan voqeani toping.

A) R. Dizel tomonidan yonilg‘i siqilganida o‘z- o‘zidan alangalanib ketadigan yangi dvigatel yaratiladi

B) Rossiya imperiyasi tomonidan Kushka shahri egallandi

C) Avstriyada hukumat tomonidan ishchilar harakatiga qarshi “Favqulodda qonun” joriy etildi

20 / 30

Quyidagilardan noto‘g‘ri javobni toping.

A) “Husn-u dil” asarida yaxshilik va yomonlik o‘rtasidagi qarashlarda xayrli intilishlar, aql va oliyjanob niyatlar ustun keladi

B) “Qushlar munozarasi” asarida 12 ta qush o‘rtasidagi bahs tasvirlanadi

C) “Husn-u dil” dostonida Raqib, Fasod, Nafs obrazlari salbiy sifatlar sifatida turli yovuzliklar timsoli qilib tasvirlanadi

21 / 30

O‘rta asrlarda Fransiya yaxlit markaziy hokimiyatga bo‘ysundirilgan davrda yuz bergan voqeani toping.

A) Oltin O‘rda ulus nomi bilan to‘rtta yirik viloyatga bo‘linib ketdi

B) Germaniya Shimoliy dengizda raqobatchisi Daniya qiroliga zarba berdi

C) Maderiya, Azor, Kanar orollari kashf etildi

22 / 30

Quyidagi qaysi javob Livan davlati tarixi bilan bog‘liq?

A) 1975-yil falastinlik jangarilar bilan xristianlar otryadlari oʻrtasidagi toʻqnashuv fuqarolar urushini boshlab berdi

B) Jahonda aniqlangan neft zaxiralarining 1/4 qismi shu yerda joylashgan edi

C) Feysalning obroʻsi ortib borib, Eron bilan munosabatlarni yaxshilay boshladi

23 / 30

Andijon qaysi davrdan boshlab Farg‘ona vodiysining markaziga aylangan?

A) XV asrdan boshlab

B) XVI asrdan boshlab

C) XVII asrdan boshlab

24 / 30

9. Yunon olimi Ptolemey Yer olam markazidir, degan qoidasini xato ekanligini birinchi bo‘lib kim isbotlagan?

A) Jordano Bruno

B) Nikolay Kopernik

C) hali fanda isbotlanmagan

25 / 30

Yurtimizda F. Xo‘jayev tavalludining 100 yilligi qachon nishonlangan?

A) 2002-yil

B) 1994-yil

C) 1996-yil

26 / 30

Eronda qaysi shoh davrida demokratik harakatlar ta’siri ostida zamindor zodogonlarning nafaqasi qisqartirilgan va feodal zamonga xos unvonlari bekor qilingan?

A) Abdulhamid II

B) Muhammad Alishoh

C) Shoh Muzaffariddin

27 / 30

Afrikadagi Mali davlati nima uchun kuchsizlana borgan va qachon butunlay inqirozga uchragan?

A) feodallarning bir-biriga hujumi, taxt uchun kurashning avj olganligi va XIV asrda

B) feodallarning mustaqillikka intilishlari, taxt uchun kurashning avj olganligi va XVII asrda

C) tashqi dushmanlar hujumi, ularning taxt uchun kurashining avj olganligi va XIV asrda

28 / 30

“Jorulloh” nomi bilan mashhur alloma yurtida davlat chegarasi janubi g‘arbda qayergacha borgan?

A) Iroq

B) Marv

C) Badaxshon

29 / 30

Buxoro xonligida harbiy qo‘shin qismlari (bo‘linmalari) va ularning harbiy yurishlar vaqtidagi vazifalari o‘zaro to‘g‘ri moslashtirilgan javobni aniqlang.1)chanoh; 2) katta va kichik g‘ullar; 3) manglay; 4) tug‘chi. a)dushman tomonidan asir olib kelish; b) davlat bayrog‘ini qo‘riqlash; c) qo‘shinning qalb qismini dushmanning bexosdan qilinadigan hujumidan saqlash; d) qo‘shinning o‘ng va chap qanotlarini qo‘riqlash; e) Oliy bosh qo‘mondon (xon) va sarkardalarni himoya qilish.

A) 1-d, 2-e, 3-c, 4-b

B) 1-a, 2-b, 3-c, 4-e

C) 1-e, 2-d, 3-a, 4-b

30 / 30

Samarqand shahrida qancha yirik tarixiy me’moriy yodgorliklar mavjud?

A) 10 dan ortiq

B) 70 dan ortiq

C) 40 dan ortiq