On tili va adabiyot attestatsiya №10

On tili va adabiyot fanidan attestatsiya savollari №10

DIQQAT! Endi siz o'z bilmingizni sinab ko'rish bilan birga sertifikatga ham ega bo'lishingiz mumkin.

Sertifikat olish uchun barcha ma'lumotlarni to'g'ri kiriting!

e-mail manzilini to'g'ri kriting, barcha ma'lumotlar sizga yuboriladi.
Testda 76% va undan yuqori natija oling va sertifikatni yuklab oling.

1 / 40

Qaysi javobda quyidagi gap matn mazmuniga mos ravishda to’g’ri davom ettirilgan? Shoh Iskandar …

A) umrining so’nggida bu dunyoning o’tkinchi, bevafo ekanligini anglab yetibdi.

B) o’z xazinalari, boyliklari bilan birga ko’mishlarini vasiyat qilibdi

C) bitmas xazina, ko’p boylik o’z hayotining asosiy mazmuni ekanligini tushunibdi.

D) umrining so’nggida dunyoning ko’plab xalqlarini o’ziga tobe qilganidan g’ururlanibdi.

2 / 40

Qaysi qatorda asosidan -iy, -an, -ot qo‘shimchalari orqali yangi so‘z yasash mumkin bo‘lgan so‘z qo‘llangan?

A) Nimaga asoslanib bunday deganini sira tushuna olmayapman.

B) Ijodkor yoshlarga adib bilan bo‘lgan suhbat yoqmagan ko‘rinadi.

C) Shaxmatni boshlagandan keyin xayolparastlik odati yo‘qola bordi.

D) Qonunchilikda bu kabi holatlar nazarda tutilmagan emish.

3 / 40

Ravon so`zlash ko`nikmasini egallamaslik, fikrning quyilib kelmasligi natijasida nutq oqimida yuzaga keladigan uzilishni, qanday bo`lmasin “yopish”, keying gapni o`ylab toppish uchun e-e-e, xo`o`sh, shu, aytaylik ,gap shundaki birliklarini nutqda ko`p qo`llash…?

A) varvarizm

B) vulgarizm

C) parazit so`zlar

D) kanselarizm

4 / 40

Qaysi qatordagi gapda yordamchi so`z turkumlarining barcha turi ishtirok etgan?

A) Goh ko`chada, goh maktabda uni ko`rib turardim-u, hech yurak yutib gaplasholmasdim.

B) Biroq xirmonga kelishim bilan bu shirin xayollarimdan asar ham qolmay, ko`nglim g`ash bo`ldi.

C) Agar birov xafa qilgan bo`lsa ayt, mana shu tayog`im bilan gardaniga bir tushiray.

D) O`sha kezlarda men shularning hammasini o`z ko`zim bilan ko`rib yurgan bo`lsam ham, ammo tub mohiyatiga uncha tushunib yetmagan edim.

5 / 40

Qaysi gapda paronim bilan bog’liq xatolik mavjud?

A) Mevasini ko’tarolmagan shoh qarsillab sindi.

B) Xalqimiz uchun o’sha davrlarda bunday tushunchalar butunlay yot edi.

C) Bu kasallikning davosini toppish uchun olimlar astoydil izlanishmoqda.

D) Yo’l yoqasidagi azim yong’oqlar, sizlar ham yaxshi qoling.

6 / 40

O`g`lining dardiga sarg`aygan onaning oh-vohlariga chidab bo`lmasdi. Ushbu gapda qaysi turkumga oid so`zlar ishtirok etgan?

A) ot, sifat, olmosh, fe`l

B) ot, undov, sifat, fe`l

C) ot, sifat, ravish, fe`l

D) ot, fe`l, undov

7 / 40

Ostingda o’ynaydi chin tulpor oting, Rustamga o’xshaydi shon-u shvakating, Qayerda, mehmonjon, sening elating, Ajdaho nishonim, qaydin bo’larsan? “Go’ro’g’lining tug’ilishi” dostonidan olingan ushbu parchada bu gapni kim aytgan?

A) Bibi Hilol Ravshanga

B) Xoljuvon Go’ro’g’liga

C) Go’ro’g’li Rayhon arabga

D) Zaydinoy Go’ro’g’liga

8 / 40

Tire tushirib qodirilgan qo`shma gapni aniqlang?

A) Yulduzlarni xayolida har xil rangga bo`yab ko`rdi yulduzlar o`z rangida xira miltillab turaverdi.

B) Do`kondorlar orasida faqat bir kishi o`ttiz besh-qirq yoshlardagi qandolatfurush sergak edi.

C) Yigitlar daraxtlarning tagini yumshatdilar qizlar maktab hovlisini supurdilar.

D) Osmonda, darxtlarda, toshlarda, bog`otlarda hamma yerda chumchuqlar chirqillashadi.

9 / 40

Millatning o`zligini tayin etadigan eng so`nggi va bebaho xazina - milliy g`urur ekani voqeaband yo`sinda aks ettirilgan “Eng so`nggi xazina” she`ri qaysi shoir qalamiga mansub?

A) Muhammad Yusuf

B) Halima Xudoyberdiyeva

C) Shavkat Rahmon

D) Omon Matjon

10 / 40

Berilgan qaysi gapda undov, modal, taqlid so`zlarning barcha turiga mansub birliklar qo`llangan?

A) Voy, juda kichkinasan-ku, adashib qolibsan, chamamda, obbo, sen-ey.

B) Obbo, bu shitir-shitir ovoz juda jonga tegdi-da, xullas, bezor bo`ldim, boshqa bu yerda tunamaymiz.

C) Iye, shunday mas’uliyatli ishni bir o`zing qildingmi, barakalla, yashavor-ey!

D) Jigarim olovga tegardi jiz-jiz, Sochlarim oqargan shunda, ehtimol.

11 / 40

Berilgan parchada nechta yasama so`z qatnashgan? “Jang maydoni yigitlarga husn bag‘ishlaydi. Yigit uchun mardlik, qahramonlikdan o‘zga ulug‘roq, oliyroq bir fazilat bormi?” – dedi Navoiy.

A) 2 ta

B) 3 ta

C) 4 ta

D) 1 ta

12 / 40

Qaysi gapda ham yetakchi fe’l qismi, ham ko‘makchi fe’l qismining asosi shakldoshlik xususiyatiga ega bo‘lgan yetakchi va ko‘makchi fe’lli so‘z qo‘shilmasi ishtirok etgan?

A) Dadasining qo‘lidan ushlab, dikir-dikir sakrab o‘ynoqlab keta berdi.

B) Taxtga chiqqach, adolat bilan ish tutibdi.

C) Ko‘klamning daragi kelmasdan ayvonga ko‘chib o‘tdi.

D) Qo‘qonga nonushta mahali yetib keldik.

13 / 40

Suluv qizlar burab qo‘yar sochini,
Mard yigit g‘animdan olar o‘chini.
Bag‘ring kuygandayin bo‘zlab yig‘laysan,
Menga aytgin yig‘laganing vajini! “Go’ro’g’lining tug’ilishi” dostonida ushbu parcha kimning tilidan kimga qarata aytilgan?

A) Rustambek tilidan Go’ro’g’liga

B) Hiloloy tilidan Ravshanga

C) Rustambek tilidan Hiloloyga

D) Gajdumbek tilidan Ravshanga

14 / 40

Baxtsiz hodisa tufayli bir kunda xotini va ikki farzandidan ayrilgan obraz qaysi asarda uchraydi?

A) ”Hellados” (N.Dumbadze)

B) ”Ot egasi” (Sh.Xolmirzayev)

C) ”Dunyoning ishlari” (O’.Hoshimov)

D) ”Qiyomat qarz” (O’.Umarbekov)

15 / 40

Qaysi gapda tire tinish belgisi tushirib qoldirilgan?

A) Yaxshi niyatli kishilarning ahdi shu edi.

B) Ehtimol, sizda ham shunday hollar bo‘lgandir tun yarmidan og‘ganda birdan uyg‘onib ketasiz.

C) Vatan har bir inson tug‘ilib o‘sgan, kindik qoni to‘kilgan tabarruk go‘sha!

D) Mening opam ham mohir tikuvchi, ular bejirim ko‘ylaklar tikib charchamaydilar.

16 / 40

Qaysi gap tarkibida adabiy nutqning sofligiga futur yetkazuvchi unsurlardan biri – varvarizm uchraydi?

A) Shundan buyon mundial saralashidagi omadsizlik termamizni tark etmayapti.

B) Hudaychi Azizbekdan ilgariroqda qo‘riqchilarni ogohlantirib borar, yosh va keksa muhofizlar uni salomlab qarshi olar edilar.

C) Chol salmoqlab gap boshladi: – E xotin, o’lmaydigan odam bormi?

D) Mana, Salomxon aytvotti, xijolat bo’ladigan hech gap o’tmabdi-ku.

17 / 40

Abdulla Oripovning “Sohibqiron” dramasida Amir Temur o’z o’g’li Mironshohni nima uchun qirq kun zindonga tashlaydi?

A) qilichini yo’qotib qo’ygani uchun

B) xotiniga qo’l ko’targani uchun

C) begunoh odamni o’ldirgani uchun

D) qo’l ostidagi lashkarlarga beetibor bo’lgani uchun

18 / 40

Hilm – ahloqli odamning qimmatbaho libosi. U kiyim turlarining eng chidamli matosidir. Hilm yomon nafsni daydi shamol uchirishidan asraguvchi va ikkiyuzlama munofiqlarning bexuda harakatidan himoya qiluvchidir. Yumshoq ko‘ngillilikni hodisalar to‘la dengizdagi kishilik kemasining langari desa bo‘ladi. Hilmni insoniyat qadrini o‘lchaydigan torozining toshiga tenglashtirsa ham bo’ladi. Matndagi nechta so’z imloviy jihatdan xató yozilgan?

A) 4 ta

B) 3 ta

C) 2 ta

D) 5 ta

19 / 40

Bir odam tovusning tumshug‘i bilan qanotlaridagi go‘zal, yaltiroq patlarni yulayotganini ko‘rib qoldi. Chidolmay so‘radi: – Ey go‘zal qush! Gunoh emasmi, shunday chiroyli, rang-barang patlaringni yulib tashlayapsan. Holbuki, sening go‘zalliging shu patlaringdir. Hamma shu patlaringdan yelpig‘ich qilish, ularni kitob sahifalari orasiga qo‘yishni o‘ylaydi, sen esa nima qilyapsan? Tovus javob berdi: – To‘g‘ri, lekin bu patlar mening jonimdan aziz emas. Chunki bu patlar tufayli meni ovlashadi, jonimga qasd qilishadi. Jon omon qolishi uchun xunuk bo‘lishim kerak. Ushbu matn haqidagi noto’g’ri mulohazani aniqlang.

A) Odamlar jonzotlarga nisbatan shafqatsiz.

B) Odamlar tovuslarni yeyish uchun ovlamaydi.

C) Tovusning go’zalligi o’ziga dushman.

D) Tovus go’zallik uchun o’zini qurbon qilmoqchi.

20 / 40

Bir xil janrga mansub hajviy asarlar keltirilgan qatorni toping.

A) «Maysaraning ishi», «Og‘riq tishlar», «Saylov»

B) «Yovuz niyatli kishi», «O‘n ikki stul», «Oltin buzoqcha»,

C) «Adabiyot muallimi», «Chiqdi», «Qiyshiq oyna»

D) «Maskovchi boy ta’rifida», «Dodhohim» «Tuhmatchilar jazosi»

21 / 40

Keltirilgan qaysi so’zlar noto’g’ri izohlangan? 1) tuzuk – nizom; 2) tamaddun – poydevor; 3) daroz – novcha, baland bo‘yli; 4) zarofat – dehqonchilik; 5) aborigenlar – tub joyliklar; 6) azimat -buyuklik.

A) 2, 3, 4

B) 1, 2, 5

C) 2, 4, 6

D) 1, 2, 6

22 / 40

Bir g’azalida go’zal yor xokisor oshiqning yuziga oyoq bosar ekan, oyog’i og’riydi, “yuzing buncha bo’yradek dag’al bo’lmasa” deb nozlanadi. Ushbu mazmundagi bayt qaysi shoir ijodida uchraydi?

A) Furqat

B) Lutfiy

C) Atoyi

D) Navoiy

23 / 40

Qaysi javobda faqat to’g’ri yozilgan so’zlar keltirilgan?

A) murojot, mallim, movin, molaja, muattar

B) murojat, muallim, movin, muolaja, muatar

C) murojaat, muallim, muovin, muolaja, muattar

D) murojaat, muallim, muovin, molaja, muattar

24 / 40

Faqat bosh gap qismida yasama so‘z(lar) qatnashgan ergashgan qo‘shma gapni aniqlang

A) Qaysi narsaga o'z mehnating bilan erishsang, o'sha narsa sen uchun qadrlidir.

B) Kimki dushmani bilan olishganda ham insonparvarlikni unutmasa, u, albatta, yengadi

C) Bizning maqsadimiz kishilarning dunyoqarashlarini shakllantirmoqdir, chunki har bir kishi yaxshilik va yomonlikni, oq-u qorani o'zi ajrata oladigan bo'lishi kerak

D) Tilagim shuki, ukalarim muhtojlik nimaligini bilmasin.

25 / 40

«Falaki jomakabud dastidin yuz dodki, bir yig‘inda haqni aytib, balog‘a qolib zinadan quvlang‘animda oyog‘im chiqib yotib qoldim. Yosh umrim hayf va rangim za’faron bo‘lib yotdim. Bor mavjud kuchim kitob o‘qumoq va g‘azal abyot qilmoq ila band bo‘ldi». Ushbu gaplar qaysi ijodkor tarjimayi holidan olingan?

A) Bobur

B) Anbar Otin

C) Mashrab

D) Turdi Farog’iy

26 / 40

Abdulla Qodiriy ijodi haqida: “Abdulla Qodiriy iste’dodli, qalbi butun va o’ziga xos ravishdagi shaxs edi… Abdulla Qodiriyning prozasi, birinchi navbatda, g’oyatda hayotiyligi bilan ajralib turadi”, degan haq gaplarni yozgan adib kim?

A) Oybek

B) Said Ahmad

C) Abdulla Qahhor

D) Maqsud Shayxzoda

27 / 40

Kechasi ishlayman, kunduzi uxlayman. Ushbu gapda ishtirok etgan qo’shimchalar haqidagi to‘g‘ri hukmni toping.

A) 2 ta so‘z yasovchi, 4 ta munosabat shakli

B) 1 ta so‘z yasovchi, 4 ta munosabat shakli

C) 1 ta so‘z yasovchi, 6 ta munosabat shakli

D) 2 ta so‘z yasovchi, 6 ta munosabat shakli

28 / 40

Qaysi qatordagi so’zning izohi noto’g’ri keltirilgan?

A) Modernizatsiya – Zamonaviy talab va didga moslab o‘zgartirish

B) Qutidor – Qo‘qon xonligida oliq-soliqlardan to‘plangan pullarni qabul qilib oluvchi, saqlovchi va xon xazinasiga topshiruvchi saroy amaldori.

C) Murshid – Pir yoki eshonga qo‘l berib, so‘fiylik yo‘liga kirgan shaxs

D) Kulliyot – Bir adabiy turga mansub asarlarning majmuyi, she’riy to‘plam.

29 / 40

Navoiyning tarixiy-memuar ruhidagi asarlaridan biri keltirilgan javobni toping.

A) “Nazm ul-javohir”

B) “Siroj ul-muslimin”

C) “Xamsat ul-mutahayyirin”

D) “Sab’ati ahhur”

30 / 40

Qaysi qatorda Fuzuliyning turkiy devonidagi asarlarning miqdori to’g’ri tartiblangan? 1)ruboiy; 2) qasida; 3) g’azal; 4) qit’a a) 42 ta; b) 300 ga yaqin; c) 27 ta; d) 75 ta

A) 1-a; 2-c; 3-b; 4-d

B) 1-d; 2-a; 3-b; 4-c

C) 1-b; 2-c; 3-d; 4-a

D) 1-d; 2-c; 3-b; 4-a

31 / 40

Hilm – ahloqli odamning qimmatbaho libosi. U kiyim turlarining eng chidamli matosidir. Hilm yomon nafsni daydi shamol uchirishidan asraguvchi va ikkiyuzlama munofiqlarning bexuda harakatidan himoya qiluvchidir. Yumshoq ko‘ngillilikni hodisalar to‘la dengizdagi kishilik kemasining langari desa bo‘ladi. Hilmni insoniyat qadrini o‘lchaydigan torozining toshiga tenglashtirsa ham bo’ladi. Ushbu matndagi ajratilgan so’zlarning hech biriga mos bo’lmagan izoh qaysi javobda keltirilgan?

A) yeyish-ichish, mol-dunyoga bo’lgan ehtiros

B) so’zi va amali bir bo’lmagan kishi

C) jismoniy jihatdan kuchsiz, zaif

D) qirg’oqqa tashlanib, kemani ushlab turadigan moslama

32 / 40

Bir odam tovusning tumshug‘i bilan qanotlaridagi go‘zal, yaltiroq patlarni yulayotganini ko‘rib qoldi. Chidolmay so‘radi: – Ey go‘zal qush! Gunoh emasmi, shunday chiroyli, rang-barang patlaringni yulib tashlayapsan. Holbuki, sening go‘zalliging shu patlaringdir. Hamma shu patlaringdan yelpig‘ich qilish, ularni kitob sahifalari orasiga qo‘yishni o‘ylaydi, sen esa nima qilyapsan? Tovus javob berdi: – To‘g‘ri, lekin bu patlar mening jonimdan aziz emas. Chunki bu patlar tufayli meni ovlashadi, jonimga qasd qilishadi. Jon omon qolishi uchun xunuk bo‘lishim kerak. Matndagi nechta so’z tarkibida tovush almashishi yuz bergan?

A) 3 ta

B) 5 ta

C) 4 ta

D) 2 ta

33 / 40

Qaysi javobda taniqli davlat va din arbobi Xoja haqida noto’g’ri fikr keltirilgan?

A) Buxoroda vafot etgan va Bahouddin Naqshband qabri yonida dafn etilgan.

B) Jonibek Sultonga bag’ishlab “Maqsad ul-atvor” nomli doston yozgan.

C) Toshkentlik mashhur avliyo Zangi Ota avlodlaridan hisoblanadi.

D) Mashhur “xojagon” silsilasiga asos solgan.

34 / 40

Qaysi gap tarkibida sovg’a so’zining ma’nodoshi qo’llanmagan?

A) Hovlimiz ziynati jambil, rayhonday, Otam ta’biricha edim boychechak.

B) Qishloq bolalari suyunchi so‘rab borishgan, xonadon sohiblari bolalarga hadyalar berishgan

C) Sizga bu taronam – kuyim armug‘on, Nasr – og‘ir qadam, nazm – chopog‘on.

D) Tilmoch tortiqni oldi va beto‘xtov pristavga yaxshilab tushuntirishni va’da qildi.

35 / 40

Turli shoirlarning bitiklaridan iborat to’plamga Shekspirning ham to’rt sonetini kiritib, “Otashin ziyoratchi” nomli kitob chiqargan noshir kim?

A) Jaggard

B) Sautgempton

C) Ben Jonson

D) F.Meres

36 / 40

Shu yurt tinch – yo’q dilda sanchiqlaringiz, Qiqirlab yurishar qalliqlaringiz. Yor-yorlar yarashar, to’ylar yarashar, Yarashar to’qlikka sho’xliklaringiz. (M.Yusuf) Ushbu she’riy parchada ishtirok etgan yasama so’zlar haqidagi fikrlardan nechtasi to’g’ri? fe’ldan ot yasalgan; 2) fe’ldan sifat yasalgan; 3) taqlid so’zdan fe’l yasalgan; 4) otdan sifat yasalgan; 5) sifatdan ot yasalgan

A) ikkitasi

B) to’rttasi

C) uchtasi

D) beshtasi

37 / 40

1) hojib (eshik og‘asi), 2) payg‘om (xabar), 3) degrez (cho‘yandan qozon quyuvchi), 4) yorg‘ichoq (donni maydalash uchun ishlatilgan tosh asbob) 5) bog‘ot (bog‘lar, bog‘li joylar), 6) gisu (soch). Yuqorida keltirilganlardan qaysilari tarixiy so’z hisoblanadi?

A) 2, 5, 6

B) 1, 2, 3, 4, 6

C) 1, 3, 4

D) 1, 3, 5, 6

38 / 40

Qaysi gap tarkibida subyektiv baho ifodalovchi qo’shimcha qatnashmagan?

A) Shunda sizni azob emas, rohat kutajak.

B) Hoy bolam, manavini bir simir. Ichginang uzilib ham ketgandir sanginani.

C) O‘yinga mashg‘ul bo‘lib o‘tirgan olti-yetti yashar qizaloq soy yoqalab kelayotgan kishiga ko‘zi tushib, shodon qiyqiradi.

D) Kundoshlarning eng kichigi – bu dargohga tushganiga besh oygina bo‘lgan kelinchak – ganjiravonlik Unsinoy chilim solib tutdi.

39 / 40

O’tgan ajdodlarimiz bizni shu aziz xalqimizni astoydil sevishga, unga fidokorlik bilan xizmat qilishga, uning qadriyatlarini hurmat qilishga o‘rgatishgan. Ushbu gap haqidagi qaysi fikr to‘g‘ri emas?

A) Olmosh bilan ifodalangan vositasiz to’ldiruvchining kesimga bevosita tobelanishi kuzatiladi.

B) Olmosh bilan ifodalangan vositali to‘ldiruvchining kesimga bilvosita tobelanishi kuzatiladi.

C) Olmosh bilan ifodalangan qaratqich aniqlovchining kesimga bilvosita tobelanishi kuzatiladi.

D) Ot bilan ifodalangan vositasiz to’ldiruvchilarning kesimga bevosita tobelanishi kuzatiladi.

40 / 40

Qaysi gapda ham vazifadosh, ham sof ko’makchi mavjud?

A) U siz uchun mana shu iztiroblarning, qiyinchiliklarning barchasiga dosh bera oladi.

B) Boburning o’z hayoti to’g’risida bunchalik ochiqchasiga yozgani Xondamir uchun ajablanarli hol edi.

C) Sulton ularning barchasiga erinchoqlik bilan nazar tashladi.

D) Bobur Agradan Kobulga yuborgan bu maktub Mohimga atab yozilganini sezib turardi.

0%

Baholash mezoni

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) saqlansin”;

- 75 foizdan past ko’rsatgichga ega bo’lsa - “Attestatsiyadan o’tmadi, birinchi malaka toifasi (yetakchi o’qituvchi lavozimi)ga tushirilsin”;

- 75 foiz va undan yuqori ko’rsatgichga ega bo’lsa - “Attestatsiyadan o’tdi, oliy malaka toifasi (bosh o’qituvchi lavozimi) berilsin”;

- 74 foizdan 65 foizgacha ko’rsatgichga ega bo’lsa - “Attestatsiyadan o’tdi, birinchi malaka toifasi (yetakchi o’qituvchi lavozimi) saqlansin”;

- 65 foizdan kam ko’rsatgichga ega bo’lsa - “Attestatsiyadan o’tmadi, ikkinchi malaka toifasi (katta o’qituvchi lavozimi)ga tushirilsin”

- 64 foizdan 60 foizgacha ko’rsatgichga ega bo’lsa - “Attestatsiyadan o’tdi, ikkinchi malaka toifasi (katta o’qituvchi lavozimi) saqlansin”;

- 60 foizdan kam ko’rsatgichga ega bo’lsa - “Attestatsiyadan o’tmadi, mutaxassis (oliy yoki o’rta maxsus, kasb-hunar ma'lumotli o’qituvchi) lavozimiga tushirilsin”

On tili va adabiyot attestatsiya №10

Sertifikat olish uchun barcha ma'lumotlarni to'g'ri kiriting!

Baholash mezoni

Author: InfoMaster

Matematika attestatsiya №11

9-sinf Adabiyot 1-mavzu

Ona tili va adaviyot fanidan attestatsiya savollari №14

Ona tili va adabiyot attestatsiya №13

On tili va adabiyot attestatsiya №12

On tili va adabiyot attestatsiya №11

Javob qoldiring

Elementlarni Solishtiring