Ona tili va adabiyot attestatsiya №1 Yanvar 6, 2022Mart 3, 2022 da chop etilgan InfoMaster tomonidan Ona tili va adabiyot attestatsiya №1 ga 10 fikr bildirilgan 0% 57 12345678910111213141516171819202122232425262728293031323334353637383940 Ona tili va adabiyot fanidan attestatsiya savollari №1 1 / 40 Sonor undoshlar haqida berilgan qaysi fikr to’g’ri emas? A) Sonor undoshlar jarangsiz juftiga ega emas. B) Sonorlar jarangli va jarangsiz undoshlar sanaladi. C) Sonorlarga mansub undoshlardan bittasi lab undoshi sanaladi. D) Sonorlarga mansub undoshlardan ikkitasi sirg’aluvchi undoshlar sanaladi. 2 / 40 Quyidagi ajratib ko’rsatilgan band so’zi haqida berilgan to’g’ri hukmni toping. 1)Usta pichoqqa band yasash bilan ovora ekan, bezovta qilmadik. 2)Suv kelmasdan band tashlama. 3)Shifokor hozir band birozdan keyin xabar oling. A) 1- va 3-gaplardagi band so’zi o’zaro ko’p ma’noli so’zlar sanaladi va ushbu so’z 2-gapdagi band so’ziga nisbatan shakldoshlik qila oladi. B) Ushbu gaplarda qatnashgan band so’zlarining barchasi o’zaro shakldosh so’zlar sanaladi. C) Har uchala gapdagi band so’zi bir so’zning turli ma’nolarda qo’llanishidir. D) 2-va 3-gapdagi band so’zlari o’zaro ko’p ma’noli so’zlar sanaladi va ushbu so’zlar 1- gapdagi band so’ziga nisbatan shakldoshlik hosil qila oladi. 3 / 40 old, ko`ra, orqa, qarab,ro`para, deya, oldin, deb,avval, bo`ylab, keyin, so`ng, atab. Ushbu vazifadosh ko`makchilardan nechtasi fe`l so`z turkumidan hosil bo`lgan? A) 7 tasi B) 5 tasi C) 6 tasi D) 10 tasi 4 / 40 “Suv qalqisa loyqasi yuqoriga chiqqanday, zamon qalqigandan buyon yomon ko’paydi”. Ushbu misralar qaysi asardan olinganligini aniqlang. A) Bemor B) Urushning so’nggi qurboni C) Muzqaymoq D) Shum bola 5 / 40 “…… bu yog’ida to’qson besh, bu yog’ida to’qson besh o’n kam ikki yuz kokili bor, bir yog’ini tilla suviga botirgan, bir yog’ini kumush suviga botirgan, tong shamolida qotirgan. Jamoli chillaning qoriday tingjirab, yaltirab o’tirgan”. Ushbu parchada xalq dostonlaridagi qaysi qahramonning husn-u jamoli ta’riflangan? A) Gulanorning B) Zulxumorning C) Xolbekaning D) Barchinoyning 6 / 40 Naqqoshlik – xalq amaliy sanatining qadimiy soxalaridan biridir. Naqqoshlikda ustalar tayyorlab beradigan andoza, qolip muxim ahamiyatga ega. Odatda, naqsh, bezakni malakali naqqosh ustalar chizib bergan. Bunday naqshlarni memorchilik, gilamchilik, kashtado‘zlik, kandakorlik kabi soxalarda uchratish mumkin. Naqsh yaratish ustadan did, maxoratdan tashqari katta tajriba va malakani talab qiladi. Shu sababli o‘tmishda naqqoshlar xalq hunarmandlarining eng bilimdon, istedodli qismi hisoblangan. (“Qomus” to‘plamidan) Ushbu parchada necha o`rinda imloviy xatolikka yo`l qo`yilgan? A) 6 B) 8 C) 7 D) 5 7 / 40 Qaysi javobda keltirilgan gapda tarkibida faqat til oldi undoshlari bo’lgan qo’shma sifat mavjud? A) Qo’shiqning diltortar navolari hammani o’ziga rom qildi. B) Orzu millatga hayotbaxsh ruh bag’ishlaydi. C) Milliy mafkuramizda milliylik umumbashariy g’oyalar bilan uyg’unlashib ketgan. D) U juda shirinsuxan odam ekan. 8 / 40 T.Murodning “Yoshlik” jurnalida chop etilgan asari? A) “Ot kishnagan oqshom” B) “Yulduzlar mangu yonadi” C) “Otamdan qolgan dalalar” D) “Oydinda yurgan odamlar” 9 / 40 Qaysi javobda imloviy xato yozilgan so’zlar soni ikkita? A) Qor urib turgan bir kun edi. Birdan ko’chada dod-faryod ko’tarilib qoldi. B) Zebi yuragida tugulib yotgan zo’r tugunni yechib yuborgan edi. C) Yaxshilik qilsang, ohirigacha yaxshilik qilgin, zinxor minnat qilma. D) O’rtadagi xontaxtada sovub qolgan kabob va meva-cheva bor edi. 10 / 40 Quyida berilgan gaplarning qaysilarida paronim xatolik jarangsiz undosh o`rniga jarangli undosh qo`llash orqali yuzaga kelgan. 1.Odam tushgan chog`ni uning o‘zi qazigan bo‘ladi. (Nepal xalq maqoli) 2.Ushshoq ham non. (Norveg xalq maqoli) 3.Nokasdan qars olsang, uxlashga qo‘ymaydi. (Ukrain xalq maqoli) 4.Do‘stsiz boshim – tussiz oshim. (O‘zbek xalq maqoli) 5.Mard jonini fido qilsa, qochoq issiz yo‘qolar. (Chuvash xalq maqoli) 6.Bug‘uni uradigan odam uning shohlaridan qochib qutula olmaydi. (Dolgan xalq maqoli) 7.Og‘zini bod ochadigan kishi ko‘p yo‘qotadi. (Shved xalq maqoli) 8.Kichkina teshikdan kirgan nur ham xonani yoriq qiladi. (Yapon xalq maqoli). A) 2, 6, 8 B) 1, 7 C) 3, 4, 5, 8 D) 1, 3, 4, 5, 7, 8 11 / 40 Matndagi tagiga chizib ko’rsatilgan so’zlardan birortasining ham ma’nosiga mos kelmaydigan izohni aniqlang. Aytishlaricha, Iskandar taxtga o’tirgach, jahonda u tasarruf qilmagan joy qolmabdi. Dunyoning barcha shohlari uning qullug’ini ado etishni o’zlariga sharaf deb biladilar. Yetti iqlim dur-u javohirlari uning xazinasi sari oqib keldi. Yurti obod, xalqi farovon bo’ldi. Dunyoning jami oqil-u donishmandlarini jam etdiki, barcha ilm-u ma’rifat sirlari u uchun ayon bo’ldi. Shunday jahongir shoh ajal oldida ojiz qolib vasiyat qiladi: “Meni ko’mish uchun qabristonga olib borayotganda tobutdan bir qo’limni tashqariga chiqarib qo’ying. Toki unga boqqan kishilar yetti iqlimni olgan, yetti falak mushkulini hal qilgan qudratli oxir-oqibat bu dunyoni tark etib, quruq qo’l bilan u dunyoga ketayotganini ko’rsinlar. So’nggi yo’lga ketar ekanman, istaymanki, menday jahongirning dunyodan quruq qo’l bilan ketayotgani mol-dunyo to’plashga ruju qo’ygan odamlar uchun ibrat bo’lsin! Iskandardek qudratli shohning mol-mulki o’ziga vafo qilmadi, ammo uning adli, ilm-u irfoni tillarda doston bo’lib qoldi, zero insonning umri davomida to’plagan mol-u dunyosi bebaqodir, undan faqat ezgu amallargina yodgor bo’lib qoladi A) Faxr, iftixor, faxrlanishga arziydigan B) Tez o’tib ketadigan, doimiy, abadiy turmaydigan, saqlanmaydigan C) Koinot, olam, falak, osmon D) Egalik qilmagan, ixtiyoriga olmagan, xo’jayinlik qilmagan 12 / 40 Imloviy jihatdan to’g’ri yozilgan so’zlar qatorini aniqlang? A) sazavor, mulaqot B) sozovor, muloqot C) sazovar, muloqat D) sazovor, muloqot 13 / 40 Qaysi ijodkor o’z she’rida Vatanning tinchligini asrash xuddi “mo’rt shisha”ni asrashdek qiyin ekanligini eslatib o’tadi? A) E. Vohidov B) A. Obidjon C) Zulfiya D) A. Avloniy 14 / 40 Boshni fido ayla ato qoshig`a Jismni qil sadqa ano boshig`a. Ushbu misralar Navoiyning qaysi dostonidan olingan? A) “Saddi Iskandariy” B) “Farhod va Shirin” C) “Layli va Majnun” D) “Hayrat-ul abror” 15 / 40 Quyidagilardan xamsanavislar haqida berilgan to’g’ri ma’lumotlarni aniqlang. 1)“Xamsa” yozishni ozarbayjonlikulug’ shoir Nizomiy Ganjaviy boshlab bergan; 2)Dehlaviy yana 2 doston qo’shib, o’z “Xamsa”sini yetti dostonga yetkazadi; 3)Jomiy “Xamsa”sini “Panj ganj” deb atagan; 4)Navoiy qisqa muddatda (1483-1485-yillard 51 ming misradan ortiq “Xamsa”sini yozib tugallagan. A) 1, 4 B) 1, 3 C) 2, 4 D) 2, 3 16 / 40 Quyidagi gapda mustaqil so`zlar miqdorini aniqlang? G`amgin qoyalar qilib qo`ygan gunohidan o`zi qo`rqib ketganday ingrab yubordi. A) 7 ta B) 9 ta C) 6 ta D) 8 ta 17 / 40 Jabr-u jafolardan o’tgan, endigina sening qo’lingdan tutgan, seni yo’qotib qo’ymaslik maqsadida bor vujudi bilan sen uchun yashayotganlarning orzusisan, mustaqillik! Ushbu gapda qo’llangan yasama so’zlar soni nechta? A) 3ta B) 5 ta C) 4 ta D) 2 ta 18 / 40 Odil Yoqubov qalamiga mansub “Olma gullaganda” asarining janrini aniqlang. A) roman B) hikoyalar to’plami C) qissa D) pyesa 19 / 40 Ilon kabi buralib daryo shu yerga kelganda, ikkiga ajralgan, uch chaqirimdan so`ng yana birlashardi. Berigan gapda qaysi turkumlar qatnashgan? A) ot, ko`makchi, fe`l, ot, ravish, fe`l, son, fe`l, son, ko`makchi, ravish, fe`l B) ot, ko`makchi, fe`l, ot, ravish, fe`l, son, fe`l, son, ot, ko`makchi, ravish, fe`l C) ot, ko`makchi, fe`l, ot, olmosh, ot, fe`l, son, fe`l, son ot, ravish, ravish, fe`l D) ot, ko`makchi, ravish, ot, ravish, fe`l, son, fe`l, son ot, ravish, ravish, fe`l 20 / 40 Qaysi qatorda Mirtemir ijodiga mansub tarjimalar berilgan? Pushkinning"Yevgeniy Onegin" she'riy romani; Lermontovning "Maskarad" asarini "Manas" qirg'iz xalq eposini; "Qirq qiz" qoraqalpoq xalq dostoni; "Sosunli Dovud" arman xalqeposi. A) 4, 5 B) l, 2 C) l, 2, 3 D) 3, 4 21 / 40 Eldor akaning uyi o`n yetti tomdan keyin joylashgan, zo`rg`a topib bordik-da. Ushbu gapda ajratib ko`rsatilgan so`zda qanday ma’no ko'chishi kuzatiladi? A) metafora B) metonimiya C) vazifadoshlik D) sinekdoxa 22 / 40 Imlo qoidasiga nomuvofiq yozilgan so‘z qatnashgan gapni aniqlang. A) Lekin kun isishini kutish haqida gap bo‘lishi ham mumkin emas, chunki havoga ishonish qiyin, eng muhimi, qor ustiga qor yog'ib, dashtda qolib ketishlari ehtimoldan xoli emas. B) Kishining iste’dodi barcha sohada bir xil bo'lavermaydi, chunki yoshlar o‘zi sevgan, qobiliyatiga mos bo'lgan ishni tanlay bilishi kerak. C) Hamon shamol o‘kirar, osmonning goh u, goh bu burchida chaqmoq yaraqlab, yong‘oq shoxlari shubhali g‘iyqillar, ammo endi bular uni qo‘rqitolmas edi. D) Biroq vaqt ketsa ham, otaning maslahati bilan ish tutganlari yaxshi bo‘ldi, chunki yomontosh darasi ular kutganday mudhish edi! 23 / 40 Qaysi qatordagi fe`llarda nisbat qo`shimchasi mavjud emas? A) Yomon qo`shni dushmandan yomon – turgan joyingdan ko`chirib yuborganini sezmay qolasan. B) Uning vujudida ham mehr, ham vahshiylik yashiringan edi. C) Ko`ngli vayron bo`lgan qiz yelkalari titrab-titrab yig`lardi. D) Baxt oila ostonasidan boshlanishini unutmang! 24 / 40 Voqea-hodisa, shaxs-narsani nomlash uchun ishlatilgan (bir so‘z yoki so‘z birikmasi bilan ifodalangan) qisqa gapdan so‘ng ishlatiladigan tinish belgisi qaysi gapda qo`llangan? A) Yashash. Bu – orzular qanotin kermoq. Yashash. Bu – muhabbat gullarin termoq. (O. Matjon) B) She’rim! Yana o‘zing yaxshisan! ( U. Nosir ) C) Podshoh o‘sha bolani yoniga o‘tqazib, undan so‘rabdi: Mening uyim chiroylimi yoki otangnikimi? D) Ko‘klamoyim, ko‘kingdan ber bir chimdim! ( M. Yusuf ) 25 / 40 Berilgan matndagi fonetik o’zgarishga uchragan so’zlar haqidagi noto’g’ri hukmni toping. A) Berilgan matnda olmosh tarkibida Tovush tushishi hodisasi ro’y bergan B) Beriligan matndagi so’zlarda ko’makchi morfemada ham tovush o’zgarishi kuzatiladi C) Fonetik o’zgarishga uchragan ot tarkibida jarangli undosh jarangsiz undoshga almashgan D) Berilgan matndagi olmosh tarkibida tovush ortishi hodisasi ro’y bergan 26 / 40 Payt, fursat, mahal, chog’, palla, muddat, dam, on, lahza. Yuqoridagi sinonim so’zlardan qaysi biri “ko’pincha ma’lum ish uchun lozim bo’lgan, shu ishga belgilangan vaqt” ma’nosini bildiradi? A) lahza B) on C) fursat D) payt 27 / 40 Berilganlardan qaysi birida grammatik moslik buzilgan? A) suv ichida cho`milmoq B) kuzdagi boychechak C) mevani ekmoq D) gulni barglari 28 / 40 Yangidan o’zida kuch-g’ayrat tuyardi, kelajagiga, o’z maqsadlariga erishishga umid uyg’onardi. Berilgan gap tarkibida fonetik o’zgarish asosida yozilgan so’zlar haqida to’g’ri fikrni toping. 1)Ushbu gap tarkibida fonetik o’zgarish hodisasi sodir bo’lmagan. 2)Fonetik o’zgarishga uchragan so’zlarda tovush tushgan va almashgan. 3)Fonetik o’zgarishga uchragan so’zlar soni 3 ta. 4)Fonetik o’zgarishga uchragan barcha so’zlarda tovush tushgan. A) 2, 4 B) 2, 3 C) 1, 2, 3 D) 1, 2, 3, 4 29 / 40 Qaysi so’zlarning yozilishida bosh harflar imlosiga amal qilingan? A) Sog’liqni Saqlash Vazirligi, Markaziy Osiyo B) Marjonbuloq qishlog’i, Birlashgan millatlar tashkiloti C) 21-mart – Navro’z Bayrami, Azamat Shuhrat O’g’li D) O’zbekiston Respublikasi Prezidenti, Oliy Majlis 30 / 40 Qaysi gapda paronimlarni qo’llash bilan bog’liq uslubiy xato mavjud? A) Shifoxonada butunlay tuzalib bod balosidan qutuldim. B) Bu ta’rifda barcha aloqa xizmatlari bepul amalga oshiriladi. C) Bir tup tut tagida bir tup turp turtib turibdi. D) Bu gaplardan so’ng anchagacha otasining boshi xam bo’lib yurdi. 31 / 40 O’n oy davom etgan tergov azoblaridan so’ng adib “sovetlartga qarshi targ’ibot qilgan”likda ayblanib, 10 yil muddatga ozodlikdan mahrum etilgan ijodkorning ijodi bilan bog’liq to’g’ri ma’lumotni aniqlang? A) Ushbu ijodkor qalamiga mansub asar o’tgan asrning 60- yillarida, Navoiy tavalludining 525 yilligi arafasida yaratilgan edi. B) Ushbu ijodkorning asarlarida ona yurti – O’zbekiston tabiati, uning zahmatkash xalqi mehnatini sharaflab yozgan she’rlari o’zining samimiyligi, ohangdorligi, o’quvchining eng nozik tuyg’ularini qo’zg’ata olishi bilan zamonlar sinovidan o’tib kelmoqda. C) Ijodkorning asarlaridan birida ulug’ mutafakkir Alisher Navoiyning ziddiyatlarga to’la hayoti tasvirlangan. D) Ijodkorning ijodidagi bosh mavzu nima deb so’ralsa, yurtga, tabiatga oshiqlik, bolalik xotiralariga sadoqat, o’z xalqidan faxrlanish, uni chin dildan sevish va ardoqlash, deb aytish mumkin. 32 / 40 Quyidagi qaysi gapda vazifadoshlik asosida ma’nosi ko’chgan so’z ega vazifasida kelgan? A) Rentgen apparati natijalarini kutyapmiz. B) Qozonning qulog’i qiyshayib qolgan ekan. C) Bosh omon bo’lsa, do’ppi topiladi. D) Stol oyog’i pishiq yog’ochdan qilingan. 33 / 40 T.To’laning ”Yetti zog’ora qissasi” asarida Navoiyni mahliyo qilgan donishmand deya kim tilga olinadi? A) Ahmad Yassaviy B) Otoyi C) Lutfiy D) Amir Temur 34 / 40 Quyida berilgan gap turini aniqlang. Bunday saltanat yalong’och odamga o’xsharki, uni ko’rgan kimsa nazarini olib qochadi. A) egasi yashiringan sodda yoyiq gap B) ergashgan qo’shma gap C) shaxsi umumlashgan sodda yoyiq gap D) sodda yoyiq gap 35 / 40 Ishlab chiqarilayotgan mahsulot turlarini ko‘paytirish, kengaytirish ma`nosinida qo`llanadigan so`z qaysi qatorda berilgan? A) strategiya B) brifing C) diversifikatsiya D) modernizatsiya 36 / 40 Iboralarni o`z muqobili bilan moslashtiring. 1) xafa; 2) xursand; 3) hovliqmoq; 4) yuvosh; 5) lallaygan; 6)sho‘x. a)ichiga chiroq yoqsa yorimaydigan; b)og‘zi qulog'ida; c)o‘pkasini qo`ltiqlamoq; d)qo‘y og'zidan cho‘p olmagan;e) og‘zing qani desa qulogini ko‘rsatadigan; f) yerga ursang ko‘kka sapchiydigan; A) 1-a, 2-b, 3-e, 4-d, 5-c, 6-f B) 1-a, 2-b, 3-f, 4-e, 5-d, 6-c C) 1-a, 2-b, 3-c, 4-e, 5-d, 6-f D) 1-a, 2-b, 3-c, 4-d, 5-e, 6-f 37 / 40 Navoiyning ”Haq taolo xoni in`omi-yu karami omi ” qit`asidagi ishonch, e`tiqod, ixlos, tushuncha, fikr, bilim ma`nolarini qaysi so`z ifodalaydi? A) ro`ziy B) gumroh C) ro`za D) aqida 38 / 40 Arman xalq eposi “Sosunli Dovud” dostonini tarjima qilgan ijodkorning asari qaysi qatorda berilgan? A) “Singan umid” B) “Izlaganim” C) “So`nggi kun” D) “Astrabod ” 39 / 40 Kesimi faqat til undoshlaridan tashkil topgan yasama so’z bilan ifodalangan gapni aniqlang. A) Oshkora yomonlikka nisbatan yasama ezgulikdan inson ko’proq nafratlanadi. B) Tarixni anglash orqali insonda hayotini anglash qobiliyati shakllanadi. C) Hasad va baxillik nafratdan ham murosasizroqdir. D) Do’stlikka yaramaydigan shaxsning eng yaramasi – chaqimchi. 40 / 40 Fuzuliyning “Dahr bir bozordir – har kas mato’in arz edar” baytini aytgan oddiy qorovul tohir aka obrazi qaysi asarda uchraydi? A) “Mehrobdan chayon” B) “Kecha va kunduz” C) “O’tkan kunlar” D) “Yulduzli tunlar” O'rtacha ball 57% 0% Testni qayta ishga tushiring Fikr-mulohaza yuboring Author: InfoMaster Ona tili va adabiyot attestatsiya
Salom, tetsdagi baza kattaligi uchun imkoni bo’lsa qaysi savol haqida aytayotganizda savolni bir qismidan yozib qoldiring. Chunki siz aytgan 40-savol aylanib tushadi qaysi savol ekanini topa olmaymiz, e’tibor uchun rahmat.Javob berish
6-savoldagi Today Murodning “Yoshlik” jurnalida chop etilgan asari C va D javoblarku. Demak ikkala javob ham to’g’rimi?Javob berish
“Berilgan matnda fonetik o’zgarishga uchragan so’zlar haqidagi noto’g’ri hukmni toping” savolida matn berilmagan ekan. Javobni topolmadimJavob berish
Testlar ajoyib. Attestatsiya ham shu darajada bo’lsin.
Test menga yoqdi
40 ta testni maza qilib ishladim
Salom, tetsdagi baza kattaligi uchun imkoni bo’lsa qaysi savol haqida aytayotganizda savolni bir qismidan yozib qoldiring. Chunki siz aytgan 40-savol aylanib tushadi qaysi savol ekanini topa olmaymiz, e’tibor uchun rahmat.
Assalomu alaykum xayrli kech
Test ajoyib
6-savoldagi Today Murodning “Yoshlik” jurnalida chop etilgan asari C va D javoblarku. Demak ikkala javob ham to’g’rimi?
Menimcha adashdingiz, “Ot kishnagan oqshom” javobi bo’ladi.
“Berilgan matnda fonetik o’zgarishga uchragan so’zlar haqidagi noto’g’ri hukmni toping” savolida matn berilmagan ekan. Javobni topolmadim
testlar menga yoqdi.