Ona tili va adabiyot abituriyentlar uchun №2

InfoMaster

Aprel 20, 2022

345 Ko'rishlar 3 izohlar

SaqlashSaqlanganOlib tashlandi 0

Ona tili va adabiyot abituriyentlar uchun №2

1 / 30

Qaysi gapda ravishdan yasalgan fe`llar berilgan?

A) Shokarim uxladimi, yo`qmi, bilolmadi.

B) Izg`irindan ko`zlar yoshlandi, oyoq ostidagi qor g`irchillaydi.

C) Mirtursun Xalifaning terakzoriga yaqinlashgach, qadamini sekinlatdi.

D) Peshonangiz devorga qarsillab urilganidan keyin esingiz kiradi.

2 / 30

Qaysi javobda vazifadosh zidlov bo`lovchilari keltirilgan?

A) –u, -yu, -da, xoh

B) –u, -yu, -da, ba’zan

C) –u, -yu, -da, balki

D) –u, -yu, -da, na….na

3 / 30

Qaysi ko`makchilar yo`nalish ma`nosini ifodalaydi?

A) bo`ylab, sari

B) tufayli, uchun

C) qadar, tomon

D) uchun, sababli

4 / 30

Qaysi gapdagi juft sifatlar yasama+yasama so`z shaklida tuzilgan?

A) Kasbning katta-kichigi bo`lmaydi.

B) Menga o`xshash esli-hushli yigitga zoriqib o`tirgan ekan.

C) U paytda qing`ir-qiyshiq ko`chalar ko`p bo`lgan.

D) U yoshligidan ota-onasiz katta bo`lgan.

5 / 30

Navoiy "Xamsa"ning qaysi qahramonini "bir yilda Qur`oni karimni yod oldi", deydi?

A) Farhodni

B) Shayx San`onni

C) Qaysni

D) Shayx Roziyni

6 / 30

T.Murodning “Yoshlik” jurnalida chop etilgan asari?

A) “Yulduzlar mangu yonadi”

B) “Otamdan qolgan dalalar”

C) “Ot kishnagan oqshom”

D) “Oydinda yurgan odamlar”

7 / 30

Qaysi javobda quyidagi gap matn mazmuniga mos ravishda to’g’ri davom ettirilgan? Shoh Iskandar …

A) o’z xazinalari, boyliklari bilan birga ko’mishlarini vasiyat qilibdi

B) bitmas xazina, ko’p boylik o’z hayotining asosiy mazmuni ekanligini tushunibdi.

C) umrining so’nggida dunyoning ko’plab xalqlarini o’ziga tobe qilganidan g’ururlanibdi.

D) umrining so’nggida bu dunyoning o’tkinchi, bevafo ekanligini anglab yetibdi.

8 / 30

Qaysi javobdagi baytda tazod san’atidan foydalanilmagan?

A) Orzu qildim: “ Tutarmen ”, - deb visoli domanin, Pora bo‘ldi hajr ilgida giribon oqibat.

B) Mumkin o‘lsa ko‘rmog‘im, ey sarvi ra’no, surating, Aylasa chashmim aro mardum kabi jo surating.

C) Bu kun, ey do‘stlar, farzandi jononimni sog‘indim, Gado bo‘lsam ne ayb, ul shohi davronimni sog‘indim.

D) Fasli navbahor o‘ldi ketibon zimistonlar, Do‘stlar, g‘animatdur, sayr eting gulistonlar.

9 / 30

Qaysi so’zlarning yozilishida bosh harflar imlosiga amal qilingan?

A) Sog’liqni Saqlash Vazirligi, Markaziy Osiyo

B) 21-mart – Navro’z Bayrami, Azamat Shuhrat O’g’li

C) O’zbekiston Respublikasi Prezidenti, Oliy Majlis

D) Marjonbuloq qishlog’i, Birlashgan millatlar tashkiloti

10 / 30

Quyida berilgan qaysi so`zlar imloviy jihatdan noto`g`ri yozilgan?
1) xasrat; 2) mudofaa; 3) muddoa; 4) tobeylanmoq; 5) tamir

A) 1, 2, 3, 5

B) 1, 3, 4, 5

C) 2, 3, 4, 5

D) 1, 2, 3, 4

11 / 30

Qaysi javobda imloviy xato yozilgan so’zlar soni ikkita?

A) O’rtadagi xontaxtada sovub qolgan kabob va meva-cheva bor edi.

B) Yaxshilik qilsang, ohirigacha yaxshilik qilgin, zinxor minnat qilma.

C) Qor urib turgan bir kun edi. Birdan ko’chada dod-faryod ko’tarilib qoldi.

D) Zebi yuragida tugulib yotgan zo’r tugunni yechib yuborgan edi.

12 / 30

Fuzuliyning “Dahr bir bozordir – har kas mato’in arz edar” baytini aytgan oddiy qorovul tohir aka obrazi qaysi asarda uchraydi?

A) “Yulduzli tunlar”

B) “Mehrobdan chayon”

C) “O’tkan kunlar”

D) “Kecha va kunduz”

13 / 30

Qaysi qatordagi fe`llarda nisbat qo`shimchasi mavjud emas?

A) Baxt oila ostonasidan boshlanishini unutmang!

B) Yomon qo`shni dushmandan yomon – turgan joyingdan ko`chirib yuborganini sezmay qolasan.

C) Uning vujudida ham mehr, ham vahshiylik yashiringan edi.

D) Ko`ngli vayron bo`lgan qiz yelkalari titrab-titrab yig`lardi.

14 / 30

Umri… mazmuni… millat… dardi… darmon bo’lish… iborat deb bilgan Amir Temur xalqimiz… ardoqli, ulug’ farzandidir. Ushbu gapda nechta so’zdagi nuqtalar o’rniga qaratqich kelishigi qo’shimchasini qo’llash lozim?

A) 5 ta

B) 2 ta

C) 3 ta

D) 4 ta

15 / 30

Quyidagilardan xamsanavislar haqida berilgan to’g’ri ma’lumotlarni aniqlang.
1)“Xamsa” yozishni ozarbayjonlikulug’ shoir Nizomiy Ganjaviy boshlab bergan;
2)Dehlaviy yana 2 doston qo’shib, o’z “Xamsa”sini yetti dostonga yetkazadi;
3)Jomiy “Xamsa”sini “Panj ganj” deb atagan;
4)Navoiy qisqa muddatda (1483-1485-yillard 51 ming misradan ortiq “Xamsa”sini yozib tugallagan.

A) 1, 4

B) 1, 3

C) 2, 4

D) 2, 3

16 / 30

Qaysi javobda keltirilgan gapda tarkibida faqat til oldi undoshlari bo’lgan qo’shma sifat mavjud?

A) Qo’shiqning diltortar navolari hammani o’ziga rom qildi.

B) Orzu millatga hayotbaxsh ruh bag’ishlaydi.

C) U juda shirinsuxan odam ekan.

D) Milliy mafkuramizda milliylik umumbashariy g’oyalar bilan uyg’unlashib ketgan.

17 / 30

Naqqoshlik – xalq amaliy sanatining qadimiy soxalaridan biridir. Naqqoshlikda ustalar tayyorlab beradigan andoza, qolip muxim ahamiyatga ega. Odatda, naqsh, bezakni malakali naqqosh ustalar chizib bergan. Bunday naqshlarni memorchilik, gilamchilik, kashtado‘zlik, kandakorlik kabi soxalarda uchratish mumkin. Naqsh yaratish ustadan did, maxoratdan tashqari katta tajriba va malakani talab qiladi. Shu sababli o‘tmishda naqqoshlar xalq hunarmandlarining eng bilimdon, istedodli qismi hisoblangan. (“Qomus” to‘plamidan)

Ushbu parchada necha o`rinda imloviy xatolikka yo`l qo`yilgan?

A) 6

B) 5

C) 8

D) 7

18 / 30

Qaysi ijodkor o’z she’rida Vatanning tinchligini asrash xuddi “mo’rt shisha”ni asrashdek qiyin ekanligini eslatib o’tadi?

A) A. Avloniy

B) A. Obidjon

C) Zulfiya

D) E. Vohidov

19 / 30

Quyida berilgan gap turini aniqlang. Bunday saltanat yalong’och odamga o’xsharki, uni ko’rgan kimsa nazarini olib qochadi.

A) ergashgan qo’shma gap

B) egasi yashiringan sodda yoyiq gap

C) sodda yoyiq gap

D) shaxsi umumlashgan sodda yoyiq gap

20 / 30

Quyida berilgan gaplarning qaysilarida paronim xatolik jarangsiz undosh o`rniga jarangli undosh qo`llash orqali yuzaga kelgan.
1.Odam tushgan chog`ni uning o‘zi qazigan bo‘ladi. (Nepal xalq maqoli)
2.Ushshoq ham non. (Norveg xalq maqoli)
3.Nokasdan qars olsang, uxlashga qo‘ymaydi. (Ukrain xalq maqoli)
4.Do‘stsiz boshim – tussiz oshim. (O‘zbek xalq maqoli)
5.Mard jonini fido qilsa, qochoq issiz yo‘qolar. (Chuvash xalq maqoli)
6.Bug‘uni uradigan odam uning shohlaridan qochib qutula olmaydi. (Dolgan xalq maqoli)
7.Og‘zini bod ochadigan kishi ko‘p yo‘qotadi. (Shved xalq maqoli)
8.Kichkina teshikdan kirgan nur ham xonani yoriq qiladi. (Yapon xalq maqoli).

A) 2, 6, 8

B) 3, 4, 5, 8

C) 1, 3, 4, 5, 7, 8

D) 1, 7

21 / 30

Qaysi gapda paronimlarni qo’llash bilan bog’liq uslubiy xato mavjud?

A) Shifoxonada butunlay tuzalib bod balosidan qutuldim.

B) Bu ta’rifda barcha aloqa xizmatlari bepul amalga oshiriladi.

C) Bu gaplardan so’ng anchagacha otasining boshi xam bo’lib yurdi.

D) Bir tup tut tagida bir tup turp turtib turibdi.

22 / 30

Asarlarni janri bilan moslashtiring?
1)“Ikki muhabbat”; 2) “Ilk muhabbat”; 3) “Chin muhabbat”;
a)hikoyalar to`plami; b)pyesa; c)she`riy to`plam

A) 1-b, 2-c, 3-a

B) 1-a, 2-b, 3-c

C) 1-a, 2-c, 3-b

D) 1-b, 2-a, 3-c

23 / 30

O’n oy davom etgan tergov azoblaridan so’ng adib “sovetlartga qarshi targ’ibot qilgan”likda ayblanib, 10 yil muddatga ozodlikdan mahrum etilgan ijodkorning ijodi bilan bog’liq to’g’ri ma’lumotni aniqlang?

A) Ushbu ijodkor qalamiga mansub asar o’tgan asrning 60- yillarida, Navoiy tavalludining 525 yilligi arafasida yaratilgan edi.

B) Ijodkorning asarlaridan birida ulug’ mutafakkir Alisher Navoiyning ziddiyatlarga to’la hayoti tasvirlangan.

C) Ijodkorning ijodidagi bosh mavzu nima deb so’ralsa, yurtga, tabiatga oshiqlik, bolalik xotiralariga sadoqat, o’z xalqidan faxrlanish, uni chin dildan sevish va ardoqlash, deb aytish mumkin.

D) Ushbu ijodkorning asarlarida ona yurti – O’zbekiston tabiati, uning zahmatkash xalqi mehnatini sharaflab yozgan she’rlari o’zining samimiyligi, ohangdorligi, o’quvchining eng nozik tuyg’ularini qo’zg’ata olishi bilan zamonlar sinovidan o’tib kelmoqda.

24 / 30

“Go`ro`g`lining tug`ilishi ” dostonida Gajdumbek kimning o`g`li?

A) Odilxonning

B) Qovushtixonning

C) Shohdorxonning

D) Jig`alixonning

25 / 30

Ilon kabi buralib daryo shu yerga kelganda, ikkiga ajralgan, uch chaqirimdan so`ng yana birlashardi.
Berigan gapda qaysi turkumlar qatnashgan?

A) ot, ko`makchi, fe`l, ot, ravish, fe`l, son, fe`l, son, ot, ko`makchi, ravish, fe`l

B) ot, ko`makchi, ravish, ot, ravish, fe`l, son, fe`l, son ot, ravish, ravish, fe`l

C) ot, ko`makchi, fe`l, ot, ravish, fe`l, son, fe`l, son, ko`makchi, ravish, fe`l

D) ot, ko`makchi, fe`l, ot, olmosh, ot, fe`l, son, fe`l, son ot, ravish, ravish, fe`l

26 / 30

Qaysi qatorda Mirtemir ijodiga mansub tarjimalar berilgan?

Pushkinning"Yevgeniy Onegin" she'riy romani;
Lermontovning "Maskarad" asarini
"Manas" qirg'iz xalq eposini;
"Qirq qiz" qoraqalpoq xalq dostoni;
"Sosunli Dovud" arman xalqeposi.

A) 4, 5

B) l, 2

C) 3, 4

D) l, 2, 3

27 / 30

Berilganlardan qaysi birida grammatik moslik buzilgan?

A) mevani ekmoq

B) gulni barglari

C) suv ichida cho`milmoq

D) kuzdagi boychechak

28 / 30

Sonor undoshlar haqida berilgan qaysi fikr to’g’ri emas?

A) Sonorlarga mansub undoshlardan ikkitasi sirg’aluvchi undoshlar sanaladi.

B) Sonorlar jarangli va jarangsiz undoshlar sanaladi.

C) Sonor undoshlar jarangsiz juftiga ega emas.

D) Sonorlarga mansub undoshlardan bittasi lab undoshi sanaladi.

29 / 30

T.To’laning ”Yetti zog’ora qissasi” asarida Navoiyni mahliyo qilgan donishmand deya kim tilga olinadi?

A) Lutfiy

B) Amir Temur

C) Ahmad Yassaviy

D) Otoyi

30 / 30

Navoiyning ”Haq taolo xoni in`omi-yu karami omi ” qit`asidagi ishonch, e`tiqod, ixlos, tushuncha, fikr, bilim ma`nolarini qaysi so`z ifodalaydi?

A) ro`ziy

B) aqida

C) ro`za

D) gumroh

Baholash mezoni

To'g'ri javob uchun 3,1 ball.

Author: InfoMaster

Foydali bo'lsa mamnunmiz

Ona tili va adabiyot abituriyentlar uchun №2

Vaqtingiz tugadi!

Baholash mezoni

To'g'ri javob uchun 3,1 ball.

Author: InfoMaster

Tarix majburiy blok №7

Ingliz tili abituriyentlar uchun №2

Ona tili va adabiyot abituriyent testi №3

Ona tili va adabiyot abituriyent testi №1

Javob qoldiring

Elementlarni Solishtiring